نبدا من الاخير وهو الاهم
الله يحفظك المسافات بعيده جدا جدا
من براغ الى زيلامسي بحدود 500 كيلو .. ومن زيلامسي الى باريس اكثر من الف كيلو ..
راايي اتغير الجدول ما ينفع حتى لو تنقلات بالقطار ر اح تحتاج وقت طويل وسعر مرتفع حتى تربط المدن مع بعض .. مع تفير قطارات بالغالب
تحياتي

معليش انا اصلا غيرت باريس بميونح .. وبعد ميونخ حوالي 100 كيلو من زيلامسي
لكن كيف اروح من براغ الى زيلامسي
..
واجب عن الاسئلة الثانية اذا سمحت اخوي

مرحبا اخوي
التنقل من براغ الى زيلامسي يكون بالقطار اوالسياره
الانتقال من براغ الى فيينا من محطة Praha-Holesovice الى محطة قطارات فيينا الجنوبية Sud`Bahnhof والمسافة من 4 ساعات وثلث الى 5 ساعات حسب مسار وجدول القطار ثم بالقطار الى زيلامسي من 4 ساعات ونصف الى 5 ساعات بعد تغيير القطار في محطة سالزبورغ
اوبالطائرة من براغ الى مطار ميونيخ وتستاجر سياره ثم الى زيلامسي
لوحبيت بالطائره بيكون طيران داخلي
((من براغ الى ميونخ )) ثم استأجروا سياره لزيلامسي وسلموها في ميونخ ثم-(( من ميونخ الى باريس ))
فندق سي فيلا مطل عالبحيره
وهذي موسوعه تعرف الاماكن السياحيه وغيرها
الموسوعة الأوروبية ... https://artravelers.com/p/re/200143 ‏

اشكرك على الرد والتفصيل في الاجابة ...
لكن عندي سؤال هل ممكن اختصرها واروح من براغ الى ميونخ بالقطار لانهم مب بعيدن عن بعض واستاجر سيارة واسلمها اذا رجعت لميونخ واجلس فيها يومين والغي باريس .. وش رايك ؟

العفو اخوي
نعم تقدر تغير المحطه بدل فينا تختار ميونخ وتستاجر السياره وتذهب لزيلامسي وتسلمها عند الرجوع
ممكن تاريخ السفر
وعدد الايام
وهل بالامكان تغيير الخطوط ام لا؟؟
لان ممكن تختار خطوط تطلع مباشره الى براغ منها الاماراتيه وغيرها
فاختار الوصول براغ والعوده ميونخ

الخطوط الفرنسية الذهاب الى براغ والعودة من ميونخ
خط السير راح يكون كذا -- براغ (4 ايام) -- زيلامسي أو كابرون (4 ايام) -- ميونخ (يومين)
في براغ مثل ما قلت الفندق ( Rezidence Lundborg في منطقة old town )
في زيلامسي (Hotel Sonnblick أو Hotel Latini) والله مدري انا شفت البوابة يمدحون جراند و سي فيلا لكن كلها مليانه ووش رايك في احد الفندقين ؟
في ميونخ ما اعرف عنها اي شي وودي بفندق فخم وموب مشكلة لو كان غالي شوي لازم نختمها بخير .. بس
الاماكن السياحية اللي ممكن اروح لها في زيلامسي ..
1- قمة جبل كابرون (هل فيه ثلج في الصيف !!!!!؟) لاني اقرى تزلج وما ادري ايش
2- الزحليقة الصيفية والترفليك
3- flug platz
4- حول البحيرة والقوارب الكهربائية
انا عندي سؤال مهم هل كل وحده من اللي ذكرت بتاخذ يوم كامل ؟؟ لان ودي امر على كل الاماكن ولا يفوتني شي فإذا عندك برنامج مقترح ويشمل الاشياء المهمة اكون شاكر لك ..

السفر والترحال
اولا : :
لم تذكر تاريخ الوصول والعوده...
عشسان لو حبيت اشوف لك حجز متوفر
اذا رحلتكم بالصيف راح تكون النشاطات كثيره
تقدر تروح لكذا مكان في يوم واحد
مثلا الصباح التلفريك القمه الثلجيه وبعد ماترجعون وترتاحون شوي تطلعون الساعه 6 م الى البحيره
اليوم الثاني تتجهون الى الزحليقه الصيفيه بسالفدين وتروحون بعدها الى سنتر زيلامسي لو وافق يوم اربعاء فيه احتفالات كل يوم اربعاء
اليوم الثالث قبل الظهر حوالي 10 ص تقريبا تتجهون الى الطيران الشراعي وبعدها ركوب قارب في بحيرة زيلامسي
اذا انتم من هواة الشلالاات والصعود الى الاعلى والنزول عندك شلالات كريمل
تقدر تطلع الى قرى صغيره حولها وتكتشفون المنطقه
طبعا في ميونخ
فيه فنادق فخمه لي مريديان السوفتيل ميركور وغيرهاا كثير لكن ماعرفت متى تاريخ السفر
لاتنسى تكتبه ...
عشان نشوف الفنادق هل هي محجوزه بوقتكم اولا

شكرا على الرد .. نسيت والله اذكر التاريخ
من 216 الى 246 في براغ
من 246 الى 286 في زيلامسي
من 286 الى 306 في ميونخ
(ميلادي طبعا)
وممكن ازيد اذا فيه شي يحمس .. يعني احس ميونخ شوية .. ممكن ازيدها او تكفي ؟
في سؤال عن القطار انا دخلت موقع http://www.raileurope-gcc.com ومالقيت اي رحلة من براغ الى ميونخ بالتاريخ اللي ابي .. لكن اذا بحثت في شهر 5 او 4 القى .. ما ادري ليش ؟؟

انصحك بالطياره لانها اسهل وانتم 3 شباب والقطار متعب وعشان كسب الوقت واعتقد انها نفس القيمه
دامكم شباب زيد ليله في ميونخ ..
اذا تفضلون الريف زيدليله لكابرون واما اذا ماتحب الريف يكفيها 4ليال
يصير براغ 3ليال
ميونخ وصول فقط واستئجار السياره
والاتجاه لكابرون والاقامه فيها 5ليال