1. أهلا بكم احبابي .. محبي الهدوء والرومانسية والجمال الخلاب ..

أهلا بكم احبابي .. محبي الهدوء والرومانسية والجمال الخلاب ..

الحقيقية ذهبت الى الاردن بسيارتي الحقيقية المسافة طويلة جدا بالسيارة تعب وخطوط ماهي زينة والغريبة ان العالم تمشي واكثرهم اخوانا الخليجين الله يسمح دروبهم ويرجعهم لا هلهم سالمين ..
المهم انا اعرف عمان كويس وهي حلوة جدا بس الصراحة مافيها وناسه حيل يعني تصلح للي له لزوم بيقضيه .. فقط . المهم واول ماوصلت بالسيارة للفندق ريحت وقلت خلني اخذ لي فترة راحة شوي وبعدين ابروح الجاردنز لمهم اخذت وصفه من واحد بالفندق الله يهديه .. والمشكلة كان خالي معاي ابوديه يتعالج بالبحر الميت وحنا في الفندق نزلت تحت علشان الفرن الي بالغرفة ماعرفنا نشغله ويرسل الرسبشن واحد يصلحه وانا طبعا نزلت باللوبي ارتاح ودور بالجريدة عن قروبات سياحية عندهم .. المهم وانا جالس باللوبي الرجل الي يصلح الفرن عند خالي قام ينصحه ومدري شيقول له وانت رجال كبير ومدري ايش وانا خايف عليك من المرتزقه الحقيقة مدري وش يقصد بها الكلام طبعا خالي ماعلمني الا بعدين بعد الموقف الي حصلنا .. المهم قلت له خلنا نروح للجاردنز قال لي وش فيه قلت ماغير قهاوي ومطاعم المهم قال نبي نروح بالتاكسي انا طبعا قلت لا وياليتني ماقلت لا .. رحنا على السيارة وعلى الوصف ودخلنا حارة ضيقة مو مرة يعني تكفي سيارتين للرايح والجاي بس الا وذيك البواري الي وراي المهم قلت خله يركن وراي شوي لانو مافي مكان اوخر له ثاني شي انا ادور الطريق المهم ماوخرت الا بعد ماسمعت الصياح والنياح الي وراي المهم وانا اوخر عنهم .. يوم دريت الا وهم حاطين السيارة قدامي وينزل منها خمسة شباب بغوا يكسرون السيارة واجي ابرجع ورى للسيارة مسكره علي من ورى مدري هو معهم والا واحد ثاني ماعاد ادري وين اروح بغو يكسرون الزجاج لا ويبون ينزلني من السيارة بالقوة و الله يرحمني والباب مقفل اوتماتيك المهم خالي الله يهديه اقول له لا تنزل لكن مافي فايده نزل من لسيارة وهم يصايحون يبون ينزولوني قلت لم ياجماعه ياهو انا غلطان لكن مافي فايده .. المهم وشوي ويجون ثلاثة من العماير الي جنبنا يوم شافوهم كانهم خافوا منهم وبعدين انقلعو الله يقلعهم .. اسمع واحد منهم يقول لخويه هات الشفرة الظاهر انها السكين يعني يبون يذبحونا ذولي ذبح .. المهم رجعنا للفندق كل واحد يشيل قلبه بيده لابو الجاردنز لابوه .. ومير ننام ذيك النومة الي مدري وشلون بس نمناها عاد انا والله ماكنت ابي اروح لكن يوم شفت الدعوه كذا قلت خلنا نروح ندور اهالينا بس هذا موقف واحد بس وفيه موقف بعده على طول الفرق نص ساعه بس ماني قايله لكم .. المهم يوم وصلت الحدود السعودية بغيت احب الزفلت علشان هالمواقف الحلوة ؟؟ الحمد لله بس يوم وصلت القريات ..
المهم بتقولون ليش الموضوع هنا في لبنان باقولكم ليش علشان انا باروح لبنان باجرب باشوف المعاملة كيف .. مع اني عارف انهم كويسين وطيبين وبنحبكم .. غدا على طيران الشرق الاوسط ون شاء الله باقولكم تجربتي فيها والله يستر ونرجع لا اهلنا سالمين غانمين ..
ملاحظة ( هذي وجهة نظري انا فقط وليس بالضرورة ماحصل لي قد يحصل للجميع ))