مراحب اخوي لقد رديت على استفساراتك في ساحة الاستفسارات الخاصة بسويسرا .... تحياتي

مراحب اخوي لقد رديت على استفساراتك في ساحة الاستفسارات الخاصة بسويسرا .... تحياتي
أخوي عزيز ألف شكر لك وشاكر لك أهتمامك ..
بس رواد النمسا وينهم يا جماعه .. ليكون البرنامج غلط ومستحين تقولون ؟؟

فنادق النمسا ممتازة ...
بس عندي ملاحظة في عدد الأيام لو يصير كالتالي :
4 ليالي فيينا ...
3 ليالي سالزبورغ ...
5 ليالي زيلامسي ...
وبالنسبة لسويسرا ماعندي خبرة فيها ..

والله اذا تبي رأيي
انا اموت بفيينا ولكن انت ما عطيت سويسرا حقها خصوصا انها بعد سفر طويل
وانترلاكن تراها عروس سويسرا وتذكر انك تبي تضيع منها يوم بالطريق
اذا كنت ملزم على برنامجك فغير للتالي :
جنيف 2 ليلة فقط خذ ليله منها , وخذ ليلة من فيينا وحطهم في انترلاكن وتصير انترلاكن 5 ليالي
ومن انترلاكن تزور لوزيرن

ANAS-BSF
أهنيك يا أنس برنامجك جدا رائع برغم اختلافي معك في بعض المناطق

• *فينا حدها اربع ايام خاصتا انها نقطة وصول اولى وليست اخر نقطة قبل العوده اللي تحتاج راحه
• * زالامسي او انترلاكن زدها يوم او يومين ونقص من جنيف وفينا

اختياراتك رائعه فنادقك ايضا رائعه وتخطيطك رائع....اتمنى لك حياه زوجيه سعيده وسفره موفقه
فالك المليون

حدّي مصر
فيه نقطة نسيتها يا أنس وش حادك تركب من الدمام الى البحرين دق سلف موترك على الجسر واركب الطياره من البحرين الى الدوحه ابرك لك ترى الترانزيت الواجد شين ويخوف من ناحية العفش.....اذا تقدر تخليها من البحرين وتطلع للدوحه ومنها الى فينا ابرك لك واذا على المواقف عادي خل المكتب السفريات يعطيك موقف مجاني....ترى مطار البحرين شرح وابرك من مطار الملك فهد اللي يجيك النوم من كبره وفاضي كل يوم تطلع رحلتين اظاهر عليه
با التوفيق

يا حبيلكم كلكم يعطيكم العافيه وما قصرتوا ..
أخوي سلوم شكرا لمرورك ووجة نظرك ..
أبو وليد (خالد) حبيب قلبي يا حبنيلك .. انا متعمد أخلي فينا خمس أيام لاني مسويلها جدول
راح نتذكره طول العمر انشالله ولعلمك أشياء كثير كنسلتها في فيينا وما راح اروحلهالقصر المده
ياخي والله يا هي ديره .. وبعدين ترا الثلاث ايام في جنيف من يوم الرجعه اللي بغادر فيه جنيف الظهر
يعني كويس ثلاث ايام لأن يوم بنروح فيه مونترو
ويوم شوبينق وتقضي وهدايا وبيروح وقت جنيف انشالله
وماراح نحس فيه .. وانترلاكن ما قريت عنها واجد صدق كثير مدحوها لكن ماني اعرفها كويس
يعني ثلاث ايام اتوقع تمشي .. وبالنسبه لزيلامسي رتبت جدولها على اربع ايام وطلع يكفي ومرتب الحمدلله ..
يعني (( أبيك تحمسني على الجدول ))
حدي مصر .. ياخي انا مصر انك تجي تتقهوى وترا دانكن قدام البنك يعني ماني مخليك
وترا لما قلت دمام بحرين ... مو بالطياره ياخي والله لو ان بطاريتي ما تخلص ما سويتها
ترا انا أكثر أنسان أكره الترانزيت ومتعقد منه .. بس يعني يقالي نقلت اللي في جدول التذكره
ولا هي الله يخلي الجسر وطريق المحرق والمطار وقص البوردنق وأحلى كوفي في كوستا
وأنت بالطياره ومقلع بأذن الله .. وبالنسبه لفينا زي ما قلت لأخوي خالد هذي عشقي ولها
ذكريات أجمل من الجميله ..
أقول ترا القهوه بدرت
يعطيكم العافيه يا شباب والله يخليكم انشالله ..

ANAS-BSF
بقولك شي
لا تتوقع اليوم الواحد في اوروبا انه مثل ايامنا
الوقت اللي تطلع فيه عندهم من الساعه 10 الصباح حتى 10 الليل وكلها بأمكانك تروح فيها
مو ثلاث ارباع النهار ما تطلع من الحر
من تجربه شخصيه كنا نطلع باليوم 3 مشاير
المشوار الاول مشوار بعيد وطويل واساسي من الساعه 11حتى الساعه 2
بعدين نرجع للفندق وننام ساعتين
المشوار الثاني مشوار قريب داخل المدينة
من الساعه 4 العصر حتى الساعه 8
بعدها ترجع للفندق تتبطح وتريح
الساعه عشر الليل (أذان العشاء) تصلي العشاء وتطلع لوجبة العشاء غالبا تكون في شارع حيوي مثل شارع الكارنتر
شف كيف الجدول مرتاح
تحياتي

هلا أبو وليد ..
الوقت اللي تطلع فيه عندهم من الساعه 10 الصباح حتى 10 الليل وكلها بأمكانك تروح فيها
مو ثلاث ارباع النهار ما تطلع من الحر
للأسف ما فهمت المقصود ؟؟ يمكن لأن توني جاي من الدوام ؟؟ .. ؟؟