واقعي
الفنادق جيده ولكن انتظر يوم في بانكوك قبل الذهاب الى شانغ ماي
وذلك لراحتك..
بانكوك اماري قم بتغييره من وجهة نظري ..
اما الفنادق على حسب الاسعار..

** قبل لا اخذكم بالتفاصيل واجابه السؤال هذا اهم عندي من الباقي
هل العبايه والنقاب بيكون عائق لنا؟ يعني هل ممكن زوجتي تواجه مضايقات والا لأ؟؟
ابدآ بالعكس الي لابسين عبايات اكثر من التايلنديات
نجي الحين للتفاصيل

• * اولا توزيع الايام مناسب والا لأ؟ وهل يحتاج اني اضيف مكان اخر في نفس المده الزمنيه 14 ليله؟
• * تشوفونها مناسبه اني اروح لشانغ ماي مباشره بعد وصولي لبانكوك والا بتكون متعبه ؟

توزيع الايام لو تخليه اول ماتوصل ترتاح في بانكوك ليله ومن بكرا تروح لشنغاماي . واذا راح تنامون
بالطياره وماعندك مشكله عادي على طول روح لشنغاماي هو على حسب نشاطك..
انا مازرت شنغاماي بس الي اعرفهم مايطولون فيها اكثرهم يجلسون 3 ايام والنصيب الاكبر لبوكيت

• * عندي بعض الاختيارات للفنادق

شانغ ماي (sheraton)
بوكيت (phuket grace land)
بانكوك(Amari boulevard)
هل الاختيارات مناسبه من ناحيه المكان والنظافه ومستوى الفندق والا تشوفون في غيرها احسن؟
بالنسبه لشنغاماي اشوف اكثر الناس تاخذ شيراتون .
اما بوكيت اختيارك فيه موفق جدآ جدآ لا تغيره
اما بانكوك انصحك ب جي دبليو ماريوت .. او قراند سكومفيت باس سوفتيل جدآ رائع ورخيص وجديد

• * زوجتي تخاف حيل من الكلاب وعلى حسب ماسمعت وقريت هنا بالمنتدى ان الكلاب متواجده بكثره في شوارعهم مثل علب البيبسي الفاضيه عندنا

هل كثره الكلاب ممكن تمنعك من التجول هناك واقصد بالتجول المشي طبعا
ههه زوجتك كآنها انا بس مو كثيره انها تعيقك من المشي او التجول
الله يعينها على كثر الروعات

• * الرحلات السياحيه تفضلون اني اخذها من الفندق نفسه والا من المكاتب السياحيه هناك؟

اذا بتاخذها من الفندق مو مشكله بس دائما تكون اغلى شوي بالنسبه لنا في بوكيت اخذنا رحله فانتازيا
من كوشك بالشارع ... اما رحله بي بي اخذناها من فندق قريس لاند الي كنت ساكنته وانت بتسكنه ان شاء الله اضمن وارقى ...

• *شرائح الجوال هناك كيف احصلها ووشو تنصحوني من وين اخذها؟

شرائح الجوال بكل مكان احنا اخذناها من مجمع ال mbk بالدور الرابع اضن
وتلاقيها متوفره
اتمنى اكون افدتك واي خدمه حاضرين

النازف:
شاكر لك اخوي تجاوبك السريع
لكن انت قلت "بانكوك اماري قم بتغييره من وجهة نظري "
ليه وش فيه من عيب ووشو اقتراحك ؟
الرنسيسه:
شاكر لك تعليقاتك وردودك اختي
انتي قلتي انك مارحتي لشانغ ماي
طيب وين رحتي بالظبط بوكيت وبانكوك بس؟؟
انا سمعت ان بانكوك ماتستاهل الجلسه فيه الا للتسوق؟ هل المعلومه هذي صحيحه؟
شاكر لك تفاعلك اختي مره ثانيه

اهلا باهل الشرقية وحياك الله في بوابة تايلند واذا تبي نفيدك تأمر وتدلل
عموما الاخوان ماقصرو اعطوك المفيد. شانغ ماي مدينة الزهورهادئة وصغيرة وجوها معتدل يميل الى البرودة وفيها الشلالات وممارسة ركوب الفيل طبعا أرخص مدينة في تايلند وعندك السوق الليلي مثل الي بينانج وافضل لكثرة الخيارات المحلية. وتستاهل من 3 الى 3 ايام فقط ولا تزيد واسعار الفنادق هناك رخيصة, انا من وجهة نظري انك تريح لك يوم في بانكوك في فندق جنب المطار وبعدين تواصل الى شانغ ماي ون شانغ ماي الي بوكيت وتقدر تضيف جزيرة كو سومي .
الترتيب
1 ليلة بانكوك
3 ليلة شانغ ماي
5 ليلة بوكيت
2 ليلة كوسومي
3 ليلة بانكوك
المجموع (14) ليلة
واي خدمة لايردك الا لسانك
وبعدين اذا تبي ترتب حجوزاتك ترى سعر التذكرة لتايلند 1936 ريال من الدمام طيران الاتحاد
وتحياتي

مرحبا
الأخزان ما قصروا
بس فندق رائع عجبني في بوكيت اهو الهوليدي ان ن
فندق ومنتجع رائع الصراحة وفخم بشكل كبير ومرة على الشاطئ الرئيسي في بوكيت
انصحك فيه
واماري بوليفارد ما انصحك فيه ، الجماعة في هالفندق متعودين على العرب الهمج وتعاملهم معاك ما راح يكون راقي، انا ابد ابد ابد ما عجبني التعامل في هذا الفندق والجو فيه مو حلو والمنطقة بعد مو لين اهناك
في شنجماي انا سكنت في فندق رويال برنسيس .. فندق هادئ يتميز بأنه في وسط النايت بازار . نظيف لكن ليس بالفندق الفخم ولا الفندق اللي فيه مزايا متعددة .. لكنه فندق عائلي ومحترم. اكثر مبالغ راح تصرفها في شنجماي لأنه رحلاتها غالية حبتين .. تحجز للرحلة ولما تروح الرحلة كمان تدفع عشان كل فعالية فيها بعكس بوكيت وبتايا ( مع العلم اني لم ازر بتايا لكن من كلام الاصدقاء) ولو لقيت فندق افخم منه وقريب من النايت بازار لحجز عليه.
وربنا يوفقك.

أخوي faris2k
الله يحيك يالغالي
عندي بعض الأسئله يالغالي
التنقل من بوكيت الى كوسومي ومن كوسومي الى بانكوك راح يكون بالطيران. مافي طريقه ثانيه ؟
انا من النوع الي احب التغيير
وتذكره الدمام بانكوك شامله الضريبه والا بدون؟ والسعر هذا من مكتبهم الرئيسي والا من مكاتب سياحيه
ادري طولتها معاك
اخوي ولد الامارات
شاكر لك تفاعلك معي يالغالي
واماري بوليفارد اكثر من شخص نصحني اغيره وهذا الي بيصير شكله
تسلمون جميعا