وعليكم السلام ورحمة الله وبركاته .. حياك الله أخوي أبو خالد ..
هل الشخصين شباب ولا زوجين !!
المهم أسعار التذاكر تختلف حسب الوقت فهناك أوقات تكون فيها أسعار تشجيعية غير مستردة
مثل فترة الحج وتقريباً على جميع الخطوط ويمكنك أن تشيك على مواقع الخطوط ..
الأفضل يختلف فهناك الخطوط السعودية والطيران الإندونيسي الجارودة ميزتها الدايركت ولكن
لا توجد وسائل ترفيه وهناك طيران الإمارات والاتحاد من حيث الفخامة والترفيه ولكن ترانزيت ..
الحجز بالنسبة للفنادق يمكنك الحجز عن طريق المواقع المعروفة مثل booking & agoda
وهناك غيرها وكلها مجربة ويمكنك الحجز عن طريق بعض المكاتب المشهورة هناك عند وصولك
مثل كاها وتجدها في المطار ..
حدد خياراتك من مدن وميزانية ووقت حتى يفيدك الجميع بالتحديد ..
هذه جداول يمكنك الاستفادة منها في ترتيب رحلتك كبداية ..
https://artravelers.com

هلا و الله المصباح
الله يحيك ، و شكراً لك .
نعم متزوجين . .
و عندي مواقع حجز الفنادق ،
بس كنت ابي أعرف كلش ب التفصيل
يعني وش احتاج بالضبط ؟ أسويه
بس ( جواز و حجز تذاكر و حجز فندق ) و خلصنا .!

و الميزانيه ، انا ابشوف اللي راحوا هناك كم كلفتهم وكم المده اللي جلسوا فيها

1. ثانياً / كيف طريقة الحجوزات من الى !


2. وكيف الاسعار هناك


3. ثالثاً : كم سعر التذكره ووش أفضل طيران ؟


4. ويكون السعر معقول !


5. واي معلومات ثانيه ياليت ماتبخلون علينا

السلام عليكم ،
هذي اول مشاركه لي هنا ،
و دي ب رحله الى اندونيسيا لكن مااعرف اي شي
ممكن احد يساعدني و يجاوب على استفساراتي
اولاً / كم تكلف الرحله لاندونيسيا مدة 10 أيام ( شخصين )؟
تقريبا 8 الى 10 الاف

ثانياً / كيف طريقة الحجوزات من الى !

وكيف الاسعار هناك

اذا قصدك حجوزات الفنادق لك 3 خيارات عن طريق موقع بوكينق او عن طريق المكاتب الي في جاكرتا او الجبل او تروح بنفسسك للفندق وتحجزز ولاكن مافضل هالشي لان اغلب شي بيقولون لك فلل اما الفلل الي في الجبل تروح بنفسسك وتشوف الفله وتحجزز على طول

ثالثاً : كم سعر التذكره ووش أفضل طيران ؟

ويكون السعر معقول !

اخوي اذا قصدك طيران داخلي بين مدينه ومدينه في اندونيسيا اتوقع طيران ليون ارخص شي ولاكن غير دقيقين في المواعيد واذا قصدك من السعوديه اذا تبي دايركت عندك الخطوط السعوديه + الجارودا الاندونيسيه ولاكن مافيها وسائل ترفيه ابد واذا تبي ترنزيت لاتعدا 3 خطوط الاماراتيه + اتحاد الامارات + الخطوط القطريه < احدث الطائرات + وسائل ترفيه فخامه وخاصه الاماراتيه اما من ناحيه الاسعارر ماحد يقدر يحدد لك لان الاسعار تختلف يوميا يمكن تبحث بالنت عن مواقع الشركات وتحدد يوم سفرك والعوده وتشوف السعرر لاكن انا حاجز على السعوديه في شهر نوفمبر القادم 3000 ريال واخوياي على الاماراتيه 3400 ريال

واي معلومات ثانيه ياليت ماتبخلون علينا

اهم شي الجواز يصير باقي عليه فوق 6 شهور عشان تدخل اندونيسيا والفيزه من المطار تاخذها الشخص 25 دولار وسجل جوازك في السفاره لاوصلت اضمن لك واهم شي عليك بالمكاسر بكل شي وحاول قبل تروح تصير جامع معلومات عن كل شي عشان تكون سفره جميله ومافيه شي يغثك واخيرا اتمنى لك سفر سعيد وجميل
وشكراً
تحياتي لك ...

هلا بك يالغالي والجميع بخدمتك ..
فقط تأمين الحجوزات للتذاكر والفنادق وجوازات السفر كما أشار لك ونصحك غالينا مشآعر إنسان ..
والميزانية المقترحة هي المناسبة لك وعندك أهم شيء الجدول والأماكن السياحية وتجد التكاسي
هناك متوفرة في كل مكان وبالذات نوعية البلو بيرد وبالعداد وخيار الفنادق مناسب لك ..
وهذه خيارات مجربة من الأعضاء يمكنك الاستفادة منها والتعرف على أفضل الخيارات في كل المدن ..
https://artravelers.com
طالما مدة الرحلة 10 أيام وهي قصيرة خلك حول جاكرتا وباندونق والجبل وبوقور من رأيي ..

هلا اخوي اهم شيء انك لازم تحدد موعد رحلتك عشان تعرف الاسعار والتكلفه لأنها تختلف من وقت لثاني
والعشره ايام حقت السفره مع الرحله والا بدون
يعني لو كانت مع الرحله تشيل يوم للذهاب ويوم للاياب يبقى 8 ايام في البلد؟
انا حاجز وقت المغادره 28 اكتوبر الجاي يعني بعد اسبوعين على طيران الامارات ب 2550 وترانزيت في ابو ظبي 3 ساعات في الذهاب والعودة