اخوي بالنسبة للسيارة وحجزها اعتقد لو تدخل الموقع الي موجود تحت راح تستفيد اكثر ويجيك الخبر اليقين عشان لا تسمع لفلان وعلان والله يوفقك ورحلة سعيدة مقدما
اخوك
حمودي
https://www.hertz-europe.com/rentacar/reservation/gaq/index.jsp?targetPage=reservationOnHomepage.jsp
انت حدد تواريخ سفرك ومواعيد الوصول وتختار السيارة وهو راح يعطيك السعر مباشرة مع العلم انك لو بتاخذ السيارة عدد من الأيام راح يعطيك السعر الأجمالي للايام وليس لليوم الواحد .

معلومة غير دقيقة
السعر يرتفع اذا كانت السيارة كبيرة وتسليمها في غير مكان استلامها (دولة مختلفة)
السيارة الصغيرة في جنيف يبدأ سعرها من 37 فرنك شامل الضرائب والتأمين
من شركة هيرتز على اساس اسبوعين ايجار
هذا واقع وليس تخمين
الأسعار موجودة لبدى هيرتز او اي مكتب ايجار آخر

ابوعزيز اللة يعطيك العافية انا ناوي استأجر سيارة لأول مرة:36-7-14: وجدا متخوف000000 عندي سؤال عن الخطوط السريعة بين الدول يكون فية مسارات عندها منع ؟ واشوففهم يدخلون بطاقات وتفتح البوابات00 ومادري كيف الطريقة اخاف اتوهق وماتنفتحلي البوابة :36-7-1:

amoori
أخوي ما عندك أي مشاكل ولا أدنى شك في موضوع سهولة السواقة وخاصة مع توفر أجهزة الملاحة
بالضبط كأنه معاك أحد من أهل البلد ويرشدك
الشيء اللي متأكد منه أنه جميع اللي ساقوا لأول مره خرجوا من هذه التجربة وهم مرتاحين وعادوا وكرروها السنة اللي بعدها
وجميع اللي خافوا واستخدموا القطارات جالسين يعضون اصابع الندم ويقولون (ياليتنا سقنا)
وهذا لا يعني ان القطارات متعبة بل على العكس متعهتها كبيرة
لكن تقيد الشخص بمواعيد محددة ولا توديه لبعض الأماكن
السيارة عكس ذلك

والله فعلاً ، ما يدخل الواحد أي موضوع إلا ويلقى فائدة عظيمة ، ومعلومة جديدة ، أشكرك أخوي هتان الغريب ، واشكر اخواني اللي أفادونا .
أخوك جهن

مشكور يابو عزيز بس بالنسبة للرسوم اللي على الطريق اللي يجيك فية بوابة مقفلة ؟استخدم الفيزا ولا كيف؟

أدري سؤال amoori موجه للأخ أبو عزيز لكن بما أننا كنا مستأجرين سيارة ورحنا فيها كل مكان فصار عندي شوي خبرة
بالنسبة للرسوم في الطرق طريقة الدفع مختلفة من مكان لآخر
يعني عادة يكون فيه موظف يقولك ادفع المبلغ الفلاني ويكون المبلغ واضح على الشاشة تحت الموظف
واذا ما كان فيه موظف عادة تطلع لك بطاقة اول ما توصل تسحبها وتفتح لك البوابة وتمشي ولما تطلع من الطريق السريع راح تقابل بوابة يكون فيها موظف تعطيه البطاقة و هو يعلمك كم تدفع (طبعا انت خل عينك على الشاشة علشان تشوف المبلغ كم)
فرضا ما قابلت موظف و لقيت جهاز
تدخل البطاقة بالجهاز و يطلع لك المبلغ ويكون الدفع بالعملة الورقية او الهلل او حتى الفيزا او الماستر كارد
لا تخاف ترى الدعوة تساهيل خاصة مع الموظفين اما الاجهزة اذا دقرت معك فيه زر للمساعدة تضغطه ويرد عليك موظف و يعلمك وش تسوي
حنا ما احتجنا لزر المساعدة الا مرة وحدة بس لما قابلنا جهاز الدفع بالفيزا للمرة الأولى و لما ضغطنا عليه ردت علينا الموظفة وقالت حطوا الفيزا و مشت الامور

الف شكر ياغلا الفهد على جوابك الشافي الكافي