روح المسك
14-03-2022 - 08:22 am
بسم الله الرحمن الرحيم
في هالموضوع راح اطرح الأشياء اللي صادفتها في رحلتي وحطيتها فالبلاك ليست للأبد
أولاً : ( فندق نيو بوست زيلامسي )
راح أذكر السلبيات اللي خلتني احطه فالبلاك لست ، وهذا مايعني انه مافي إيجابيات .
الشقه تعبانه بالمره
فرش الكراسي والسرير والستاير ريحة الغباار تفووح منهم ، حطيت راسي عالكرسي اللي فالصالة واختنقت من الغبرة ، نصيحة اللي عنده أطفال يعانون من الربو والحساسية لاتقربونه .
طريقة تنظيفهم للغرف جداً تعبانه ، بالمره المرأه اللي كانت تنظف ماتشتغل بضمير ، بس ترتب السرير وتنظف الحمام اللي يعزكم وبس .
من غير تبديل شراشف السرير ولا شرشف الطاولة اللي متوصخ والوصخ واضح فييه :112:
الله يعزكم الله يعزكم بعد قضاء الحاجة لايوجد مكان للأغتسال
ولما طلبنا منهم يطرشون حد يشوف ليش الفرن مع المايكرويف مايشتغلون ، قالوا احنا قافلينهم واذا تبونا نفتحهم لكم تدفعون 55 يورو خير إن شاء الله .
الممر اللي عند الفندق موجوده فيه مطاعم وديسكوهات يعني يوم السبت انسوا شي اسمه نوم من صراخ شبابهم وبناتهم وضحكهم العالي
والبقية قادمة ...
بس ياريت أشوف تعليقاتكم على فندق النيوو بوست للس سكنوا فيه فقط ، ابي اشووف الكل لاحظ هالشي ولا بس احنا حظنا ماحالفنا في هذا الفندق .
وبعد ماينتهي النقاش عن هالفندق راح اذكر النقطة الثانية
ياريت يااخواني وخواتي ماتظهرون عن الموضوع ويكون التعليق عن القندق .
نحن سكنا فيه الصيف اللي خطف والشقق كانت نظيفه لاغبار ولا شي !!!
وكل شي كان اوكيه وحتى اللي تيي تنظف تنظف زين وماكان في اي مشاكل
صح الفندق هب 5 نجوم وهب فخم بس كان مقبول ..هذا لان المنطقه مافيها فنادق عدله وكان الافضل بين كل الفنادق..
مادري اذا السنه تغيرت خدمتهم !!؟ الظاهر ان كل مايصير اقبال على المكان تصير الخدمه اسوأ ويزيد الاهمال مع انه لازم يكون العكس..هذا وهم كان يسوون تعديلات وزييادات ..غريبه والله!!
مادري ليش السنه كل اللي راحو زيلامسي مايمدحونها لا جو ولا مكان ولافنادق !!
تحياتي
اختج
الامارات