تكون في الخبر او الظهران

هلا اختي
شقه مفروشه نظيفه وبها السعر مستحيل تحصلون

ايطاليه مشكوره على الرد السريع بس احبطتيني
طيب اذا مو مفروشه نلاقي ماعندي مشكله الله يعيننا ناثث

كم راح تقعدون في الشرقيه تقريبا
اذا الفتره طويله احسن لكم تاخذون شقه عاديه مو مفروشه لان المفروشه اذا جا الموسم يدبلون السعر عليكم ويحاسبونكم باليوم مثل الاجازات والاعياد
بالنسبه لاسعار الشقق العاديه ماعندي خلفيه بس اتوقع انها نزلت الان شوي لانها عندنا بالرياض نزلت

السلام عليكم
بالبركه والله يعينك واظن جاوبناك من قبل واعتقد انه مستحيل حتي بدون اثاث تحصلون
بهالسعر الا يمكن مثل ماقلتي غرفتين وصاله غير مؤثثه وعموما إن شاء الله تحصلون واللي عنده مكتب
عقار بالخبر إن شاء الله يفيدك اما اللي اعرف بالدمام وبأحياء عاديه الاسبوع الماضي واحد
من الزملاء استأجر شقه طبعا غير مفروشه وغير جديده ثلاث غرف نوم ومجلس رجال ودورتين
مياه ب 26 الف بعد الطلايب ووالله ماودي اعقد عليك الامور ولكن لكي لاتنصدموا من الغلاء
المستمر خاصه في العقارات والله يعين الجميع وممكن تحصلون في الثقبه بس ماعتقد بتعجبكم
والله يعينا ويعينكم وإن شاء الله تجدون ماتتمنوا وشكرا 0000

هلا أختي أمل ,, أولا مبروك النقل للخبر .. وأن شاءالله يكون فيه خير لكم .. وراح تنور الخبر فيكم ..
بالنسبه للسكن صعبه تحصلين شقه مفروشه بالسعر .. ووين في الخبر ؟؟ مستحيل ..
بالسعر هذا ممكن تحصلون ستوديو .. غرفه وصاله ... ؟؟ ما أتوقع تحصلون شقه أقل من 2500 - 3000
عموما بالتوفيق ..
تحياتي لك

للأسف حتى 1800 ريال لم نجد شقق عزاب مؤثثة ونظيفة حتى في الثقبة ... فما بالك للعوائل ..
أقل من 3000 لا تفكري في الموضوع .. هذا طبعا مع قدومكم في شهر 8 وهو شهر صيف وأسعار الشقق مدبلة ..
اذا راح تسكنوا على طول في الشرقية فالأفضل انكم تسكنوا على طول في شقة عادية وهي كمان غالية لكن في الثقبة ممكن تلاقوا بأسعار معقولة .. المهم في الشقة غرفة النوم ومكيف وثلاجة والباقي يستنى ,, والله يعينكم ..

والله العظيم احبا اط
طيب ليش ؟؟
0مصيبه ولا 3000 والله لو يدري زوجي يوقف قلبه احنا فالقريه هذي مستاجرين ب800 ونقول غالي
الله يخليكم عطوني امل انا بسكن فالشرقيه على طول ومو لازم الخبر الظهران مو مشكله
ردولي خبر استنى بصيص امل

السلام عليكم
الله يعينكم ولا فيه إن شاء الله شي مستحيل وأعتقد انتي استشرتي من قبل كم شهر وقلنا
لك هالكلام وانا اذكره بس انتي كنتي مصره علي النقل وانتي اعرف بظروفكم وظروف زوجك
فالمفروض انكم ماتصابون بالاحباط لأن عندكم فكره من قبل بس شكلك اخذتي الكلام الاول
علي انه كلام منتديات ولا هو بثقه ولكن دام طلع النقل وحصل ماحصل فانا اشوف ان زوجك يجي
الشرقيه قبل ماياخذ إخلاء طرف وينهي إجرائات النقل ويشوف كيف الوضع هنا بنفسه ويتأكد
إذا كان يقدر او لا وبعدها يقرر هل يكمل النقل او يلغيه ,,,, ادري انك ماصدقتي انه جا النقل وصعبه
إلغائه ولكني صدقيني إلغاء النقل والعيشه بالقريه اللي انتوا فيها ابرك من العيشه بمكان ماتستطعيون
العيش فيه حسب إمكانياتكم وانتي المفروض تكونين عون لزوجك وتصبيرن وتحتسبين افضل من
انه ينصدم وتنقلب حياتكم الي نكد ولا عاد يحتمل العيشه في مثل هالظروف والله يعينكم اهم
شي عدم الاستعجال يجي ويشيك ويحسب حساباته وبعدها يقرر وأنا آسف علي كلامي ولكن
والله اني ماقلته الا من حرصي يشهد الله علي ولا ودي لكم الا بكل زين والله اعلم 000