هلا فيك بين اخوانك و خواتك
بالنسبة للسؤال الاول الحين ماشاء الله التكاسي عندنا تلقاها بكل مكان وبكل حزه
وممكن تتفق مع تاكسي باليوم يسمونه تاكسي الاجره
والفندق صراحه انصحك بفندق المارينا مكان ممتاز
على البحر ويمه مطاعم و كافيهات و يرتبط بجسر مع المارينا مول
يعني حتى ما تحتاج تاكسي يوديك
وحياك الله مرة ثانيه

تسلملي والله يا Friends ماقصرت واشكرك علي المعلومات الي رايح تفيدني انشاالله

حياك الله في الكويت وان شاء الله تستانس ويستانسون الاهل وماتكون زيارتكم الاخيره
الافضل ان تاخذ سياره اجار من المطار عن طريق بيت التمويل او احدى الشركات المعروفه لان الجو مايسمح انك توقف تنطر تيكسي ولان راح تحتاج تتنقل اكثر من مره باليوم وراح يطلعلك اوفر بالنهاية والنافيقيتر اخذه معاك او اطلب سياره فيها نافيقيتر وترى الكويت صغيره ماتضيع حتى لو تمشي على اللوحات في الشارع
زياره موفقه

أضم صوتي لصوت كويتية 82
بصراحة أستأجر سيارة 70 أو 100 ريال من المطار أوفرلك
لأنه أقل مشوار رايح جاي من الفندق بيكلف 40 إلى 50 ريال
والعائلة وخاصة الحريم يحبون يفرون كل مكان ويوقفون في كل محل( يعني ريح حالك) وأستأجر
ونصيحتي بالنسبة للسكن (مجرب) شقق بودل الفندقية زي الي بالرياض
ولا يفوتك سوق المباركية والعشاء في فريج صويلح

أهلا فيك أخوي وحياك الله في ديرتك الثانيه الكويت. أإذا على الفنادق على حسب طلبك فأنا أنصحك بفندق المرينا على البحر وملاصق لمجمع المرينا التجاري وملاصق للقهاوي والمطاعم المطله على البحر.
الفندق من الخارج

صورة الغرف المطله على البحر

الحمام أعزكم الله

موقع الفندق:
http://www.marinahotel.com/

اهلين اخوي ..
انصحك بفندق مارينا .. خيالي جداً .. فخامه و موقع و كل شي .. شوفه في تقرير انا سكنته اسبوع كامل من شهرين ..
بالنسبه للتكاسي موجوده في كل مكان .. و فيه تاكسي الاجره اخذ رقمهم من الريسبشن و اتفق معهم باليوم .. الساعه 50 ريال ..

والله ماقصرتو واشكركم علي ردودكم وافادتي

و عليكم السلام و رحمة الله و بركاته...
حياك الله في بلدك الثاني أخي الكريم...و الأخوان ماقصروا...
و بالنسبة للفنادق:-
ارشح لك مارينا السالمية
و منتجعات منطقة البدع الساحلية القريبة من السالمية جداً...
(حيث معظم الأسواق و مراكز التسوق و الترفيه, اضافة للمطاعم و المقاهي و الواجهات البحرية)
مثل : و موفنبك البدع, و منتجع النخيل.
Marina Hotel
مارينا هوتيل

التصنيف :
العنوان : شارع الخليج العربي, السالمية.
Tell : (+965)2230030
الموقع الإلكتروني
معلومات : إحد أفضل فنادق الكويت إن لم يكن أفضلها, يتميز بموقعه الرائع على شواطئ الخليج العربي, و إتصاله بإحد أفضل مراكز التسوق"مارينا مول", تبدأ اسعاره من 60 دينار"متغير".
Movenpick Hotel & Resort Al Bida'a
فندق و منتجع موفنبك البدع

التصنيف : مع مرتبة الشرف!!!
العنوان : طريق التعاون, البدع.
Tell : (+965)2253100
الموقع الإلكتروني
معلومات : أحدث فنادق و منتجعات الكويت و يتميز بموقعه المميز و فخامته و تعدد أنواع السكن فيه.
أنواع السكن:-
1- الغرف : سوبيريور - ستاندرد - ديلوكس, و تبدأ اسعار الغرف من 50-55 دينار.
2- السويت : غرفة - غرفتان - ثلاثة غرف, بمتوسط سعر 130 دينار.
3- امباسدور سويت(نظام شقة) : غرفتين - ثلاثة غرف.
4- فيلا بأربعة غرف, مكونة من طابقين, و بها صالة واسعة مع مطبخ و غرفة طعام.
محتويات : يضم الفندق بالخارج عدد كبير جداً من الكافيهات و المطاعم الفاخرة(12مطعم و مقهى تقريبا).
The Palms Beach Hotel & Spa
فندق و منتجع شاطئ النخيل

التصنيف : يستحقها بكل جدارة
العنوان : طريق التعاون, البدع.
Tell : (+965)5646266
الموقع الإلكتروني
معلومات : يعد فندق و منتجع النخيل من أبرز المنتجعات في البدع و أفضلها, و يضم أفضل انواع السويتس التي تحسس الزائر بالراحه.
أنواع السويت:-
1- بالمز1, 2- بالمز2, 3- اكسكيوتف سويت.
4- سويت مطل عالبحر, 5- رويال سويت, 6- امبيريال سويت.
محتويات : يوجد في هذا المنتجع عدد من المقاهي الخارجية مثل ستاربكس و غيرها و مطاعم الراقية.---------------------
مواضيع ذات أهمية
للإرشاد بالأماكن التي ننصح بزيارتها:-
1- http://artravelers.com/c/166600" target="_blank">مسافر للؤلؤة الخليج ومحتاج لمساعدتكم...
2- http://artravelers.com/c/169087" target="_blank">استفسارات منوعة عن الكويت
3- http://artravelers.com/c/164197" target="_blank">بزور الكويت بعد ايام .. وين اروح
4- http://artravelers.com/c/166732" target="_blank">لدي مجموعة من الأسئلة عن الكويت الحبيبة
5- http://artravelers.com/c/187455" target="_blank">جم سؤال ناطرين اجوبتكم ياغاليين تمنياتي لكم بقضاء اجازة سعيده...
تقبل تحياتي.

انا اضم صوتي للأخوان انك تاجر سيارة من المطار او مكاتب التاجير
وفندق المرينا احسن اختيار
في فندق المنشر روتانا بالفحيحيل فندق حلو ملاصق لمجمع الكوت بس بعيد عن مناطق الترفيه