أهلا بك أختي
بالنسبة للحجز عن طريق الانترنت .. إذا كان السعر لشخص في الغرفة المزدوجة اضربيه باثنين
أما بالنسبة للفوتشرات هم بس يرسلولك إيميل تأكيد الحجز ، ومو كل السفارات تعترف فيه أقل شي يطالبون بفاكس أو فاوتشر
يعني مالك إلا تشوفيلك مكتب يطلعلك فوتشرات على حجوز وهمية ثم يلغيها
أما بالنسبة للمدن ماأقدر أفيدك كثير ، والثلوج عندك أعلى قمة في أوروبا تقدرين تطلعيلها من انترلاكن وغيرها كثير
وجنيف ، لوزان ، ومنترو كلهم قريبين من بعض يعني ممكن تحجزي في لوزان أهدأ وأرخص وتطلعي منها على جنيف ومنترو وترجعين في نفس اليوم
أو فيه شقق وغرف فندقية في مدينة ديفون القريبة من جنيف تكلم عنها أبوعزيز في موضوعه
https://artravelers.com
يعني ممكن تجلسي في جنيف أو ماجاورها 5-6 أيام (تستقري في مدينة واحدة ومنها تطلعي كل يوم مدينة)
بعدين تطلعي على انترلاكن كم يوم
ثم لوسيرن ومنها لزيوريخ وبعدين تقدري تطلعي على ألمانيا (ميونيخ) أو على النمسا
أو بالعكس تبدأي رحلتك من زيوريخ ( واللي ما أنصحك تستقري فيها إذا أنت تفضلين الأرياف)
ومنها على لوسيرن ,, انترلاكن .. جنيف واللي حولها .. بعدين تطلعي على القرى الفرنسية وممكن تزوري ليون ومنها على باريس
هذا اللي أقدر أفيدك فيه والأمر أولا وأخيرا راجع لك

مشكوره الجود
افكر ابدأ رحلتي بزيورخ واقعد فيها يومين لها يوم ولوسيرن يوم
وبعدين انترلاكن يوم وجنيف يومين بدور بجنيف يوم ويوم بروح فيه للوزان ومنترو
يعني مجموع سويسرا 5 ايام عشان الحق اروح الدولة الثانية
يعني انا ابغى اروح لاحلى مكان يتميز بالطبيعة ما ابغى اروح لقريتين فيهم نفس المميزات يعني طبيعه وبحيرة
ما ادري اذا فهمتوا علي والا لا

أهلا بك أختي أم رسيس ...
زيورخ يومين
لوقانو 3 أيام ( ومن لوقانو تستطيعين الذهاب لميلانو الإيطالية للتسوق )
انترلاكن 3 ايام ( لزيارة الشلالات والثمة الثلجية ينغفراو )
جنيف 3 أيام .
باريس 3 أيام - والعودة من باريس ..
يخدم هذا الخط .. ( الخطوط الإماراتية ، القطرية ، الأردنية )

مشكور اخوي ابو ريان
البرنامج حلو بس قالوا لي لوجانو مافيها الا طبيعة يعني اقدر اطلع لها يوم من جنيف
لاني ما ابغى اروح ايطاليا
الا اذا لوجانو حلوة بطول فيها
طول بالك معي اول شي بروح زيورخ وبطلع منها لشلالات فيرن اعتقد هذا اسمها كاني ماخبطت
واليوم الثاني بروح لوسيرن وش رايك؟
ترا احنا سريع سريع نمل بسرعة
بعدين بروح يوم على لوجانو ويوم لانترلاكن اذا كنت اقدر ازور الشلالات والقمة في واحد او امدد ما ادري
وبعدها جنيف يوم نتمشى بجنيف ويوم نطلع فيه للوزان ومنترو والا وش رايك اطنش وحدة منهم اذا كلهم فيهم طبيعة بس ابغى الأفضل وش ترشح
لاني راعية طويلة بروح ان شاء الله بعدها لباريس ومن باريس للندن
الله يخليك رتب لي سويسرا اريافها كثيرة وكل شخص يرشح قريه او مدينه
ومشكور

شلالات الراين شف صورها بموضوعك وقلت لازم ازورها معليش على التخبيط لسا مانمت

لوقانو ما لها داعي ...
إذن .. زيورخ يومين ومنها تزورين شلالات الراين ..
لوسيرن يوم ..
انترلاكن يومين ..
جنيف يومين لزيارة مونترو وإيفيان فقط ..
بعدين باريس ثم لندن ...
هذا سلق بيض مهب سياحة

مشكور أبو ريان وماقصرت
احنا دايما كيذا سفراتنا مانجلس بمكان كثير
بس ندور ولا احنا راعين قهاوي وخصوصا ان فيها خليجيين مستحيل!!!!
يمكن المكان الوحيد الي نطول فيه الاسواق والسينا نحتري الفلم المعروض يخلص ههه