نشر في البحرين

بروح البحرين دلوني

q8_ukhrep

28-10-2022 - 12:50 am

السلام عليكم
اخواني واخواتي خبراء ممكلة البحرين
ان شاء الله زايرين البحرين مع المدام في الاسبوع الجاي
وبغينه جدول لمدة ثلاث ايام
مع العلم انه احنا حاجزين في فندق البنيان تري (اذا ممكن احد يدلنا عليه وصف او احداثيات الجارمن)
والمدام تبي محلات للعبايات النسائية بس اسعارها مناسبه

التعليقات (9)

q8_ukhrep

28-10-2022 - 03:42 am

اشدعوه مشاهد من 16 واحد ومحد رد
وينكم خبراء البحرين

KhalijiMan

28-10-2022 - 04:43 am

q8_ukhrep
البنيان تري .....وصفه صعب لانه يعتبر في منطقة فاظية تقريبا.....لكنه قريب من منتجع العرين وحلبة سباق الفورملا

الغالـــية

28-10-2022 - 05:44 am

q8_ukhrep
وعليكم السلام ورحمة الله وبركاته
حياكم الله اخونا ...
البانيان تري وصفه جدا سهل ... أول ما تطلع من الجسر .. تاخذ ثاني مخرج .. تتبع اللوحات الإرشادية المؤدية إلى حلبة البحرين الدولية ... وجنة دلمون المفقودة .. وإن شاء الله بتوصل ..
لأن الفندق قريب من جنة دلمون المفقودة ... الطريق طويل شوي ..
الجدول ... والله حسب ميولكم أخونا ... الفندق بروحه مكان جدا جميل ويرد الروح .. بركة السباحة جميلة ... وممكن عمل باربيكيو في فيلتكم .. تطلبون من خدمة الغرف ...
ترحون يوم تتسوقون في السيف والستي سنتر .. والعالي ... منها غدا أو عشا ومنها تسوق وقضاء وقت ممتع ..
ممكن تروحون يوم كامل جنة دلمون المفقودة ... حديقة مائية كبيرة ... وقريبة من فندقكم ..
لو حبيتوا تزورون المتحف الوطني .. أو أحد المواقع التراثية ...
واليوم الأخير تخصصونه للتسوق في سوق المحرق ... فيها محلات عبايات كثيرة جدا ... وكلها أسعارها مناسبة ... ومنها تاخذون الجلابيات والحلوى والمتاي والبهارات البحرينية ...
شوف برنامج الأخ The watcher ممكن تستفيد منه .... ولا تنسى تمر على الدليل السياحي ... فيه كم كبير من المعلومات ...
وحياكم الله

مـزون

28-10-2022 - 06:45 am

حياكم الله بديرتكم
ومشرفتنا الغاليه ماشاءالله كفت ووفت

جاني خبر

28-10-2022 - 07:46 am

انصحك بالتوجه الى متحف البحرين الوطني
والمدينه المائيه جنب البنيات تري مو بعيده
بالنسبه للمجمعات
مجمع مودا مول في الشيراتون فخم ومليء بالماركات
مجمع سيتي سنتر وهو حديث وحلو وفيه مطاعم حلوه جديده
مجمع السيف والدانه فيهم سينما
ولاتنسى زياره شارع يوسف الشراوي اللي في العدليه جددوه وصار حلو والمطاعم اللي فيه مودرن وتستحق الزياره
وتوجد مطاعم جميله في ام الحصم وفندق الريتز كارلتون
وفندق بنيان تري فيه مطعمين حلوين بعد
وبالنسبه للمقاهي توجه الى ميزون كافيه وهو مناسب من بعد 10 مساء وفيه عوائل اهو وكاز بلو في العدليه
اخوك جاني خبر

Discover Bahrain

28-10-2022 - 08:47 am

يا هلا والله أخوي أول شي أعذرنا من قلب على التأخير عليك ..
بالنسبة للعبايات نتمنى خواتنا الكريمات يفيدونك ..
أما فيما يتعلق بالبنيان تري الأخوة والأخوات ما قصروا وموقعه في المنطقة البرية الواقعة جنوب غرب البحرين وراح نعطيك الوصف المفصل الدقيق ولكن نبي نعرف أخوي انت ياي عن طريق البر ( جسر الملك فهد ) ولا عن طريق الجو ( المطار ) ؟ على أساس نعرف نوصف لك من وين ..
وحياك الله بين أهلك وناسك ياخوي ..
..

ronaldo4ever

28-10-2022 - 09:48 am

Banyan Tree : ( You can search in Garmin and you'll find it ) : -
N 26°00'129"
E 050°31'143"

ابوفراس99

28-10-2022 - 10:49 am

السلام عليكم
الشبب ماقصر وبالتوفيق ورحلة سعيدة

q8_ukhrep

28-10-2022 - 11:50 am

بحريني غير
مشكور اخوي بحريني
وان شاء الله راح نوصل عن طريق جسر الملك فهد

البحرين المسافرون العرب

بروح البحرين دلوني