تينه المتينه
10-09-2022 - 05:19 am
هلا خواتي
انا قريت عن محمية العرين وتحمست عشان اودي بنتي ابي اعرف شنو الحيوانات الموجوده فيهاا وهل المحميه كبيره وتستاهل الروحه لاني هالايام بزور البحرين واذا في صور لهاا لوسمحتواا بي صور ومن الساعه كم لين الساعه كم الزياره
وابي الوصف للمحميه من عند الجسرر لين المحميه تعرفوني ميحح
وثاني شي ابي اسأل عن قرية الدولفين
شنو فيهاا من اسماك وهل تسوى اودي بنتي وين موقعها وكم الساعه نروح لها وابي وصف لموقعهاا عشان اقدر اروح
والله يجزاكم خير دايما تردون على استفساراتي
قرية الدولفين خبري فيها مغلقة لأعمال الصيانة وما ادري اذا فتحت ولا ليلحين ..
عموماً محمية العرين مساحتها أكثر من 8 كيلومتر مربع تنقسم فيها أقسام الحيوانات المحلية العربية والأفريقية والآسيوية وطبعاً في منطقة خاصة للمشي .. أما بقية المناطق تكون الرحلة بواسطة الباص ..
طبعاً موقع المحمية جنوب غرب البحرين تقريباً 45 كيلومتر عن المنامة ..
من الحيوانات الموجود أشهر أنواع الطيور والزواحف من ثعابين وسلاحف وكائنات أخرى ، حيوانات مثل المها العربي والغزلان والزرافات والثيران والنعام وغيرها بصراحة صار لي فترة ما رحت بس ان شاء الله بقية الأخوان يفيدونك ..
عموماً هذي المحمية تفتح من الأحد إلى الخميس من 8 صباحاً الى 4 مساءً ومو متأكد بشأن افتتاحها يوم السبت ان شاء الله الأخوان يفيدونا أكثر ..
عموماً هذي بعض الصور المنقولة ::