بما انكم بنات أقترح عليكم ان تخلوا الميزانية مفتوحة
لأن التسوق يفتح على الواحد ابواب ما لها اول ولا تالي
حتى لو أنه ما يبي يتسوق
فما بالك لو كنتم بنات
أنا رحت لماربيا قبل حوالي 5 أشهر وكانت ميزانيتنا
غير ايجار السيارة وغير التذاكر والفندق
قرابة 500 يورو للشخص الواحد مع العلم انها بدون
التسوق وقعدنا فيها 5 ايام بالضبط وكانت كافية جدا جدا

reemq8
الصرف لا يمكن يفيدكم أي أحد فيه لأن الناس يختلفون في طريقة الصرف
مثلا ممكن 50 يورو في اليوم تكفي إذا الإنسان نظم صرفه وحسبها صح طبعا بدون تسوق
وأحيانا ال50 يورو ممكن يصرفها شخص في وجبة غداء أو عشاء
يعني لازم تنتبهون على مصاريفكم وتسوون برنامجكم على حسب ميزانيتكم اللي تقدرون توفرونها
يعني تقسمون ميزانيتكم على عدد الأيام وتصرفون كل يوم جزء وإذا انتهت ميزانية اليوم فيا الله على النوم
وبلش استلاف من ميزانية بكرة
أعتقد المعقول في الصرف في حدود 100 يورو للشخص يوميا

مشكورين على الردود انا ابيي مزانية المصاريف مزانية التسوق سالفه ثانيه
بس انا ورفيجتي حاطين كل يوم 350 يورو حق المطاعم والمقاهي تمشي والبحر وسوالف هذي
بس نبي المطاعم القويه والفخمه وجذي

انا وزوجتي رحنا العام
كنا نصرف يوميا في حدود ( 150) يورو
وماسكين الحزام بعد
0يورو حقتكم كافيه وزياده

شوفي اختي ..
بالنسبه لي انا افضل استاجر سياره فمصاريف التكاسي وايد .. والسيارات تحصلينها من 20 يورو وطالع ..
واذا بتاجرون حرصوا انها تكون اوتوماتيك لا تتوهقون ..
اما عن الصرف العادي فالمطاعم اسعارها مثل اسعار المطاعم في البحرين او عندكم في الكويت ..
المشترى بعد يعود لكم انتوا خصوصا انه ايام تخفيضات على الماركات الموجوده في بورتو بانوس وفي السنترو ماربيا ..
اعتقد ان للغدى والعشا والتخمخم يعني قهاوي وغيرها والبحر 100- 150 للشخص يورو يكفي ويزيد
اما اذا في بالكم بعد برامج اخرى هاذي شي ثاني ..

reemq8
اي تكفي وايد زينه بس مثل ماقلت لج شوفي موضوع السياره ..

والله ما ادري بس هل يجوز البنت تسافر مع خويتها لوحدهم من دون محرم؟
تراني والله ما أدري بس أستفسر عشان بس ما يقع أحد بالمحظور.