التذاكر فيه ارخص شي فلاي دبي يعني كلكه بحدود 2000 ريال طبعا اذا كان الانطلاق من البحرين..وغيرها ماراح تحصلين اقل من 5الاف
للترفيه فيه دبي مول وهذا فيه كلش عن الاطفال وانصح السكن قربه..
السكن ادخلي على بوكنق وفيه عرب لينك وقارني بين الاسعار
اتمنى لكم رحله موفقه..

مشكورة اختي بس عرب لينك شلون احجز عن طريقهم لهم مكتب بالكويت
ماعرف احجز عن طريق النت اخاف اتوهق

تتميز دبي بمراكز التسوق ومنها على سبيل المثال وتوجد فيها مساحات للا طفال والتسوق والمطاعم : دبي مول اكبر مركز تسوق في الشرق الاوسط وكذلك مول الامارات وابن بطوطه مول وفستيفال ستي ومردف ستي وستي سنتر ومريكاتو سنتر وبرجمان وغيرها من مراكز التسوق الي جانب عدة اماكن ومنها علي سبيل الحصر جزيرة النخله وبرج خليفه وبرج العرب وابراج الامارات ومدينه جميرا وفيها سوق جميرا و حديقة زعبيل والخور والممزر وحديقة الحيوان وشواطئ جميرا والجي بي ار (ممشي جميرا ) وتوجد في المراكز مكتب تابعه لدائرة السياحه والترويج والامور طيبه في دبي لاتها بلاد العرب ككل

لو سمحتو انا ادري طماعة بس يعني ابي الجدول اللاسواق اللي تسوي روحتها وايد المولات مشاءالله
اخوي السيد خالد الله يعطيك العافية ماقصرت

دبي عندك اكثر من خيار لاسواق مثل دبي مول الامارات و مجمع ابن بطوطه ومول ديره سيتي سنتر ومول ميركاتو
بالاضافه الى المولات الآخرى كمول التنين ومول دبي فيستال ومول برجمان والآسواق الشعبيه
وعيالك وديهم لمدينه مدهش ومدينه الطفل بحديقه خور دبي تراهم بيستانسون
وتفضلي هالموضوع بيفيدك ان شاء الله :
https://artravelers.com/p/re/338363

يعتمد على ميزانيتج حبيبتي
تبين تشترين ماركات و الا اشيا عاديه عشان توفرين وقت
..الماركات في المراكز المشهوره
سيتي سنتر مردف ....جديد مفتوح قبل اقل عن شهر
دبي مول ,,,,,,,((جديد))
الامارات مول ..........(( جديد ))
ابن بطوطه
و الفيستفال سيتي ...و متصل بايكيا و هايبر بنده
سيتي سنتر ...قبل سبع سنين كان موجود
و برجمان و حمر عين ايضا قبل سبع سنين اكيد زرتيهم
و في سوق التنين ....تلقين كل شي
من ابواب البيت و كهربائياته و ادواته الصحيه الى المعدات الكهربائيه الى ادوات المطبخ الى ادوات الزينه و الملابس و المكياج و الشنط التقليد و مفارش الاسره و اللوحات و العاب الاطفال .....
يعني اي بضاعه صينيه تخطر على بالج
و في اكشاك صغيره للاكل
انصحج بمعجنات الصاج.....تكون طازجه و شهيه
و اسعارهم زينه
اما في المراكز.؟.....بطبيعة الحال الاسعار اغلى .....و خاصه اذا البضاعه اصليه....
و لكن بتلاقين مظاعم متنوعه و اماكن تلعبين الاطفال
و يا هلا فيج

اختي
بما انك معاكم اطفال فا يفضل بشقق فندقية افضل من الفنادق عشان اوسع
واخذ راحتهم
فيه شقق فندقية راقيه ومحترمه بمنطقة البرشاء والقريبه من مول الامارات
وانا ارشح لكم روز قاردن للشقق الفندقية راقيه ورخيصه ومحترمه
اما بالنسبة للاماكن الترفيه
الامارات مول
المطاعم +سكاي دبي
دبي مول
اعتقد يبغي له يومين زيارة لانه فيه اماكن كثيرة مثل:
1- مدينة الاطفال المشهورة كيدزانيا
2- الاكواريم + حديقة الكائنات البحرية
3- برج خليفة والصعود الي قمة البرج
وهذا يطلب حجز تذاكر من موقع البرج علي الانتر نت
4- النافورة الراقصة
طبعا غير المطاعم والكوفيات والتسوق بدبي مول
ابن بطوطه مول
بجانب بوابة مصر منطاد للصعود الي السماء
الممشي او The Walk
فيه مطاعم و كوفيات وجلسات خارجية
سوق الجميرا
تسوق + مطاعم + ركوب قارب والتجول في الممر المائي
فيستفال ستي مول
وفيه مطاعم وجلسات اروبية خارجية علي البحيرة
فندق اتلانتس
زيارة الي اكواريوم فندق اتلانتس والتجول داخل الفندق
زيارة الي السوق الصيني
اذا انتم من عشاق المنتجات الصينية
الاسواق الشعبية
سوق نايف
سوق عكاظ
سوق المنال
مركز ام هيل
الحدائق
حديقة الخور
لركوب التلفريك
+
عرض الدولافين
المولات
ستي سنتر مردف
برجمان مول
حمر عين مول
ستي سنتر مول
ميركاتو مول
الالعاب المائية
1- وايلد وادي
بجانب برج العرب
2 - أكوافنتشر
بجانب فندق اتلانتس
قرية البوم
وعشاء بوفيه علي السفينة علي خور دبي
سفينة باتو
كذلك عشاء بوفيه علي السفينة علي خور دبي
الباص البرمائي
مكتب الحجز موجود في مول برجمان من الخارج

ياحياتي ماقصرتو مشاءالله الاماكن بدبي كثيرة شلون اقدر اخلصها باربع ايام

يعطيكم العافيه
بنات وين محلات تبيع تقليد مركات درجة أولى ؟