وعليكم السلام ورحمة الله وبركاته
هلا وغلا الغالي
المبلغ يشمل الفندق والتذاكر ولا التمشيه بس

ترى مب غريبه السفر بروحك انا اسافر لوحدي اكثر من مره وانبسط اخر انبساط
الواحد احياناً يحتاج للخلوه
ونفس سؤال اخوي القطري

عادي اخوي كأنة العيد كم مرة سارت اوروبا بروحي عادي صح ان يوم وياك حد احسن بس بعد الخلوة كمن يوم حلوة
نصيحة سولك جدول + شيل اللابتوب وياك يكون افضل .
والله يوفقك ويسعدك

يعطيكم العافية شباب
لا المبلغ ما يشمل التذكرة فقط الفندق والتمشية

انا رحت لحالي وقسم بالله انواع البسط والفله اهم شى تعرف وتسجل الاماكن اللى تبي تروح لها...واحسن شى ان تاريخ وجودك هناك يصادف وقت الكريسمس يعنى انواع البسط وسعة الصدر...
لندن فيها سحر عجيب...ماتمل منها ابد....لاتخلي مكان ماتروحه....خذ كاميرا وذاكره 4 قيقا وخل الكاميرا تشكي
تصدق انى تمنيت انى اجلت رحلتى الى ديسمبر عشان الكريسمس بس عاد ظروف العمل ماساعدت....يالله خيره
انت كم حاط لك ميزاينه؟ ترى تختلف من شخص لاخر
هل انت راعى اسواق وشرا وشوبنق والا ماغير تمشيات وحاجات خفيفه؟
وهل انت راعى سهر وفلة حجاج والا ماغير قاعد ماسك الريموت فى غرفة الفندق؟
هذى هى اللى تحدد الصرفيه هناك ...مو مجرد مبلغ مقطوع تاخذه معك...ونصيحه اصرف عمله من هنا ولاتسوى سواتى صرفت من هناك وطلعت علي اكثر من بيع السوق..ترى الباوند طايح وسعره مغري جدا
..واهم شى يكون عندك فيزا او اى بطاقات ائتمانيه لزوم الطوارئ..
توكل على الله ولا تحاتى.....هذى لندن مو النعيريه

طيب هالفترة مايعرقلك البرد ؟؟

انا بسير انا وبناتي وبس وهم صغار يعني في سن 8 و 10
ياترا امان اني اسير بروحي معاهم وبعدين اسكن في فندق والا شقة تراني اول مرة اسير لندن وحابة استمتع في اجازة العيد