لبتونه
09-09-2022 - 09:35 am
السلام عليكم
اخواني واخواتي اتمني تساعدوني ان شاءالله بصيف على شهر 7 تكون بنهايته او بدايه 8 اذا الله راد بنروح لندن وفرنسا لمدة 10ايام مع انه توا ناس وباقي وقت لكن ابغي ابتدي واخطط لبرنامج مااتحسف عليه وخصوصا اني بسافر اوروبا لاول مرة
ورحلتي راح تكون عائليه
انا وزوجي واطفالي الله يحفضهم 2 بنتي سنه ونص وبنتي ثانيه توها صغيرة بالشهور ماتعدت سنه
ورحله للاستجمام والراحه وتغيير وكسر الروتين وطبعا نحب نتمشي ونستكشف
وطبعا رحله راح تكون 7ايام لندن و3ايام فرنسا
وطبعا بين لندن وفرنسا بالقطار او اسافر بطيارة اشرايكم؟
وابغي فنادق نظيفه وراقيه وغرفه تكون ديلوكس العاديه
ومطاعم تكون لبنانيه للسلطات ومشاوي يعني حلال
وطبعا بنسافر عن طريق الاتحاد للطيران او الاماراتيه وراح تكون بزنس درجه رجال الاعمال
وحابه اسئلكم عن الجو بهالفترة برد او حر عشان الاطفال؟
وتذاكر مع فنادق ابغي الاسعار بتفصيل؟
ونقدر نحجز قبل بفترة مثلا نحجز من شهر 3 عشان ماتزيد الاسعار وتصير ضوو علينا
فاتمني تعطوني برنامج راائع مع الاسعار وكل حاجه الجو ومطاعم
وادري انكم كرماء وراح تساعدوني
لاني عملت بحث وتشتت افكاري ناس تمدح هالمكان وناس تقول لا مكان فلاني وكل واحد يمدح فندق وسعر مختلف
فحابه اللي سافر لندن اكثر من مرة او مقيم فيها وبفرنسا يساعدوني
وطبعا لاتنسون بفرنسا ديزني لاند
اولا: لله يحفظلك بناتك وزجك
ثانيا كم اسعار الفنادق في حدود كم
انصحك بفندقين : الاول : الكمبر لاند والثاني ماريوت الي في اكسفورد ستريت.....والثالث هيلتون الي في اجور رود...اسعارهم اتوقع قريب الالف باليلة لو ما يناسبك السعر علميني اعطيك شئ اخص..وفي رابع thistle marble arch
طبعا تقدرين والاسعار بتكون حلوة ورخيصة بس بتكون مشكلة عدم ارجاع الفلوس لو صار شئ لا سمح لله بس الاسعار اكيد بتفرق
7 ايام حلوة في لندن.....خلي السوق والمشاري اخر شئ
1--اول يوم اركبوا الباص الي يمشيك بلندن كلها 22 باوند ويمشيك بكل لندن.....
2-- عندك لندن اي حلوة ...وقصر الملكة وباكنجهام القصر
3--مجرد التمشية في الهايد بارك مرة رائقة وخصوصا مع الاطفال
مطاعم البنانية مانصحك فيها....غالية كثير وماتسوي ...لو مصرة في واحد مدحلي مطعم بيروت اكسبرس
في مطعم ايراني وراء شارع اجور رود ...رخيص وكويس مجربة انا لو تبين دليتك علية
في تمشيات حدايق حيوانات وكذا تلقينها بالفندق بروشورات انصحك فيها
لو شريتي شئ لا تنسين التاكس يرجعون لك فقط 6 بالمئة ترا
اي شئ اسال ونحن نجيب انشالله