1. وعليكم السلام ورحمة الله وبركاته

السلام عليكم ورحمه الله وبركاته

وعليكم السلام ورحمة الله وبركاته

اولاً جزى الله القائمين على الموقع وكل من يساعد اخوانه المسلمين بخير ووفقهم الله وجمعنا واياهم في جنات الخلد لما يقدمونه من مساعدات للجميع
يعلم الله اني كل ماشفت احد يساعد قعدت ادعي له مصداقاً ل قوله صلى الله عليه وسلم : ما من عبد مسلم يدعو لأخيه بظهر الغيب إلا قال الملك : ولك بمثل وفي رواية : ( قال الملك الموكل به آمين ولك بمثل )وفي رواية : دعوة المرء المسلم لأخيه بظهر الغيب مستجابة ، عند رأسه ملك موكل ، كلما دعا لأخيه بخير قال الملك الموكل به : آمين ولك بمثل "
فجزاكم الله خير الجزاء
جزاك الله خير
الحين انا عندي كم استفسار وضايع ومتردد وحالتي حالة
انا ناوي اروح للنمسا بشهر العسل بالضبط في تاريخ 14/10/1434 الموافق 21/8/2013 ان شاء الله
عقبال عند العزابية
كنت متردد بين بلدان كثيرة بين ماليزيا وتركيا والنمسا واسبانيا
واستقريت ولله الحمد على النمسا
استفساراتي كثيرة شوي والله يسعد من يساعدني بهالموضوع
وسع صدرك
أولا :
ماهي افضل الخطوط ؟
مشكلة الاماراتية لقيتها وترانزيت طويل .. الاتحاد برضو طويل الترانزيت 7 ساعات تقريباً
السعودية مشكلتها مافي دايركت من الرياض .. تروح لجدة وساعتين بجدة ثم روما ساعتين ثم باريس ساعة ثم تروح لفيينا
مايمدينا نوصل الا وحنا كارهين انفسنا ههه
وش تنصحونني فيه ؟
جرب الخطوط التركية
الاستفسار الثاني :
انا عندي مخططات كثير في مخي ههه وضعت بسببها
وش الافضل ؟
اطلع لفيينا يومين
زيل ام سي 4 ايام
سالزبورغ يومين .. من ضمنها يوم اروح ميونيخ للاوت لت وارجع
ثم ارجع من سالزبورغ الى فيينا واجلس يومين قبل ارجع
مالك بالروحه والرجعه اذا ناوي ذا المخطط خله كذا
فيينا زيلامسي سالزبورج ميونخ
وارجع من ميونخ ماله داعي ترجع فيينا
أو
فرانكفورت .. وانزل لسالزبورغ يومين
ثم زيل ام سي 4 ايام
ثم فيينا 3 او 4 ايام
ثم ارجع ؟
هذا حلو ومرتب بس مشكلته ان التسوق في ميونخ
يعني بتشل اغراضك من مدينه الى مدينه ومن فندق الى فندق
خلك على المخطط الاولي احسن
وش رايكم وش الاحسن ووش تنصحوني فيه ؟
الاستفسار الثالث :
( الله يعينكم على كثرتهن ههه )
انا كنت مخطط اخذ سيارة
لكن نصحوني كثير اني اتنقل بالقطارات .. يقال ان القطارات ارخص .. واكثر متعة بحيث انك ماتركز بالقيادة وتصير بس تستمتع بالطبيعة والمناظر الجميلة .. وش رايكم ؟
الاغلب يقولون ان السيارة ارخص
بس بالنسبة للمتعه لاتدور غير السيارة لانك بتوقف محل ماتبي
وماتتقيد بروحة القطار ولاجيته
انت حر نفسك
متى مازهقت من المكان اللي انت فيه دق سلف وامش
وبالعكس بالنسبة للتركيز على الاماكن السياحيه
القطار بيمر فيك مرور الكرام
اما بالسيارة تقدر تخفف
تصفط على جنب وتاخذ لك صور
بس لانك عريس جديد خلك على القطارات افضل لك
صح ماباركت لك
مبروك الله يوفقك ويتمم لك بخير
فيينا .. كيف بيكون التنقل بها واحسن طرق التنقل ؟
هذا شي ثاني بخصوص السيارة
فيينا لاينصح فيها بالسياره
لان المواقف غاليه
والمترو يكفي ويوفي ويغنيك عن السيارة
زيل ام سي .. يقال ان غالبية المشاوير مشي وممتعه ماتحتاج سيارة كثير والتكاسي والباصات موجودة لو احتجتها ولاهي غالية
يقولون في زيلامسي السيارة احسن
واللي ماعنده سيارة فيها بيفقد الكثير (منقول من ذاكرتي)
سالزبورغ ايضاً وش وضع التنقل بين المزارات والاماكن السياحية ؟
؟؟؟؟؟؟؟؟؟؟؟
الاستفسار الرابع
وش وضع النقابات ؟
هل فيه نظره غريبة في فيينا والمدن الاخرى للمسلمة اللي تلبس نقاب ؟ او متعودين ع الوضع او كيف؟
حقيقة ماعلي من نظراتهم دامي مرضي ربي .. لكن اخشى من المضايقات .. فما وجهة نظركم بالموضوع ؟
هناك فاهمين ومتقبلين ذا الشي
وعساهم مافهموا ولا تقبلوا
مثل ماقلت مادام انك راضي الخالق ان شاء الله بيرضى عنك الخلق
الاستفسار الخامس
وش تنصحوني فيه بمناطق استأجر فيها بحيث تكون انها معروف انها امان وكويسة وتكون قريبة من كل شي
بالنسبة لفيينا دور فنادق في اجودا او بوكينج تكون قريبه من ساحة ستيفن
وبالنسبة لزيلامسي شوف الفنادق القريبه من بحيرة زيلامسي
ويقولون في كابرون وفيه في القرى القريبه من زيلامسي اكواخ وشقق رخيصه
ابحث في المنتدى اكثر تجد اكثر
ولو حصل تعطونني توصية على فنادق او شقق حلوة
اترك هذا الامر لمن جرب(او اقرأ انت بنفسك في المنتدى فيه اشياء تثلج الصدر)
ما ابي شي فخم جداً ينسف ميزانيتي ههه
ابي شي مرتب وحلو وجميل
صح عليك
اهم شي المنطقه اللي انت ساكن فيها
هذا مافي جعبتي حالياً
شكلك تشوف في جعبتي حكايه كثير
وان طلع ببالي شي ابجيكم طاير
حياك الله تعال كل يوم
والله يسعدكم ويوفقكم اجمعين

هلا بك اخوي
نصيحه لن تندم عليها
اولا : الوجه لا تفكر في غير النمسا
ثانيا : الناقل وبكل جداره القطريه
ثالثا : المخطط ( فيينا - سالزبورغ - زيلامسي - ميونخ )
رابعا : المواصلات فيينا وميونخ اندرقراوند والباقي سياره
هذا والله يوفقك وبالخدمه

بالنسبه لموضوع النقاب بتاخذ راحت هناك ولا فيه اي مضايقات
@ عذرا فقدت معرفي السابق @