princessaq8
06-12-2022 - 06:26 pm
السلام عليكم
شلونكم شخباركم ان شاء الله بخير
ابي مساعدتكم بليز بسافر فرنسا ولندن تاريخ 9/10 الطياره توصل فرنسا عالعصر تاريخ 10/10 وبنظل لي تاريخ 15/10 نروح لندن وبنظل لي 20/10 طيارتنا 2 الظهر ابي جدول حلو مرتب استانس بلندن حق 4 ايام ياريت تساعدوني بليز ولا تنسون احلى الاسواق لاني اعشق الاسواق والاماكن الحلوه انتظر ردودكم مشكورين وايد
يوم الوصول تاريخ 15: حاولو يكون الوصول بدري عشان تستفيدون من هاليوم واركبو الباص السياحي وانزلو في الاماكن السياحيه الي ودكم فيها زي البيق بن واللندن اي واذا يكفي الوقت خذو جوله في النهر
ثاني يوم تاريخ 16: اصحو بدري وروحو للاوت لت بيستر فيلج يبعد ساعه عن لندن وارجعو منه العصر انا كفاني 3 ساعات فيه ممكن تكملين باقي اليوم تسوق في الاكسفورد ستريت وتتعشون فيه
ثالث يوم تاريخ 17: اذا ودكم تطلعون بدري لمتحف الشمع مدام توسو وبعدها تطلعون منه للهايد بارك ومنه للنايتسبردج وهارودز تتعشون في هالمنطقه
رابع يوم تاريخ 18: ممكن تخلونه يوم التمشي في شوارع لندن ياحلوها شوارع لندن امسكي الاكسفورد ستريت من بدايته فيه عندك البوند ستريت متفرع منه شوارع كلها محلات وارجعي للاكسفورد ستريت كمليه الى الاكسفورد سيركس عند توب شوب ونايكي وروحي يمين امشي الشارع كله اسمه ريجنت ستريت كله محلات برضو ونهايته يوديك للبيكاديلي سيركس وجمبها على طول ليستر سكوير فيه سينما ومطاعم كثيره المنطقه جدا حلوه وحركه
خامس يوم الاخير: الكوفنت قاردن قريبه من الليستر سكوير والبيكاديلي سيركس منطقه جميله كلها استعراضات ومحلات صغيره وكشكات وكملي تمشي في شوارع لندن وروحي الاماكن الي عجبتك مره ثانيه
شوفي لندن عباره عن مشي بس انتي رتبي نفسك وجهزي شوز مريح وانطلقي ههه واذا تحبين التسوق اقري عن الشوارع والمحلات الي فيها اهم شارع تسوق هو الاكسفورد ستريت شارع طويل كله محلات ومتفرع منه شوارع كثيره ( بوند ستريت وريجنت ستريت) و اهم شي في هالشارع السيلفردجز في بدايته وتوب شوب في نهايته 3 ادوار جميلوعندك النايتسبردج فيه هارودز وكم محل زي زارا وتوب شوب واراماني وقبله في السلون ستريت شارع كله ماركات اهم شي بدايته موجود هارفي نيكلز