مع أني ما جربت .. بس المفروض عادي يقبل .. حتى لو كانت مخصصة للإنترنت ..
بس أختي .. ليش ما تجربين تراسلين الفندق نفسه؟
وتشوفين الفرق بين أسعارهم وأسعار موقع بوكينق؟
لأن لين تحجزين من الفندق .. بس اللهم بتعطينهم رقم البطاقة .. ومن غير ما يسحبون شي .. ولين تروحين هناك .. حتى تقدرين تدفعين كاش وما يحتاي بطاقة .. أو حتى لو عبر بطاقة ATM ..
ولا سمح الله تنكسلون السفرة ولا تغيرون رايكم بالفندق ولا شي .. عقب تكنسلين الحجز وما يسحبون أي شي من البطاقة ..
وفوق هاي .. أحس ان لو راسلتي الفندق .. ممكن تتشرطين وتختارين الغرفة اللي تبينها على مزاجج .. مثلا تقولين أبي تجهيزات حق honeymoon + الغرفة تكون في أعلى طابق ممكن .. مطلة على بحيرة/ .. نوع المخدة ريش ولا فوم .. و مواصلات من المطار .. و و و ..
إذا كان السعر نفس الشي .. أو حتى لو أغلى بشووي من موقع بوكنق أو غيره .. أشوف تحجزين من الفندق مباشرة أفضل ..

من ناحية الحجز من موقع booking هم ماياخذوا أي مبلغ منك الا لما تسوين تشيك آوت من الفندق تدفعين للفندق
بس في نقطه :
إذا كانت أول مره تستخدمين بطاقة الفيزا بالموقع راح يحجز على مبلغ ليله من الحجز عشان يتأكد أن البطاقة فعاله
ويجلس حاجز المبلغ قرابة الاسبوع - 10 أيام وبعدين يرده للبطاقة
يعني لو فندقك اللي بتحجزينه سعر الليله فيه 200 يورو لازم تكونين حاطه مبلغ يعادلهم او زياده
وأنا انصحك بموقع Booking عن تجربه
وموضوع الشروط ممكن تكتبين أي طلبات عندك بآخر مرحله من حجز الغرفه
وصدقي أن التعامل عن طريق Booking قمه وراح تدمنين على الموقع هذا ( أو أي موقع ثاني من مواقع الحجز مثل hotel )
مع التحيه

موقع بوكنج الغاليه سعره رخيص ليش تدرين عشان مايشمل الضريبه ولا الفطار بس يحسب سعر
الايقامه في الفندق من هل شي سعره رخيص وثاني شي راح تدفعين اول ماتوصلين الفندق تقدرين تدفعين كاش ولا
بل بطاقه الي حجزتي منها وايذا بتدفعين ماراح تدفعين المبلغ الي موجود في موقع بوكنج بي كون اعلى ليش
عشان الضريبه عملي احسابج في هل نقطه ويذا حجزتي من الموقع بيطرشولج على الايميل فوجر الحجز وفيه رقم الفندق
اتصلي عليهم وقولي لهم عن حجزج وقوليلهم كم التوتل عشان بادفع كاش ايذا وصلت بيطلع عليج السعر الي في البوكنج
+ الضريبه وحسبي سعر الضريبه زياده على السعر الي لقتيه في البوكنج طول فتره ايقامتج في الفندق
ان شاء الله تحطين بالج من ها شي
وبتوفيق

qatar3333
أعارضك أخوي
في نقطه مانتبهت لها
Included in room price: VAT, service charges.
Not included in room price: city tax.
أحيانا يجيك الموقع ( إنكلود ) جميع التاكس
وأحيانا يكون في أشياء مو أنكلود مثل المثال السابق
بس لو ضغطت بيطلع لك اللي مو أنكلود مفصل مثل :
Breakfast: Buffet breakfast costs EUR 12.00 per person.
Taxes: EUR 1.00 city/tourist tax per person per night is not included.
نلاحظ الفطور 12 يورو
وال sity tax تعادل 1 يورو للشخص لليله
انا سبق لي تجربه موقع بوكينق وhotel ولم ادفع 1 يورو زياده عن السعر اللي بالموقع
وبعدين في ميزه بالموقع انك ممكن تشوف آراء الزوار بالفنادق
وتشوف تفصيل لمعلومات الفندق
وتشوف خريطه تبين موقع الفندق
والكثير من الخيارات الاخرى
ملاحظة لصاحبة الموضوع :
أنا مو قطري ف هل أعتبر ردي على موضوعك لقافه ؟؟
إذا أي فأنا آسف

خي فارس ال
مافهمت هالنقطة :bounce8:

بالعكس حياكم الله قطريين وغير قطرين
ومشكورين جميعا .. وابسألكم كم تقريبا سعر الظريبه يعني
وايد والا شوي ؟

خي فارس ال
شكرا على التوضيح بس انا عارف هاشي
بس مو كل الفنادق مع الضريبه حبيت اوضح هاشي حق صاحبه الموضوع عشان بعض ىالناس
تحجز وماتنتبه للضريبه يفتكورن انه السعر النهأي بس ايذا راحو الفندق يتفأجؤن بي زياده في السعر
وهاذا الشي الي حبيت اوضحه الي صاحبة الموضوع عشان اتخذ احتياطها وكل الي شارك في الموضوع
نسو يضحون النقطه هاذي وهي مهمه جدا جدا عشان انا حصلتلي مره وكنت مش منتبه ومثل
ماتفضلت الغالي مش كل الفنادق اسعارها ب الضريبه ويعطيك العافيه على التوضيح
ولي يحجزون من موقع بوكنج لازي ينتبهون من هل نقطه

قطريه ^.^
ههه
يعني راح ترتاحين بالتعامل مع الموقع في الحجوزات بسبب الشفافية العالية اللي يتمتع فيها
وراح تكون أغلب حجوزاتك عن طريق الموقع مستقبليا
بس أهم شي قبل ما تختارين الفندق تشاهدين ال ( Guest reviews ) وتشوفين أيجابيات وسلبيات الفندق
ونقطه : لاتنغرين بالصور حق الفندق لان الواقع غير الصوره بكثير
الصوره راح تكون أحترافيه وراح تظهر لك الخرابه قصر :tongue:
أي أستفسار أنا حاضر
مع التحيه

بارك الله فيك أخوي خيال فارس ..
بس أخوي .. من وجهة نظري أنه فيه نقطة سلبية من موقع بوكنج أو غيره من المواقع الشبيهه ..
انه ما يعرض كل الفنادق المتوفرة في المنطقة أو الدولة ..
على سبيل المثال .. دورت اليوم على فندق الفورسيزون اللي في جنيف .. ما حصلته موجود ..