بسم الله الرحمن الرحيم
كيف الحال اخواني وخواتي , اليوم قلت بغير جو بعيد عن الطبخ والجدور , والظاهر كل تقاريري دايركت فالبطن قلت بنوع وراح انزل هالتقرير واللي كان بتاريخ 23-12-2013 وكانت الوجهة الى حتا و وادي القحفي , طبعا كنت بهالتاريخ اجازة سنوية فقمت الصبح وشليت العيال وام العيال وشدينا الرحال لحتا.
مابطول عليكم اترككم مع الصور.
واتمنى لكم انكم تجون مدينة حتا وخاصة في فصل الشتاء
اول مانوصل دوار حتا (دوار القلعة) بنشوف جمعية كبيرة ويقع في خلفها سد
واحد لسدود الاخرى في حتا
عجبني المنظر والشوارع المعبدة
والمنظر خلف السد شي خيال بصراحة
وفي الطريق الى وادي القحفي ولازلنا في حتا راح تشوف هالمناظر اللي تفتح النفس وودك بشاي احمر يعدل مزاجك
والصور يمكن تذكرونها
اول ماوصلنا قلت بمشي في الوادي وانا شال عيالي نشوف مجرى الوادي والامور كانت طيبة
شوفوا كيف المياه صافية
في رحلة سابقة سبحت للفتحة اللي تشوفونها طبعا الماء غزير ولازم الواحد يعرف يسبح عشان يغامر , المهم من تسبح وتدخل بين الاحجار راح تشوف شلال صغير والمياه صافية وباردة وصوت الشلال وتشوف السمك الصغير جو خيالي بصراحة
وللاسف ونحن طالعين شفنا احد الشباب الله يهديه يمشي بالوادي وهو لايعرف الطريق بشكل جيد ولكن للاسف مثل ماتشوفون نص سيارته فالوادي (الله يعوضه بخير)
وفي احد الطرق