الخبر التالي منقول عن الأخ/ احمد نت في منتدى آخر :
ونص الخبر كالتالي:
"السلام عليكم ومساكم الله بالخير جميعا
يا جماعة الخير العذر والسموحة على التأخير ولكن كانت ظروف خارجة عن ارداتي >>اخذتني غفوة
المهم رحت للوزارة المغرب ودخلت على مركز القبول وانا ناصي د. عيسى العيسى المهم دورته دورته ولا حصلته سألت موظف قالي اصبر شوي وبيجيك انتظرت ولا جاء
سألت موظف ثاني قالي الصراحة ان العيسى ما داوم قالي خير وش تبي فيه قلت يا اخوي السالفه كذا وكذا الرجال شكله حبيب مره قالي اصبر شوي
المهم وقعد يحوس مع بعض المراجعين حقين اليابان وماليزيا وغيرهم المهم قالي بالنسبة لكم يا طلاب استراليا قبولاتكم وصلت انا تشققت من الفرحة قالي بس مع الاسف كان في اغلب النماذج حقت القبول اخطاء بالارقام الموجودة فيها لأن الوزارة متفقه مع الجامعات ان الارقام بنماذج الوزارة مطابقة للنموذج القبول تبع الجامعة قلت والمعنى اخوي
قالي رجعناها لأستراليا قلت اجل الوعد ان شاء الله بعد سنتين قالي لالا يا اخوي ليش متشائم قلت له الي يتعامل مع وزارتكم تبيه يستانس قالي لا يا اخوي خذها مني يا الطيب الاسبوع الجاي بأذن الله القبولات كلها بتكون ان شاء الله عندنا قلت يا ابن الحلال الكلام هذا سمعناه من قبل شهر وانتو تقولون الاسبوع الجاي الاسبوع الجاي قالي لا يا الغالي صدقني خذها مني كلمة رجال الاسبوع الجاي بالكثير اذا تأخرنا بيكون نهاية الاسبوع الجاي راح تجيكم رساايل لكم نقولكم فيها ان قبولكم جاء
قالي خلاص ما بقى الا انتم اما باقي الدول بدا القبول يوصل وقالي ان قبولاتكم بتجي على دفعة وحدة يعني ان شاء الله بيبلغونا مرة وحدة مب دفعات زي امريكا قالي بيرسلونها مرة وحدة
عموما اعتذر اذا كنت تأخرت عليكم صح اني ما جبت معلومات مهمة مرة بس هذا الي اقدر عليه ولا تنسونا من دعائكم يا الربع
وانا الاسبوع الجاي نااشب للوزارة لازم اقابل العيسى انا رجال استقلت وفااضي ولا عندي شغله الا الوازارة الله يعينهم وماراح يجيب لكم العلم الا انا بأذن الله "
أعيد وأكرر الخبر منقول
ودمتم بود