1. ايهم افضل ؟ ولماذا ؟

ايهم افضل ؟ ولماذا ؟

شنقمماي المدينة الساحرة هي مناسبة لكم اذا تبغون هدوء وهو جو حلو ومناسبة للعوائل لان ما فيها دعاره مثل بوكيت .. يعني الصباح رحلات سياحية الى المغرب وبالليل تتسوقون بالنايت بازار او بالقهاوي وطبعا ما فيها بحر .. بوكيت مدينة صاخبة ليلياً ونشطة بالنهار يعني بكل الاوقات تلقى ناس و فله .. خاصة في شاطئ الباتونق بالنهار تشوف المتسحدين على الشاطئ والطائرات الشراعية والبراشوت ولعب كرة القدم وكل شي وبالليل التسوق وشارع البنقله وهويله من سحره ومنجمين ودعاره ..
يعني الفرق هو أن شنقماي هدوء و جو حلو وطبيعة وشلالات وارخص بكثير من كل المدن التايلاندية وما فيها اسواق كبيرة واذا رحت لها لا تنسى رحلة الرافتنق اللي على نهر شنقماي .. و بووكيت صاخبة جدا بالليل وبالنهار برضو لكنها حقت شباب اكثر من عوائل وما تمل منها ابدا .. يحتار الواحد فيهم من حلاتهم لكن الراي لك ..
2- وسيلة التنقل من بانكوك الى بوكيت او شيانق ماي عن طريق اي خطوط ؟ وهل احجز هناك ولا احجز من النت ؟
عن طريق أير أسيا و أحجز عن طريق النت بيكون ارخص بكثير واحجز من بدري تطلع ارخص ولا تنسى تدفع حق الوزن بالموقع او ان كان بتشيلهم معك بالطياره لا تدفع .. وانتبه تحجز من هناك او بديرتك لانه اغلى بكثير ياخذون فوايد منك
3- المجمعات التجاريه واجد ..اي مجمع افضل للتسوق واذا مافيها احراج اتمنى اتكون بالترتيب
4- لقيت فندق في شيانق ماي اسمه The Chedi Chiang Mai وهو مصنف 5 نجوم ويبعد 500 متر من البازار ..هل تنصحون فيه اذا اخترنا شيانق ماي لأن الرويال فل !
0بعيد جدا صراحه .. انصحك تصرف النظر عنه واسكن في فندق ميرديان لانه يطل على نايت بازار .. وفيه فندق اسمه people place 2 سكنت فيه وعادي جدا و رخيص ونظيف وتعامل طيب و مطل على النايت بازار وسعر الليله تقريبا ب 100 ريال شامل الفطور
5- اذا فيه نصايح زياده اتمنى ماتبخلون علينا فيها ..
نصيحتي لك نسق رحلاتك الداخلية بتايلاند من مواقع النت بديرتك مثل خطو طيران اير اسيا والفنادق من موقع بوكينق وبتوفر عليك كثير وكلهم مضمونات واي خدمة احنا حاضرين

ما أزيد على كلام أخوي فواز 29
بالتوفيق لك وللجميع

تسلم الغالي فواز وماقصرت وبيض الله وجهك ..
بالنسبه للسؤال الثالث فأنا اقصد المجمعات الي في تايلاند ..
اما شيانق ماي مالقيت حجز في فندق مريديان فعشان كذا دورت في بوكنق ولقيت هذا الفندق اقرب واحد للبازار وعجبني فيه انه مصنف 9.3 يعني من ارقى الفنادق وانظفها ..
وبيني وبينك ..مايل حق شيانق ماي اكثر من بوكيت والدليل اني قاعد ادور فنادق في شيانق ماي ..
طيب بالنسبه للرحلات السياحيه هناك في شيانق ماي هل عن طريق الفندق ولا مكاتب السياحه هناك !
واذا عن طريق المكاتب وين الاقيها ؟
دمتم لنا

السلام عليكم ,,,
عندك هاالفندق ممتاز ورخيص و قريب من السوق الليلي ....
http://www.agoda.com/asia/thailand/chiang_mai/centara_duangtawan_hotel.html

اخوي القطري اذا رحت شنقماي وتبي تروح رحلات سياحية فأنتبه تروح للمكاتب اللي عليها لوحات عربية مثل المهاجرون واسماعيل لانهم يستغلون العرب والعربي لما يشوف لوحة فيها كلام عبي على طول يروح له لكن هاذولي استغلاليين يدبلون عليك السعر و باصاتهم مو كويسه ومريحه
فنصيحة لك بما أني مجرب أسأل عن فندق people place2 وفيه مقابله مكتب سياحي على الشارع نسيت وش اسمه وفيه تايلانديه مبتسمه متعاونه واسعارها ارخص من كل المكاتب بحسب اني شيكت عليهم كلهم ويجيك باص شركة الصباح ممتاز وكبير ..
بالنسبه لرحلات شنماي انت رح للمكتب الي قلت لك وبتعطيك برامج لليوم الواحد وفيها يمكن اكثر من 7 وجهات في اليوم تروح لها وتطلع من 8 الصباح الى 5 المغرب وكلها حلوه ومثيره وما تمل منها و ودك تكرر الروحه لها
لكن اهم شي لا تنسى الشلالات وقل لها الشلال اللي فيه سباحة لانه خيالي تسبح داخل غابة والشلال يصب عليك من فوق ومناظر جنان وثاني الرافتنج اللي رحلة المغامرة التجديف من اول النهر الى اخره خيالي جدا وما تنساه طول عمره وثالث شي هو زيارة المعابد في شنقماي ورابع شي هو زياره اعلى قمه في تايلاند على الحدود البورمية طبيعة وجو خيالي فوق ما تتصور .. طبعا برامج كثير لكن اللي ذكرتهم هي استمتعت فيهم اكثر ولها ممتعه .. وطبعا الرحلات بتكون شامله الغداء وكل شي .. وكانت للشخص الواحد تقريبا 800 بات أو 1000 بات يعني تقريبا 100 ريال سعودي
واي خدمه انا حاضر اخوي

