بسم الله الرحمن الرحيم
في البداية .. السلام عليكم ورحمة الله وبركاتة .. وبعد
تحية طيبة لجميع اعضاء وزوار المنتدى ...
احب في البداية ان ابشر جميع الراغبين الذهاب الى الجمهورية التشيكية بأن الفيزا حالياً صارت اسهل من
السفارات الأخرى .. يعني الصيف الي راح 2007 كانت الفيزا تشيكية وليست شينغن .. وكانة السفارة تعقد
كل ششخص يبي يطلع للعلاج او السياحة وكانو يحطو شروط مثل حظور العائلة كامله مع المريض والتذكرة
الاصلية و ورقة قبول المصح الاصلية ترسل بالبريد وتأمين سفر التعاونية فقط .. ولكن السنة هذي
في تاريخ 01/03/2008 صارت ضمن الاتحاد الاوروبي .. وفي البداية كانت تطلب نفس هالشروط ونفس
التعقيدات .. ولكن بعد ما راح السفير التشيكي حل مكانة القنصل وقام بالاتصال بالمكاتب الخاصة بالتشيك
واللي تسوق للتشيك داخل الرياض ومنها مكتبي وقدم دعوة لنا في يوم الثلاثاء 09/04/2008 صباح امس
وبدأ بالحديث .. من ضمن الحديث انه يأسف على التعامل الي كان يصير في الفتره الاخيرة وانه يبي يفتح
صفحة جديدة وينسى الماضي .. فعرضت عليه ان يللغي بعض الشروط الي غير ضروريه واللي
تخلي الزائر يصرف النضر عن السفرة كلها وتم قبول طلبي وانا واخواني من اصحاب المكاتب نشكر القنصل
على سعة صدرة وضيافتة لنا ومساعدت المرضى والزوار للجمهورية .. وهنا ابين لكم الشروط الجديدة
1- صورة الجواز + الجواز الاصل .
2- تأمين سفر (( التعاونية او AIG TRAVEL GUARG شركة امريكية ))
3- برنت للتذاكر .
4- تعريف بالراتب مترجم بالانجليزي.
5- كشف حساب ( او بطاقة صراف يوضح عليها فيزاء او ماستر كارد - الراجحي العادية تمشي ) .
6- فاوتشر بالحجز (( مصحة او شقة او فندق )) والافضل من المكاتب الخاصة بالتشيك فقط . او حجز فندق ملون او الاصل من مكاتب السياحة .
7- صور شخصية مقاس 4-6 ملون مكشوف الرأس خلفية بيضاء للرجال ... والنساء بالحجاب .
8- تعبئة الابليكيشن (( الورق الخاص في السفارة )) والرجاء عدم الشطب وتوضيح الخط وخاصة في الارقام .
9- مو لازم صاحب الجواز هو الي يقدمة .. يعني المكاتب تقوم بذلك .
10- اصحاب الجوازات الدبلوماسية ليس عليهم رسوم .. علماً بأن الرسوم تطلع وتنزل مع اليورو يعني بحوالي 356 ريال تقريباً
ملاحضة .// تقوم السفارة بأعطائك ورقة بأستلام الجواز عليها تاريخ الاستلام والتسليم وتكون المدة دائماً مابين الاسبوعين الى الثلاث اسابيع .. يعني دايم احسب حساب التواريخ
مثال :
انا قدمت الجوازات اليوم 09/04/2008 .. لكي تقبل //
خل تامين السفر يبداء من تاريخ 27/04/2008 وينتهي في 25/07/2008 يعني ثلاث شهور
وتاريخ التذكرة يبدأ في 27/04/2008 وينتهي في 23/07/2008 يعني قبل ماتكمل 90 يوم عشان مايرفض
وتاريخ السكن فندق او مصحة او شقة يسجل في الفاوتشر بنفس تواريخ التذكرة ..
وكذا راح تقبل ان شاء الله وتاخذ الفيزا ..
اتمنى اني افدتكم ..
الله يشفي جميع مرضى المسلمين .. وخاصة ذوي الاحتياجات الخاصة ..
اخوكم .. معالم التشيك