swa7ah
16-02-2022 - 02:11 pm
السلام عليكم ورحمة الله وبركاته
بما ان ماطلعت لي بعثه على امريكا للأسف
قالي الوالد الله يحفظه ان بيرسلني على حسابه
طبعا ابيكم تتوقعون تكاليف كل شي من الى
احتمال اسافر الى اوهايو في جامعة اوهايو او اي جامعه معترف فيها عندنا
عطوني توقعاتكم للتكاليف من تذكره ودراسه معهد وجامعه وايجار شقه ومعيشه يوميه
يعني عطوني التكلفه بالدولار او الريال لسعر التذكره والمعهد كم يكلفني في الترم؟ وكم ترم مفروض اجلس؟
والجامعه عندهم هل بالساعات او الأترام؟ كم تكلفني 6 مواد في الترم مثلا؟
وايجار الشقه كم تقريبا؟ والمعيشه اليوميه كم احتاج بالشهر للأكل والفواتير والمواصلات؟؟
ابي تقولون كل شي وكل واحد يحط اللي عنده واللي يعرفه
وفي انتظار اجاباتكم
1- أي معهد راح تختارين ؟ المعهد على حسب مقدرتج احتمال تجلسين سنه أو 9 شهور (الأسعار موجوده فى الويب سايت حق المعهد)
2- الجامعه كذلك فيه جامعات خاصه و جامعات حكوميه اللى تكون أرخص .. لازم تحددين أي جامعه (بس عموما غالية مصاريف الدراسه)
3- سعر التذكره ماراح يضل ثابت و بعدين على أي درجة راح تسافرين ، إذا Economy بتكون فى حدود 5500 ريال .. راح تحتاجين تذكرتين فى السنه إذا بتنزلين زياره فى الكريسماس و الصيف
4- الشقه طبعا راح تكون عالمدى الطويل يعني long term (أجار سنوي) تاخذينها بدون أثاث أتوقع إذا فى مكان نظيف و راقي توصل إلى من 900 إلى 1200 فى الشهر ... و انتي تشترين الأثاث
5- المواصلات لازم تشترين سياره (هذا سالفه بروحها)
6- كل جامعه نظامها يختلف عن الأخرى .. فيه نظام كورسات و نظام كوارتر (يعتمد عالجامعه اللى راح تختارينها)
7- مصاريف الكتب وايد غاليه (إلا إذا شريتي كتب مستعمله أو شحتي كتب اللى قبلك)
8- لازم تسوين تأمين طبي شامل (ضروري جدا)
9- مصاريف السكن من (كهرباء و ماء و تلفون و مقاضي) 300$ يمكن فى الشهر .. لازم تتعلمين الإقتصاد
10- مصاريف السياره (من تأمين و بنزين) جدا غالي
11- مصاريف البيت الإحتياطيه (تصليح و تركيب ..الخ) غاليه هالأمور عندهم
يعنى فى توقعي راح تحتاجين 90 ألف دولار (والله البعثه رحمه)
هذا اللى جا فى بالي الحين ، إذا فيه زياده بقولك ....