شباب ترا فيه بعض السياح الخلجيين يخالفون القوانين بدون ما يدرون فلا تعرض نفسك للمسائله خصوصا هالايام لانهم مشددين على السايح الخليجي (ارهابي) يعني لا تدخن في الاماكن العامة ممنوع اسياب الفنادق والمستشفيات وداخل المحلات التجارية وبعض المطاعم ولا تنطل شي بالطريق ممنوع بعدين دير بالك تقطع الشارع من الاماكن الغير مخصصه وانتبه طالع يسارك اذا جيت تقطع لان السير عندهم بالعكس وانصح الاخوان بعدم قيادة الدراجات النارية والله شفت حوادث كثير مؤلمه الواحد جاي يتمشى ونبسط ولا يدخل مستشفيات ويمرض ويضيق صدر اخوياه ويخرب السفره بعدين اذا سكنت في فندق اسألهم عن النظام بعض الفنادق مو للعزاب يعني كل شي ممنوع فاهمين طبعا وفيه شي بعد خذ معك جهاز جوال علشان اول ما توصل تاخذ لك شريحه مسبقه الدفع تكلم فيها واذا ما معك جوال لا تكلم من الفنادق ترا غاليه المكالمات كلم من برا فيه مكاتب او الكباين بالبطاقة اشتر بطاقة وتك في الكبينه لحم الكلاب والخنزير منتشر اشوف بعض الشباب ياكلون ما يدرون لا تروحون الا للمطاعم العربية او المطاعم العالمية مثل ماكدونالدز او ويندز وهوبر .. الخ واياني واياكم والتعامل مع المشبوهين وأهل السهر والليل ونصيحه الي عنده مرض مزمن مثل الصداع او زكمه او لوز متعبته او بطنه معدته كبده الامراض العادية يعني الي تجي وتروح عندهم طب شعبي رهيب مره شف لك اي احد تثق فيه يجيب لك اعشاب وحده بوحده
اخوكم سام