أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
مساء الخير
ابي اعرف اهم المدن السياحيه ذات الاجواء الجميله والطبيعه الخلابه في الهند مع العلم ان عدد الايام 17يوم ويوم روحه ويوم رجعه يعني ابي برنامج سياحي من اصحاب الخبره
أخوي متعب 17 يوم كثيره جدآ على كيرلا أنا العام رحت وقعدنا 14 يوم وحسيته كثيره إلا إذا كنت
ناوي تروح لمناطق ثانيه غير كيرلا وأنا ماأنصحك لأن كيرلا لحاله روعه وأحلى المناطق مونار رهيبه
ويكفيه 3 وبالكثير 4 أيام لأنه صغيره بس جوه روعه ضباب وأمطار وبرااد
وتكدي بعد حلووه يكفيه يومين أو ثلاثه وكوماركوم قريه صغيره مافيها شي إلا المنتجعات يعني ماراح
تطلع منها بس هالمنتجعات روعه وخاصة "زوري " مع إني ماسكنت فيه بس شفت صوورره روعه بس
ترراه غالي بس يستاهل أنا سكنت بوواحد أرخص وبعد روعه على فكرره كيرلا فنادقه ومنتجعاته روعه
ماودك تطلع منهن ... وألبي قريه صغيره فيها منتجعات أنا سكنت " بلاك بلس " حلوو وفيه مراري بيتش
وأهم شي لاتنسى تسكن يوم أو يومين بمنطقة شلالات آثربللي بفندق " رين فورست " موقع الفندق روعه
ومسكت وهو بمنطقه تبعد عن كوتشي تقريبآ ساعه أما كوتشي ماتستاهل القعده زحمه وأسواقه صغيره فيها مجمع كبير حلوو فيه مطاعم كثيره بس نسيت إسمه
يعطيك العافيه ياروحي وكثر الله من امثالك . بس انا ابطلع مدن ثانيه غير كيرلا يعني مواعد هنود وواجد الي يشتغلون عندنا هنا يعني ابخليه يلفون بي الهند
بس فيه سؤال يا(روحي ) العمله كيف انا ضعيف في العمله اتبهذل الصراحه دايم انزرف
وهل اصرف دولار ولا اخلي الصرف في الهند لانهم قالو الي خوياي الهنود تعال عندنا صرافه تبعهم
