روز 2010
حياج الله حبيبتي بالكويت ومشكورة على الاطراء الحلو ,بالنسبة للصالونات عندج صالو جاك ديسانج بالشعب البحري وصالون موس بالجابرية ولامود باليرموك ومس فرساي بالشيراتون ومس ون بقرطبة وشارمل بحولي وغيرة وايد شطار بالصبغ والقص ,وبالنسبة لمحلات الجلابيات عندج في مجمع العربيد بلازا والعربيد في الفروانية ,ومجمع النقرة اسعارة حلوة مع مجمع السندس ,ومجمع الاوقاف يلبي كل الاذواق بس شوي غالي والحمرا مول بالفروانية ومجمع سارة بجانب الحمرا مول وبالنسبة للمشاغل على حسب فيه مجمع العربيد وايد مشاغل عنده وعلى الطلب وادعيلي حبيبتي وموفقة واحنا حاضرين للطيبين.

اصول2
اصول 2
الله يعطيك الف عافيه
ماقصرتي يالغلا
وهذا ماهو غريب على بنات الكويت
مشكو ره
وكلك ذوق على الرد
تقديري لك

روز 2010
العفو يالغالية ماطلبتي الا عزج .

ماشاء الله الاخت أصول ماقصرت بالرد يعطيها العافية بس ممكن أضيف بعض الاضافات
بالبداية أحب أشكرج على كلامج الجميل وهذا من ذوقج حبيبتي بالنسبة للصبغات عندج لامود مثل ماذكرت أصول وله أكثر
من فرع وعندج صالون لابلوبيل بالشعب البحري الصالونات كثيرة بس راح اذكر لج منها البعض لكويتيات عندج ليلى هارموني
حق ليلى العراده يشتغلون فيه كويتيات بس لازم حجز وموعد وعندج صالون آستر = آلاء دشتي وعندج مركز حنان دشتي
وعندج رشا شيك = رشا الحافظ....هذا البعض منهم تقدرين تختارين.

كويتيه رحاله
تسلمين حبيبتي على الرد وعلى ذكر المشاغل لان بصراحه خاطري اصبغ شعري بالكويت
مشكوره ولاهنتي يالغلا