Tito Rabab
28-11-2022 - 05:09 pm
قصتي باختصار انه انا خريجه ماستر لغويات من جامعة عربية وطلعت الاولى : (
عم بشتغل بجامعة سعودية ك مُحاضِره وباخد راتب والحمد لله منيح لأعيش
بس مش لأكمل الدكتوراه !!: (
بدي اكمل الدكتوراه -حلم حياتي- في بريطانيا..
انا مش متل السعوديين الله فاتحها عليهم بمليكهم يلي بدفعلهم اقساطهم الجامعيه في اوروبا..
انا معتّره :' (
جبت بامتحانات اللغه الانجليزية علامات عاليه
التوفل :600 -الWritten
الآيلتس :7.5
وكنت مس انجليزي لخمس سنوات وهيني عم بكمل تدريس بالسعوديه ..لعل وعسى اقدر احط اول قسط جامعي في احدى الجامعات..
طبعا انا شروط الجامعات البريطانية للقبول ،فيكم تقولوا 90-95% مقبوله فيهم..
بس صدقا وضعي المادي صعب جدا لأغامر بالمبلغ يلي معي لأطلع بريطانيا وانا ما بعرف شو رح احتاج و ع شو رح اضطر..
مين فيكم بيعرف جهات تمويليه للدراسات العليا..
والله انا بنت شطوره وما بفشّل وكل علاماتي فوق ال85 بالماستر،والبكالوريوس فوق ال90 ..
يعني طول عمري من الاوائل وع لوحة الشرف..
بس هالدنيا مش قابله تضحكلي بالدكتوراه ابداً..
بعرف طولت عليكم،بس من قهري انا واختي واحنا عم بنفكر بحدّ يمولنا (طبعا اختي شطوره متلي بس ترجمه)
موضوعي جدّي جداً.. ويمكن الواحد ع قد ما شاف خلق وعالم كملت دكتوراه -ومش قصه ما بتستاهل- بس يعني مش احسن منا بشي!! :'(
بترجى اي حد بيعرف ناس من وجوه الخير لأكمل دراستي- تحرم علي الفلوس لو ع حالي..بس الاقساط الجامعيه..
و إله عليّ اجيبها من ال3 الاوائل حتى لو الجامعه كامبردج..
طبعا يلي بدو يفكرني بشحت،يفكّر..
بس بدعي :الله لا يعيزكم تكونوا بدكم تحققوا حلم بحياتكم "أكاديمي"..ومش عقلك يلي مش مساعدك..بس ظروفك الصعبه..
مشكورين..
الدراسة في بريطانيا
وادعو الله ان يوفقكم ويسدد خطاكمالامر اختي الكريمة يرجع للجامعات نفسها ، بمعنى ان اغلب المنح تكون من تلك الجامعات
فلو راسلتم الجامعات واستفسرتم عن ذلك ..
داعياً الله ان يوفقكم