وين مافي ولا رد بلييز

ياليت الخبراء فى المانيا يبلغونا عن افضل فندق
وان شالله يساعدونا
لان انا بعد بروح

امي وابوي تو كانو هناك اقعدو 6 شهور وانا رحت زرتهم للاسف ماعندي معلومات كثيره بس ابوي سوى مثلكم حجز اول 3 ايام في فندق وبعدين السفاره اتوقع هي دبرته وقالت له وين يسكن
كان يروح بون مع شخص سعودي عايش هناك وهو يشتغل مثل السمسار يأجر عليهم الشقق وياخذ الاجارات.. اللي يشتغلون في السفاره هم عرفوا ابوي عليه وهو كان يودي ويجيب ماقصر مع هلي وغير هل الامارات والخليج كلهم شباب طيبين كل جمعه كلهم يروحون يتفقون ومع بعض يروحون بون يستلمون رواتبهم من السفاره ... وكانو ساكنين في شارع حيوي فيه كل شي سويرماركت مطاعم متنوعه من جميع الجنسيات ومحلات وكل شي والاهم من هذا كله عندهم مجلس يتجمعون فيه كل يوم ...
للاسف مستوى الفنادق في كولون مش اوكي دورنا وماحصلنا فندق عدل سكنا في فندق هو عباره عن قصر كان حلو يبعد عن كولون يمكن 20 دقيقه وكان عندنا سياره اجار انروح لهلي ونرجع
تقدر تاجر هناك سياره لان اسمع ابوي يقول كل الخليجين اللي معاه عندهم سيارات ويروحون هم بنفسهم بون ويجون ويروحون هولندا وبلجيكا يلفلفون ووقت المواعيد تجي سياره من السفاره تاخذهم .. وبعدين على فكره السفاره هناك تضبطكم هي اتقولكم وين تسكنون ووين اماكن العرب نصيحه روحوا للاماكن اللي فيها عرب علشان ماتضيق صدوركم منطقة هلي كان كلها هل الخليج وابوي استانس معاهم يقولون لولاهم كنت بشق ثيابي من الضيقه
يقولون كل شي متوفر في بون حتى حليب بوقوس خ بمعنى اصح شرحه وفيها كل السفارات وكل جمعه اتشوفهم رايحين يستلمون رواتبهم اتوقع يوم الجمعه مب متاكده .. وهم هناك بيدبرونك هل الخليج مايقصرون كلهم ويمكن هم بيودونك ويجيبونك خصوصا اللي صار لهم فتره طويله يحليلهم يساعدون من قلب لين تتعودون على المكان وادلون فيه
انا عن نفسي حبيت دوسلدورف اكثر حسيتها اشرح من كولون بالنسبه لي جابت لي الضيقه .. اذا صار عندكم سياره بتقدرون تلفون كل المناطق اللي جنبكم وهي كثيره
بالتوفيق لكم يارب والله يشفيكم ويعافيكم

شكرا جزيلا
بس ابغي ارقام الميترو
من الفندق للمستشفى وبعد ولمنطقة المطاعم العرب

رقم 9 فوق الارض يوديك من الفندق للمستشفى باتجاه sülz والمحظه الي تنزل فيها اسمها Uni klinken

السلام عليكم اختي تقدرين توصلي اي مكان تبينه وسهل وايد يعني وليش الملحقيه في بون موجوده في ميونخ وفيه تبديل للقطارات بليل

حلال مشاكل
ما فهمت الي اعرفه انها في بون بس كنت هناك السنة الماضية بس ماشفت اي شي من المطار للمستشفى والعكس في الردة بس
هل في ملحقية ثانية في ميونخ

ملحقيه شو تسألين من وين انتي اختي الغاليه بسال لج وبخبرج الي تبين انتي بتين ميونخ ولا بعيد عن ميونج ومتي بتين. وانا يحاول أساعدك