of girl
15-12-2022 - 08:25 am
السلام عليكم ورحمة الله وبركاته
هذي صور متواضعه لسفرتنا لايطاليا و الاوتيلات الي سكنا فيها ورايي فيهم
هذا اول موضوع اكتبه في النت عن سفره لنا فاستروا ماواجهتوا لاني استفتدت كثير منكم وحبيت افيد ولو بشيء بسيط و متواضع والجاي احلى ان شاء الله..
فلورسنا
سكنا في اوتيل
المظله على اليسار الباب الرئيسي للاوتيل وقدامه علطول محل الايسكريم مره يم
طبعا الاوتيل قريب من 3 ساحات اعذروني نسيت الاسم بس تقدرون تشوفونها واضحه في خريطة الاوتيل في موقع بوكينق
الساحه الاولى وهي اقرب وحده نص دقيقه واحنا فيها كلها مطاعم وكافيات ورسامين واخر الليل فيه كوميك شو بعضه فيه حركات 18+ مانصحكم اذا معكم اطفال مثل حالتنا تشوفونه..وبرضو يشغلون ميوزك ويرقصون مره مهابيل الطليانطبعا قريب من هالساحه محلات ماركات كثيره ومحلات عاديه بس مره حلوه..
هذا الرسام مره اخلاق وروحه حلوه ورخليناه يرسمنا والرسم حقه مره حلوو..الصور الكبيره 150يورو والصغيره 100
الساحه الثانيه الي فيها الكنيسه دقيقه وحده واحنا فيها..الكنيسه مره حلوه مادري كم سنه جلسوا يبنونها واللاين حق الدخول مره طويل طبعا مافكرنا ندخلها بس نشوفها من برا
وموجود فيها الحناطير ماركبناها ولا اعرف كم سعرها بس مسويه زحمه وريحه مو حلوه.
الساحه الثالثه قريبه بعد 4 او 5 دقايق مشي للاسف ماصورتها ولا صورة الجسور في فلورنسا
المدينة حلوه مره كل حاره وشارع فيها جميل جلسنا فيها 3 ايام وحسينها تكفي الحمدلله..وطلعنا منها على بيزا وهذي بعض الصور..
رحنا لبيزا بالقطار من فلورانس .. مشكلة القطارات بايطاليا مره حوسه غير باقي اوروبا وخصوصا انهم مستحيل يكلمونك انجليزي فطبعا لازم تعملون حسابكم وتجون قبل بوقت الين ماتعرفون اي قطار حقكم..احنا اسرع لنا كنا ناخذ التيكت من المشين اسرع واسهل والدفع فيها كاش او بالكارد..
ان شاء الله بكمل الموضوع قريب عن روما..
الصور جميله والتقرير من بدايته يحمس
بانتظار البقيه
الله يعطيك العافيه