نشر في سويسرا

بلييز افيدوني لاني محتااره

امـ فطومـهـ

14-11-2022 - 11:39 am

السلام عليكم ورحمة الله وبركاتة
هذا اول موضوع لي بالمنتدي واعتبرة سبب في تسجيلي عندكم ..
ابي خبرتكم وتجاربكم ماعليكم امر !!
انا مفكرة اسافر في العطلة بعد شهر رمضان وذلك لظروف تمنعني من السفر قبل شهر رمضان وقررت سفرتي في عيد الفطر المبارك بإذن الله ,,
لكن ,,,
احترت وين اسافر في اوربا .. فكرت في سويسرا وباريس واذا امكن خاطري ازور فنيسيا بس ماعرفت اخطط لها ..
وراح اكون انا وزوجي بس وبالنسبة لي سبق لي وزرت سويسرا وباريس لكن زوجي لم يذهب الى اوربا اطلاقا
فعدنة تخوف من السفرة ...
لكن انا شجعته
وابي من خبرتكم مخطط حلو وبسيط لكن بليز بدون تأجير سيارة افضل الطيران
بلييز وانا اعتبر سفرتي شهر عسل ابي رمانسية في المخطط
عفيا فدوني
بسأل عن التكلفة بدون التذاكر ... تقريبا كم تكلف !!!
الله يخليكم طمعانه في خبرتكم واذا تعرفون فنادق تكون 4 نجوم وفي السنتر ...
انتظر ردكم بفارغ الصبر
لاتحرجوني مع زوجي لان انا راح اكون مختارة المخطط .......

التعليقات (9)

امـ فطومـهـ

14-11-2022 - 02:38 pm

عفوا ابي اضيف شي
اذا كان عدد الايام 14 (اسبوعين)
واذا في مناطق يستحق التوجهه اليهاا
عفيا لازم اخطط لها من الحين عشان اعمل حساب الميزانية واكون مرتبة لها على اكمل وجهه
انا اثق في خبراتكم ..
بانتظاركم ..

ALI_Q8_77

14-11-2022 - 03:39 pm

حياج الله اختي العزيزه .. معانا .. واتشرفنا فيج وبتسجيلج بالمنتدى
اولا اختي لو تحددين اي الدول تحبين اتزورينه يكون افضل ؟؟ والميزانيه التقريبه من غير التذاكر ؟؟ وكم يوم الرحله ؟؟
واحنا حاضرين .. والاخوان المشرفين ببوابة اوربا هم اهل لهذا ..
احنا بالانتظار

امـ فطومـهـ

14-11-2022 - 04:40 pm

ali_q8_77
الله يحييك اخوي
المده 14
الميزانية من غير التذاكر 2000 دينار كويتي
مع العلم غير مهم الاكل يوميا في مطاعم راقية يعني الاكل يكون وجبات سريعه (((مع العلم اكلنا قليل ))
احب ازور باريس + دزني لاند + أي منطقة اقدر اروحلها في فرنسا تستحق الزيارة

ترافلينو

14-11-2022 - 05:41 pm

ما انصحج تروحين جنيف ولا زيورخ لانها حق رجال الاعمال والبزنس يعني مافيها شيء لرومانسيه ابدا اما بخصوص انترلاكن فهي منطقه مناسبه جدا لج ولزوجج هذه نصيحه من ذهب واتمنى اني افديج بأي سوال ثاني

ALI_Q8_77

14-11-2022 - 06:42 pm

حياج الله اختي الكريمه .. الميزانيه ان شاء الله كافيه من غير التذاكر .. لكن يبقى مستوى الفنادق خصوصا باريس وجنيف وانترلاكن تعتبر فنادقها غاليه مقارنه بدول اخرى ..
لكن اختيارج لباريس وجنيف جيد جدا .. لكن يبقى التنقل بينهم اذا كنتي تحبين القطارات اوكي المسافه على قطار تي جي في يأخذ 3 ساعات وربع تقريبا .. اوالخيار الثاني الطيران الداخلي بين باريس وجنيف ..
ويكون جدولج 4 ايام باريس وجنيف وماحولها 4 ايام من ثم الانطلاق بالقطار الى انترلاكن 4 ايام وبعدها الى زيوريخ يومين للتسوق والعوده من مطارها ..
اما بخصوص فينسيا فهي بعيده وادخالها يصعب الجدول الى اذا استغنيتي عن باريس مثلا ..
ويكون الجدول جنيف ثم لوقانو وبعدها ميلان ومن ثم فينيسا
واحنا بالانتظار

امـ فطومـهـ

14-11-2022 - 07:43 pm

ترافلينو
الف شكر اخوي على مداخلتك
لكن بالنسبة لجنيف انا زرتها من قبل مع اهلي وكثير عجبني جوهاا وحياتها اليوميه حبيتهاا
وانا قلت ادمج بين الرومانسية والسياحه يعني انترلاكن الكل يقول جوها رمانسي جدا مع العلم اني مازرتها من قبل
وباريس فيها من الرومانسية
فحبيت اضيف عليهم جنيف وجوها الخاص فيها + دزني لاند لتغير الجو عشان مايصير ملل
واذا عندك خبرة في فرنسا شنو اقدر ازور فيها غير باريس ودزني لاند ؟؟

امـ فطومـهـ

14-11-2022 - 08:44 pm

ali_q8_77
انا مو مهم عندي الفندق يكون من الدرجة الاولى .. يعني اهم شي النظافة والسيرفز ومستوى الغرفة ((اربع نجوم))
طيب شنو تنصحني ابدي رحلتي في باريس او سويسرا (( بالعلم ابي التسوق اخر شي واي وحده يعتبر التسوق ارخص فيها))
واذا قلنا انتقل من الكويت الي احداهم والعودي من الاخري الي الكويت ؟؟
؟؟

ALI_Q8_77

14-11-2022 - 09:45 pm

حياج الله اختي ..
بلا شك ان جنيف وزيوريخ وباريس مشهورين بلاسواق والمجمعات .. وتبقى الافضليه عند باريس ..
وعليه نغير الجدول شيئ بسيط .. هو نبدأ بزيوريخ يوم او ننطلق مباشره الى انترلاكن 4 ايام بالقطار ومن ثم جنيف 4 ايام واتزروين ما حولها وبعدها باريس 5 ايام .. 14 يوم
باريس فيها الكثير ممكن اتزورينه .. مثل قصر فرساي .. وجوله بنهر السين .. والشانز .. ومتحف اللوفر ..

ترافلينو

14-11-2022 - 10:46 pm

بصراحه كل مناطق في فرنسا حلوة وتستاهل الزياره بس انا عرفت ذوقج الحين تدرين وين؟؟؟؟؟؟؟؟؟ مونتي كارلو منطقه حلوة رومانسيه وغير جدي هنالك اكثر من منطقه قريبه منها بالتوفيق

سويسرا المسافرون العرب

بلييز افيدوني لاني محتااره