وش هالأخبار الشينة يا مسافر متزن ؟؟؟
وش اللي صار ؟؟
غريب جدا لأني للحين أعرف 4 أشخاص طلعت لهم الفيزا السياحية بدون أي مشاكل
لكن وش قصتك أنت ؟ اعترف بسرعة

نجد
هلا نجد ......
والله ما ادري وش سويت معاهم ...
صدقني ... ما اتابع إلا القناة الأولى ... ولا أشجع إلا المنتخب
والله اتوقع جت عند واحد وذاك اليوم ماهو رايق .... لكن الله يعين ...
إذا ما ردوا لي خلال الثلاثة أيام الجايية أبي أغير الموعد بعد أسبوعين ...
او أغير أستراليا إلى الصين ويكون الموعد كما هو ....
لكن الله يعين ...
شكرا لاهتمامك أخي نجد ...

طيف الورود
اي والله ... الله يعين أختي طيف الورود ...
فعلا والله تتعب النفسية مع هالفيزا ...
المشكلة ... احترت أدفع لحجوزات الإقامة ام لا ....؟؟
ومرة أقول أدفع ومرة أقول لا ...
مرة أقول أغير حجزي إلى أسبوعين قادمة لكن المشكلة أكثر الخطوط فل هالايام ...
ومرة أقول أغير الدولة ... وشكله هذا اللي يبي يصير ...
شكرا لاهتمامك ...
تحية طيبة ..

اخوي
انا طلعتها في اسبوعين واذكر اني جبت لهم سجل اكاديمي من الجامعه يعني يعتبر اخر معدل حصلت عليه وقال الموظف لا مانحتاجه بس كنت كاتب في الطلب اني خلال السياحه بدرس وارفقت طلب القبول مع الطلب
وكنت اتصل على السفاره(اذا مو ناسي تحويله اربعه) وكنت اتابع معهم كل اسبوع
اتصل وشف
والله يعينك

السلام عليكم:
انا مبتعث من الدولة في تخصص معين و استغرقت الفيزا 6 أشهر تقريبا و لا أدري لماذا هذه التعقيدات من الجهات الاسترالية.
فكانت طلباتهم كثيرة و كان هناك سوء تواصل و تفاهم مع المعهد الذي كنت ادرس فيه و بين ادارة الهجرة و كأنهم ضايعين في الطوشة و ما يدرون وش يسون.
و طلبو جوازي اكثر من مرة و الظاهر هم خايفين منا احنا الخليجيين و من سالفة الارهاب.... الله يجازي من كان السبب.
عموما من خلال تجربتي التي انتهيت من معناتها منذ اقل من شهر فان الفيزا الاسترالية معقدة جدا جدا جدا.

ملبورن
تحية أخي ملبورن ... والله ما شلت همها ... لكن انت خابر ... الواحد يبي يرسي على بر ...
وإلا أنا حاط بدائل ... نيوزلاندا طوالي ... أو الصين ...
عموما شكرا على اهتمامك أخي الكريم
تحية..