مارحت شنغماي بصراحة ولكن بوكيت من أروع الجزر اللي رحت لها بحياتي واتمنى زيارتها عن قريب ان شاء الله
الله يوفقك ويسهل أمور سفرتك

1. القطرية حجزتها من مكتب سفريات

حياك الله ولد ديرتي نورت
ابدً ما انسى افضالك في سفرتي في لندن 2010 واعتقد سفره 2008 ايضاً لك افضال كثيره امانه ما انساها في مساعداتك
بالنسبة لتايلند تختلف على حسب جوك وللامانه بوكت وشنغماي كلهم حلوه ولكن شنغماي بالنسبة لي كانت افضل من بوكت ممكن لاني رحت بوكت كذا مره فمليت منها الله اعلم
بالنسبة لبوكيت الاماكن السياحيه عندك جزيرة جيمس بوند افضل من جزيرة بي بي ايسلاند للامانه هذا اذا كنت من هواة الجزر ...
بالنسبة للخطوط الطيران للامانه انا اول مره احجز طيران عن طريق خطوط النت

القطرية حجزتها من مكتب سفريات

اما خطوط الطيران حجزتها عن طريق air asia با استخدام بطاقة مصرف الريان pay & go وعلى طول تنخصم من البطاقه ( لا حجز مبلغ ولا غيره تطمن ) غير هذا تختار مقعدك مباشرة وطبعا كل الكراسي قدام اول كرسي الهوت سيت اعتقد بيكون اريح لك والفرق بينه وبين الكراسي الباقيه تقريبا 30 ريال
كذلك عندهم الخطوط التايلنديه لكن ضعف سعر طيران اسيا وحرام تاخذلك طياره دولية عشان رحله مدتها 50 دقيقه
تجربة سفرتك على طيران اسيا 1 مايو ذهاب واياب من بانكوك الى بوكت مع الهوت سيت اول كرسي فاضي هالتاريخ ( 2254 بات )
تجربة سفرتك على التايلنديه 1 مايو ذهاب واياب من بانكوك الى بوكت ( 7080 بات )
بالنسبة لمجمعات التسوق في بانكوك عاصمة التسوق على حسب البضاعه الي تبيها ارشح لك امانه بالترتيب
1- mbk بضائع التقليد درجه اولى ودرجه عاديه ولاماعليك من اسعارهم يقولون لك الشنطه ب 3800 ترى احنا ناخذها ب 1500 بات وبعض الناس اذكياء ممكن ياخذونها با اقل
2- بلاتنيوم مجمع كبير وايد معظمه اذا مو كله ملابس للأمانه انا ما ارتحت فيه لكن اهلي الي معاي استانسو عليه وصارو يروحون له كل يوم
3- بانتم بلازاز مجمع الكتروني رائع بكل ماتحمله من كلمه اذا انت مثلي راعي الكترونيات
انصحك تبعد عن سنترال بانكوك الصراحه مجمع بايخ بايخ بايخ وايد عكس سنترال شنغماي الي امانه مجمع رائع
كذلك بالنسبة للتسوق انصحك في شنغماي عندهم سوق ليلي هناك اضف الى ذلك مجمع السنترال وعندهم محل مكون من اكثر من 4 طوابق اسمه روبنسون شي جذي مو متاكد
طبعا اذا رحت شنغماي راح تتلعوز بموضوع الاكل وراح تضطر تاكل من الوجبات السريعه لا انكر ان هناك مطاعم اسلامية ولكنها باكستانيه واكلها مو ذاك الزود عكس بوكت الي يتوفر فيها مطاعم عربية على اعلى مستوى
والقرار لك بالاخير

الاخوان ما قصروا ،،
بس اذا تبي نصيحتي روح بوكيت وراح تدعي لي
البرامج السياجية والبحرية احلى بكثير ويفضل تسكن بمنطقة الباتونق بيتش ،،

اخوي القطري , انا مب خبرة في تايلند اول مره اجيها واحين انا في بانكوك ..
بس نصيحه اذا انت جاي حق الفحوصات , ف راسل المستشفى اللي انت زايره ل عمل الفحوصات .. لان عادي لي توصل هني يقولون لك عندك موعد وقصدي بالموعد مع الاخصائي ولا الاستشاري !!
ونفس ماذكرت لك تقدر تخاطب المستشفى عن طريق الموقع الرسمي , وارسال التفاصيل عن طريق الايميل ..
وهذا للتنويه فقط , وماتجوفون شر ..