رحت النمسا وألمانيا في نفس الصيف
لكن نهائي ماأفكر أرجع للنمسا وبالتحديد فيينا
لكن وجهتنا بإذن الله الصيف الجاي راح تكون في ألمانيا ، مع ان جلسنا فيها 5 أيام وكانت مخصصه فقط للشوبينق وماشفنا الا شارع المشاه بس والحديقه الأولمبيه وبحيرة الملك ، لكن فعلاً هالبلاد دخلت قلبنا
والمخطط بيكون بإذن الله دسلدورف وكولون وإذا في وقت راح ننزل ميونخ ، عشان نطلع زيلامسي ، واذا شفنا ارياف وبحيرات حلوه وقريبه من دسلدورف وكولون راح نستغني عن زيلامسي .

زل ام سي وكابرون خاصه والنمسا عامه لها وقع كبير في نفسي وها انا كل عام ازورها ولا اريد غيرها

اوروبا غير لو اكرر البلد ماعندي مشكله بس اغير البرنامج ، في مناطق بالنمسا ما انذكرت بعدها بالمنتدى مثل مناطق مثل لوفر واللي سكن زلامسي يقدر يسكن وولف قانق مثلا الموسم المقبل ، والخيارات الاخرى قليله وغير مشجعه اما لبعد المسافه ككندا واستراليا رغم انهن يستاهلن العناء لهن او سوء حالة الطقس كشرق اسيا والغلاء الغير المقنع اللي تفشى في هذه الدول ،، ثالثا مشكلتنا ان مفهوم السفر متغير عند افراد الاسره الواحده صعب تلقى دوله تتوفر فيها كل متطلبات الاسره باختصار بالنسبه لي الوجهه المقبله ان شاء الله اما سويسرا والنمسا والمانيا او استراليا

العلم عند الله
و الله يحينا حياه طيبه لين ذاك الوقت
بس ك تفكير مبدئي مش غلط الواحد يخطط من الحين
الصيف القادم ان شاء الله فرنسا - سويسرا - النمسا
مع العلم انى زرت المناطق هذي كلها .. ودي اغير لكن استراليا و امريكا بعيده .. وانا شبعان من امريكا بحكم دراستى الجامعيه .. اماشرق اسيا ابدا مب داخله مزاجى ولا افكر ازور اي دوله منها فى الوقت الحالى
قبل و بعد كل شى .. ارجع و اقول "ان شاء الله"

بأذن الواحد احد بلاد العام سام هي وجهتي العام القادم ذبحنا الغلا في اوربا بس وانا اختك سويسرا ماتنعاف تحسها لراقين فقط ماتشوف الي قطتهم على الف خمس الله يحينا حياة طيبة ولاحرمنا نعمة

كنا راح نزور النمسا وسويسرا هاي السنه بس ربي ماراد وكل شئ تكنسل
لذا السنه الجايه ان الله احيانا وعطانا عمر وربي كتب لنا نصيب رايحين للنمسا وسويسرا
الله لايعوق بشر او جزر موريشوس---------------------------------------
ادعولي ياغوالي

هالسنة رحت للنمسا فرنسا وايطاليا
بس وجهتي القادمة بإذن الحي القيوم لزلامسي زلامسي ززلامسي في المقدمة وانترلاكن السويسرية لاني اكتشفت اني احبب الريف الاوروبي وعاد يمكن اضيف لها شئ ثاني ماادري بس هذي الاكيد

مرحبا
انا جيت زلامسي مرتين وانا حاليا فيها لاكن الصراحه ولاعاد اوط وط لها اهلها عنصريين الصراحه ويتضحكون على الناس
خلاص زلامسي شلتها ولافيها قهاوي عدله علي بابا مو شي اليوم قعدت عنده وطلبت حمص ومتبل وغيره وجلست
نص ساعه قالي اسف مافي حمص ومتبل قلت ليش تاخذ الطلب من البدايه قال انا مادري قلت كنسل الطلب
والخليجيين هادين اعيالهم الي يحذف حصى على القطار والي يركض ويدش فيك لا الصراحه شي عجيب ولاعاد
ان شاءالله

انا عني كنت قبل 10 سنوات اكرر البلد اللي زرته لكن الحين لا حتى لو كان المكان جنه ما احب ازوره مرة ثانيه واستغرب من اللي يزور نفس البلد كل سنه !!! استغرب ما يملون من تكرار المكان !!!وعن الوجهه القادمه ان شاء الله كيرلا في عطلة الربيع والصيف الجاي مترددين بين امريكا واستراليا .