الراسيه
اختي الغاليه حياج الله
عندج محلات Riva و choise بسوق شرق
وعموما اي بدله تشترينها راح تلقين اكسسواراتها بسهوله بمحلات الاكسسوارات مثل نوران او توب شيك او ساره و هذيله المحلات موجودين باغلب المجمعات
اتمنى اني فدتج و اي استفسار من عيوني

مشكوره الغاليه ماقصرتى وكيف اسعار هالمحلات؟؟؟

اسفه عالتدخل واللقافه اسعارهم معقوله جدا وبعد في مجمع كويت ماجيك بالفحيحيل محلات ملابس المحجبات بكثره ومجمع المهلب ومجمع النقره الشمالي والاسعار جدا معقوله

الراسيه
حياج الله اختي الاسعار يعني بين 20 و 50 تقريبا بس مثل ما ذكرت اختي شراع الهوى المحلات تلقين اشياء حلوه و اسعارها زينه
عندج بعد السالميه شارع سالم المبارك مقابل الغانم محلات وايد و مسوين تصفيه على 50% و 70% عشلان بيهدون العمارات ف فرصه حلوه
اختي شراع الهوى نورتي و ما قصرتي

وفي محلات وايد بمجمع المهلب للملابس خصوصا للمتحجبات, وفي المحلات الي اسعارهم غاليه مثل الرايه والصالحيه فيهم محلات للملابس روعه وكشخه بس غاليه شوي.

واذا تبين شي سبشل تقدرين تروحين لأتيليه مصممه الازياء الكويتيه أنسام الخلف اسمه ( أنسام كوليكشن) وموجود بمنطقه الجابريه مطل على الجسر الرابط بين الجابرية والخالدية.

عفوا أقصد على الجسر الرابط بين الجابرية والسره وليس الخالديه

اختي الراسيه ..
ما شاء الله اهل الكويت ذويقين و شياكه ..
و محلاتهم اغلبها اذا مو كلها مليانه لبس يصلح للمحجبات ..
لان هذا هو ستايل الكويتيات اغلبهم ما شاء الله محجبات ..
و حتى الحجابات و الطواقي متوفره بكثره ..
و الاسعار مختلفه حسب انتي وش تقدرين ..
تبدأ من 5 دينار الى 50 !!
انتي و ميزانتيتك ..
فيه مجمعات غاليه و مجمعات اسعارها معقوله ..
فيه سوق الستي سنتر ( المعلم ) هذا كله ملابس حجاب و رخيص .. اغلب محلاته يبيعون ب 5 و ب 7
يعي عدنا 75 ريال و 100 ريال ..
و الحلو انهم ممكن ياخذو منك ريالات عادي ..
و كمان فيه النقره الشمالي و الجنوبي ..
و كويت ماجيك .. و المهلب .. هذا الاثين فيهم ماركات و بعد قطع كويتيته ..
فيه مجمع العربيد و الحمراء جنب بعض بس مو ذاك الزود ..
المحلات الحلوه هي ..
انوتا .. ريفا .. اكوا .. الفرقد ..
هذا اللي اتذكرهبس عمومآ كلش حلو في الكويت ..
فيه مجمعات كلها ماركات بس شي منها موجود عندنا و بعضها لا بس بالكويت ..
شرق .. مارينا .. الافنيو ..الكوت ..
الكويت يبي لها عشر ايام بس عشان تفرين على الاسواق بدو ن تمشي بعد ..
الله يحفظ الكويت لأهلها .. الله يعلم غلاها عندي
عاد انا توني واصله من هناك ..