اخوي الافضل المحفورة اضمن لك
وتقدر تأخذها من اي فرع بس تاخذ 3 ايام اصدار
لان فيه كم واحد بالمنتدى رفضت بطاقاتهم

حسب علمي ان في واحد في المنتدى واجهته مشكلة في البطاقة مسبقة الدفع عند مكتب تأجير السيارات في جنيف ورفضوا يسلموه السيارة
خذلك فيزا عادية افضل واشحنها من رصيد حسابك الجاري..
بس لا احد يشوف الملاين !!
وبالتوفيق

تمشي ما دامها فيزا ... ولكن لا تمشي في أماكن إستإجار السيارات لانهم يحتاجون Credit cards يعني الأرقام الي بارزة ... وترى تقدر تحصل عليها من البنوك بواسطة ايضا الدفع المسبق ولكن اظن انه لازم تخيلي نسبة 10% اتوقع كمبلغ اضافي إحتياط.

تمومي
اخوي خذ العلم الاكيد وهذا ماحصل معي كنت متخوف من بطاقة فيزا الراجحي مسبقة الدفع(تسوق) لونها ازرق ممزوج بالبياض وعليها علامة الطير ومدتها 3 سنوات قيمة اصدارها 100 ريال ولكن الحمدلله انا من اشد المعجبين بها لانها لم ترفض عند استئجار السيارة من شركة avis وعند فندق 4نجوم في جنيف وحجزت تذاكر طيران داخلية عن طريقها من برشلونة الى جنيف واشتريت من بعض المحلات فيها وكانت سلسة توكل على الله وبالتوفيق

أخي الرياض 2010،،،
العام الي قبل الماضي رفضت جميع الشركات تأجيرنا سيارة في بروكسل و ايضا ماستريخت الهولنديه فقط لانه ما عندنا البطاقة المحفورة الي ارقامها بارزة ... و على فكرة حتى في جده قبل 3 اشهر حاولت أستأجر ومن مكتب سعودي مش عالمي وقالوا لي نفس الكلام لازم تكون معاك البطاقة الي ارقامها بارزة و هي الي تسمى credit card ...
والعام الماضي قلت اجرب في جنيف و اعطيتهم البطاقة المدفوعه مسبقا والي اتسوق بيها من النت وكانها credit card و لكنها عاديه من دون الأرقام البارزة المهم قالت لي الي بالشركة احنا ما نقبل هذي الباطة ولازم الكريدت كارد و من ثم اعطيتها الكريدت كارد و مشت الأمور،،، شو الي صار معاك الله اعلم بيه هناك و لكن فعلا البطاقات الي ما بيهم ارقام بارزة عادة لا تقبل هذا والله اعلم.

تمومي
يا حبيب قلبي ما ذكر اخونا اللي فوق اللي جربها ومشت معاه .....انا جربتها قبل اسبوعين ..قبلوها في يوروب كار وجميع الفنادق والمحلات والتاكس تبع الطرريق وكول شي .. توكل على الله بس ..

ya bry 7aly
.
صادق اخوي اتوقع الي مايقبلونها شبعانين ويتحججون بالارقام المحفورة اصلا اذا مرر البطاقة على الشريط الاسود طلعت المعلومات

أخي العزيز كلام الأخوان كلهم صحيح فهناك شركات سيارات ومحلات تقبل وشركات لا تقبل والسبب هو حسب نوع جهاز السحب المستخدم لدى الشركة فإذا كان الجهاز من النوع اللي يمرر من خلاله بطاقة الفيزا فهذا لابد من أن تكون الحروف والأرقام محفورة أما إذا كان الجهاز المستخدم فقط يضع البطاقة على الجهاز فتظهر لديه المعلومات فأعتقد جميع البطاقات المحفورة والمطبوعة كلها تمشي وهذا سبب اختلاف كلام الأخوان علما بأن الأكثر الشركات والمحلات والفنادق لديها الجهاز المطور وأنا كنت بشهر أبريل اللي طاف بسويسرا وأخذت السيارة من شركة يوروب كار وكان عندي بطاقة فيزا قسط الراجحي البرتقالية اللون محفورة الأرقام والاسم ومشت الأمور بعدها لم استخدم في الفنادق والأسواق ومحطات البنزين والمطاعم إلا بطاقة صراف الراجحي العادية اللي نستخدمها في السعودية وأنا الآن في دبي ولم استخدم إلا بطاقتي الصراف العادية 000000 تحياتي لك