ناصر مححمد
29-10-2022 - 09:27 pm
سلام عليكم ياجماعه انا شدني مواضيعكم تعاونكم
وسجلت اخذ رأيكم
انا ان شاء الله الأسبوع الجاي بروح الحالي
مالقيت احد يخاويني وصراحه انا ماحب أسافر في الإجازات
المزانيه هي 10000 ريال ابي اعرف وش نظام المعيشة ابي اروح حسب كلام الشباب في المنتدى
يوم في جاكرتا و ابي اطلع بالي يومين و الثاني بونشك او قريب من ذا الاسم يومين و ابي مكان استجمام فيه شلالات والأشجار والتيوس والعلوم الغانمه من ذي الي نشوفها بصور
للمعلوميه اول مره أسافر برى الخليج الحالي
الميزانية اللي انت ذاكرها تكفيك من 10 الى 13 يوم تقريباً للسكن والاكل والشرب والمواصلات ودخول الاماكن السياحية ( بدون قيمة التذاكر الدولية )
فيه اكثر من منطقة تستحق الزيارة
جاكرتا
بونشاك او الجبل
باندونق
بالي
اذا تبي التيوس والفلل فهذه في الجبل ( مع ان كل مناطق اندونيسيا خضار واجواء ترد الروح )
بما انك لوحدك ما راح تستمتع بالفلل وافضل لك السكن في الفنادق
لو حبيت نرتب لك جدول ونقترح لك الفنادق ياليت تزودنا بتواريخ وصولك لجاكرتا والمغادرة منها