السلام عليكم ورحمة الله وبركاته
اتمنى اتكونون كلكم بخير ان شاء الله..
اخواني ان شاء الله معزم السنه اغير واتجه صوب اوروبا وداخل في بالي اسير سويسرا واسلم اشوي على فرنسا..بغيت الفزعه منكم في الاجابه على بعض اسألتي
ببدأ بالاسئله واتمنى اتردون عليه لانه معتمد عليكم في السفره كلها
1- سفري بيكون تاريخ 19-7-2009 وان شاء الله بقضي 20 يوم تقريبا هناك ف حبيت ترشدوني وين اسير واي المناطق اسكن وشو الفنادق الي بتريحني للعلم انا بسير ويا ام العيال وعندي ولدين 7 و 5 سنوات؟؟
2- شو رايكم ااجر سياره فيها قارمن ولا اتنقل عن طريق المواصلات والقطار؟؟
3- انا بسافر من دبي الي ...... ما اعرف وين يعني اي مكان انزل المانيا ولا سويسر ولا ؟؟؟ما اعرف شي لانه وانا اتصفح اشوف حد يمدح مطار ميونخ وايأجرون السياره من هناك وعقب يروحون سويسر؟؟
4- هل سويسر امان ؟؟ يعني ان شاء الله ما القى مضايقات من الشعب وخاصه اذا الحرمه لابسه العباه؟؟
5- ابغي اعرف قوانينهم وين اقدر احصل عليها لانه بمكن احنا انسوي شي ويكون ممنوع عندهم وعقب ايبهدلونا
6- في رايكم كيف اوزع 20 يوم على سويسر وفرنسا للعلم ابغي اقضي معظمهم في سويسر وليس فرنسا يعني فرنسا ابغي 5 ايام بس تقريبا؟؟
7- سمعت شكاوي من ناس وايد انهم ينسرقون عن طريق السيفتي بوكس الي في الفنادق يعني يوم يرجعون الغرفه يحصلون السيفتي بوكس مكسور
8- هل استخدام الفيزا هناك ما عليها اي مشكله ولا؟؟
ادري كثرة من الاسأله بس لانه جد ما اعرف اي شي عن اوروبا وابغي الفزعه منكم
والسلام عليكم ورحمة الله وبركاته
:x1: :x1: :x1: :x1: