صاحبة مبداءء
02-12-2022 - 11:20 pm
السلام على بنات الكويت الذويقات
انا من السعودية وراح اتزوج قريبآ وحابه اكمل تجهيزي من عندكم وابي فزعتكن وخاصه الملابس بس ماعندي اي خلفيه عن المحلات لان هذي زيارتي الاولى وحابه تساعدوني وين اروح وابي اسم مول او مولين في منطقة الكويت تكون مره حلوه
لاني ماابي اضيع وقتي بالمولات لان ماشاالله مافيه اكثر من المولات اللي عندنا وتقريبآ جميع الماركات العالميه وهذا اللي عقدني
لان لبسنا صار تقريبآ زي بعض ومافيه اي تميز
عشان كذا جيت لمكم وابي فزعتكم معي وابيكم تساعدوني ودلوني اماكن المحلات اللي تكون فيها البدل والتيورات والبلايز الحلوه تصميم محلي وتكون الاسعار معقوله يعني من 300 الى 2000ريال
يعني تقريبآ من 25 الى 150دينار اذا كان حسابي صحيح
والف الف شكر ويجزاء اللي يساعد واللي مايساعد الف خير
صح نسيت وابي سوق يبيع جلابيات حلوه واسعاره مناسبه
معليش طولته
بالنسبة للمولات عندك حياة مول بالرياض على شارع الملك عبدالله وانتٍ متجه يم الشرق يجي على اليسار وحسب خبري ان الشارع فيه تحسينات تنبهي له لان التحويلات على ماظن كثيره تقريبا صح غالي بس فيه كل شي
وعندك رويال مول او حول الاسم هذا يقع على طريق الملك فهد وانتِ جايه من الشمال للجنوب بعد ماتعدين مستشفى الحبيب.
وفيه اسواق مكه على طريق الملك فهد على ماظن مخرج فيصل بن تركي او تركي بن فيصل يجي على اليمين طريق الخدمه اسعاره متوسطه ومول كبير على ماظن ثلاثة ادوار وفيه الرياض بلاز على الدائري الشرقي قبل جامع الراجحي متوسطه اسعاره
وبالنسبه للكويت عندك (360) مجمع كبير وانت متجه يم السره جهة الشرق يجي على اليسار بالزاوية سوق حلو فيه كل شي ترى اسعار حاره شوي وفيه (سوق شرق) يقع على شارع الخليج بعد سوق السمك واهلنا بدرة الخليج مايقصرون واهل مكه ادرى بشعابها الله لايخلى منهم
ترى ماقلت شي قلت راي وقلت وجهة نظرعلى ماقال اخينا سعود الورع في برنامجه مع الناس الله يحفظه
وبالتوفيق