ولا وحده ردت ام

البتول عمر
هلا حبوبتي البتول
بجاوبك بالترتيب : 1- ايه يفتشون الشنطه عادي زي مطاراتنا يعني تمر من جهاز .. لان مايفتحونها
مايفتحون الا اللي فيها شي او بعض الدول يكون لهم نظام معين بس اسيا غالبا مايفتحون الشنط ..
2- ايه عادي حطي اللي تبين بشنطه صغيره بس تاكدي انك مقفله العلب كويس وحطيها بكيس بعدين بالشنطه
عشان لو انكبت ماتعدم لك اغراضك ..
واللي قالت لك السوائل صادقه بعض دول اوروبا - بريطانيا وغيرها مايسمحون تشيلين بشنطه الكتف شي سائل زي عطر او كريم او لوشن او زيت
بس انتي حطي لك عطر صغير اللي يكون سامبل للدعايه اذا تبين ولازمك بالشنطه
اما الكبير خليه بالشنطه الكبيره ..
3- كويس كذا خلي عطرين معاك كفايه والمكياج خوذي الاساسيات لاتكثرين بس تاخذ مكان ع الفاضي
بالنسبه للجزم الله يكرمك .. خوذي شوز رياضي + شراب - وفلات او صندل
الرياضي بتحتاجينه بااغلب الطلعات والتماشي والصندل بيخدمك داخل الفنادق
وشنطه اليد حطي فيها ( معقم ومناديل مرطبه وعلك ولو عندك ايبود خوذيه تسمعين وتتسلين
وحطي لك كتاب ومصحف ..
ومجفف الشعر دائما الفنادق يحطون لكن اذا يريحك خوذيه عادي
وحطي اللي تبين بالشنطه الكبيره ماعندك مشكله
اقولك انا ايش اسوي بالسفر يكون معاي شنطه السفر احط ملابسي وخرابيطي
وشنطه اليد احط فيها مصحف وجوالي ومحفظتي وكريم ومناديل وشغلات زي كذا
وشنطه هاند باق صغيره احط فيها مجله . كتاب . لاب توب . شويه حلويات وشيبس ومناديل وبنادول ..
ان شاء الله ينفعك ردي وربي يسهل دربكم ويسعدكم
.

البتول عمر
رديت عليك
يس وراكِ عجله الله يصلح قلبك
لسى مالك دقائق كاتبه الموضوع طولي بالك ووسعي صدرك فديتك
.

حلم
مشكوره ياعمري ع رد يسلمو كلك ذوق وافكارك حلوه ؟؟ وانا دايم مستعجله ههه بكل شي سوري....
بس حابه اسال وشلون مفارشهم بالفنادق لاني مااحب ابد انا م ع مفارش الفنادق ولو كانت فخمه
انا فكرت اخذ غطاء مفرش وغطاء الوسائد معه وحطه بشنطه السفر بس شو رايك انت وش تزينين بتاخذي معك اولا ؟؟
وزوجي كمان حاب ياخذ معه عزبه صغيره للقهوه لانه مب يستغني عنه ابد وش رايك وش اخذ معي وبالنسبه للحلويات لازم اخذ معي شوي وشيبس اكيد طبعا

حطي الي تبين انا رحت انا وزوجتي واخذه معه شنطه مليانه من عطورات واغراض للجسم ولا قالو شي
بس خلي الشنطه تكون معك داخل الطياره من شان ما يتكسر ولا تأخذ وزن
بانسبه للجزم خليهن سبورت اريح

ماادري عن سيرلانكا
بس اعرف وحده كانت رايحه تايلند وبالرجعه اخذوا كل مكياجه وكريماته اللي كانوا بشنطة يده
وانا حطوه لي بكيسه وعطوني اياه يعني اتوقع على حسب
والله يسهل امركم

البتول عمر
العفو حبيبتي ربي يسلمك ..
المفارش انتي خوذي زي ماقلتي اغطيه للوسائد وشرشف .. اما اللفنادق اللي رحت لها بكل سفراتي
كلهم فنادق نظيفه ..
الا واحد ووريتهم اياه وكانت تقريبا كل الغرفه مو نظيفه فغيروها لي وكان كل شي نظيف
وعزبه زوجك عادي ياخذ كل اللي نفسه فيه بس الاشياء اللي مالها داعي لاتاخذونها
بس تضيق عليكم وتحوسكم وتزيد الوزن عليكم ..
( طبعا الوزن ف حاله ان البلد اللي رايحه له ينفع للتسوق وناويه تتسوقين ف احسبي حساب الاغراض الجديده )
بخصوص العزبه حطو شنطه صغيره فيها اللي تحبون وخلوها مع العفش
انتم ايش تحبون حطوا ( قهوه . هيل . قرنفل . سكر . شاي . شاي اعشاب . نسكافيه . شويه تمر . ترمس صغير )
يعني باختصار .. حطي كل اللي تحتاجينه بشنطه العفش
( شنطه ملابس وكماليات - وشنطه عزبه وشنطتك الشخصيه
وشنطه صغيره هذي انا اسميها شنطه الطياره لان احط كل ابو الاشياء فيها زي ماقلت لك بالرد الأول )
انا ماسافرت سيرلانكا لكن اكيد بتكون مثلها مثل بقيه اسيا فاذا خلص الشاي معاكم
راح تحصلونه هناك .. والسكر كمان .. اما النسكافيه والحليب وااكياس الشاي كل الفنادق يحطونها لكم
بس نوعيه اللي انتم متعودين عليه غير .. لو تاخذونه احسن ..
الملابس حلو لو كانت قطن عشان الحر وكذا ..
ربي يسهل لكم واي سؤال انا بخدمتك حبوبتي
.

حلم
مشكوره ياعسل ع رد طيب بخصوص الملابس انتي تقولي حر عندهم يعني اخذ معي كله ملابس صيفيه ..
بس انا سمعت عن مدينه نوراليا انه بارده شوي ولا ...

البتول عمر
انا يالغاليه ماقد سافرت لسيرلانكا ولا اعرف طبيعه جوها
لكن انا بطبعي احبذ القطنيات لانها مريحه وتنفع لو الجو حار
انتى ادرى مني بما انك بتسافرين لها .. اسئلي من لهم معرفه عشان تاخذين الملابس المناسبه
موفقه يارب
.