هلا فيك اختي
تخطيطك مثل تخطيطي انا راح تكون رحلتي 14 يوم يومين باريس والباقي في سويسرا (الرياض- باريس - جنيف - الراض )
نفس الشي في جولاي كمان شخصين وطفلين قصيت التذاكر الشخص 3400 والطفل 2600 على الخطوط السعوديه
انا انصحك من الحين تقصينها والله يكتب اللي فيه الخير لو صار شي لاسمح الله لاترد التذاكر ولا يخصمون منها راح تروح
عليك
حتى السكن من الحين احجزي انا راح اختار شقق لان فنادق اروربا غرفها صغيره وماراح يسمحون الا لطفل واحد بس
عشان كيذا احجزي شقه افضل لك وبالنسبه للسويس باس في نوع ناخذينه نصحني فيه ابوعزيز الله يجزاه خير
وهو سويس سيفر باس هو الانسب ممكن تاخذينه من هنا مع كتيب الرحلات بالنسبه لمكاتب جده مااعرف عنها شي
ان شاء الله ابوعزيز يفيدك فيها

تبعد باريس عن سويسرا 4ساعات تقريبا الى خمس ساعات بالقطار والله يسهل لك امورك

أولاً مرحبا النسمه ..........
بالنسبة لاتقسم مناسب جدا ً ....
بالناسبة للحجز المكاتب أرخص بكثير من النت .......
بالنسبة للتذاكر على الخطوط السعودية ( دايركت ) من الرياض في شهر فبراير 2990وفي تذاكر 1850 غير مسترجعه
بالنسبة للسكن الهوتيل قريب من الخدمات والشقق أفضل وأرخص للعوائل
السويس باص داخل سويسرا فقط ...
أول ما تصلين إلى جنيف في محطة القيطار في قص التذاكر أحسن من جدة لإضافة العروض الأكثر ( ربعنا !!!!!! )
أرجوا الحرص على السويس باس فيه مميزات حلوه
موفقين

اهلاً بالعزيزه الريم اشكرك على مبادرتك في الرد
وخلاص ضمي صوتي لصوتك لين نركب الطياره ههه
بصراحة شئ رائع اني الاقي احد يخطط تقريباً نفس تخطيطي وراح نكون متواصلين على طول ان شاء الله
ياعزيزتي اليوم اتصلت على الخطوط القطرية وبصراحة ماعجبني سعرهم الكبير 3632 والصغير 2882 بدون سعر الفندق في قطر لانه الرحله ترانزيت وفيها مبيت في الذهاب والعوده .
سعر الخطوط افضل بس ابي اسأل هل اشتريتيها التذاكر من مكتب سياحي ولا من الخطوط نفسها.
على فكره الخطوط القطرية في حال ترجيع التذكره راح ينخصم منها 190 ريال على كل تذكره فقط .

مشكور اخوي عزيز حمد على ردك
كثير يقولولي المكاتب اغلى من النت والله محتاره بس انت طمنتني بكلامك وراح اسأل واشوف الاسعار وفي الأخير لازم استشارتكم ويعطيكم العافية جميعاً

اهلين اختي
انا بعد انشاالله مسافره مع اهلي بجولاي انشاالله ,, وتقريبا مثلك 21 يوم .. بالنسبه للتقسيم انا بعد سويت كذا اسبوع لباريس والباقي لسويسرا ..
بالنسبه للتذاكر ابوي الله يطول بعمره يبي يحجزها على السعوديه احسن لانها دايركت جده - باريس ..
وبالنسبه للفنادق والله اختي حسب ميزانيتكم و حسب رغبتكم يعني لو حابين في الشانزلزيه بتكون الشقق والفنادق غاليه نسبيا ,, اما اذا تحبون الهدوء ممكن تبعدون عن هالمنطقه الصاخبه .. يعني في مناطق كثيره ومنها اللادفانس ..
وبالنسبه للمسافه بين باريس وجنيف اعتقد تبعد 4 -5 ساعات بالقطار ومارح تحسون فيها من المناظر الحلوه والطبيعه الي تفتح النفس ..
عموما انشاالله اكون ساعدتك ولو بشىء بسيط من اللي اعرفه ,, وانشاالله الاخوان مابيقصرون
دعواتك لنا

اهلين staylish girl
راح نكون رابطة المسافرين لسويسرا لعام 2009 ههه
الله يعطيكي العافيه على ردك وانا اليوم اتصلت على الخطوط السعوديه ولقيت سعر التذكره 3029 ريال (تخيلي) بس المشكله ان هذي التذاكر لانها مخفضة مايسترجع المبلغ في حال حصلت ظروف (بصراحة الواحد يخاف يشتري التذاكر ويتورط)
عندي سؤال راح تسكني في الدزني ؟ ووين حجزتي فنادق في باريس ممكن تعطيني فكرة واكون شاكره لك

مره ثانية النسمه .......... موضوع حجز الفنادق اقرب مثال العام الماضي في شهر سبعة شيكت على احد المواقع عن نوفتيل جينف لقيته 1250 وخذته من مكتب ( تناتا ) 1050 فرق 200 في سبوع يعني 1400
مثال بسيط

1. النسمه


2. بجاوب من تجربتي عن الي اعرفه

النسمه

بجاوب من تجربتي عن الي اعرفه

1- مادري انتي وش تفضلين لكن اسبوع احس كثير على باريس وبما ان معاك اطفال اقترح انك تروحين على دزني على طول وتسكنين هناك لأنها حلوه بجد لاسكن ولامنظر ولا وناسه وفوق هذا مايكفيها يوم لازم يومين عشان يمديكم وممكن تطلعين بنفس اليوم من دزني الى باريس وتتفرجين عليها وترجعين لان مسافة تقريبا 10 دقائق والقطار جدا سهل بالنسبه لي اهم شي في باريس كان متحف اللوف وقصر فرساي ماتنتفوت صحيح فيه معالم حلوه وهاذي ممكن تدورين عليها بيوم واحد بالباص او انك تقسمين المده وتخلينها 3 ايام باريس و2يومين دزني اما المناظر الثانيه من حدائق او رحلات في النهر لاتضيعين وقتك فيها وخليها لسويسرا لان حسب ماشفت ماتستاهل
2-حجز النت جدا جدا سهل وانا جربته وآمن حتى اني مره من المرات حجزت وكنسلت وعادي لم يؤخذ مني المبلغ لأن يحددون لك مده الكنسل متى وهي تكون في العاده قبل الرحله بيوم والمواقع الي تعاملت معاها وحبيتها https://www.booking.com
وفيه موقع رائع جدا فيه كل الي تبغين من الى ومن الميزات الي فيه أن هذا الموقع تكتبين فيه المدينه والاوتيل وقت الوصول والمغادره بعدين يعمل لك بحث في المواقع الي متوفره بعدها تقدرين تقارينين بين سعر موقع وموقع ثاني الي هو هذا http://www.tripadvisor.com/
واعتقد ايضا من المواقع الموثوقه هوتيلز بس ماجربته لاني دايم كل ماجيت احجز الاشياء الي ابغاها غير متوفره مسألة ارخص او اغلى بالنسبه لي قارنت لقيت النت ارخص بكثير والمكاتب الي كنت اسأل فيها هي الصرح والطيار فقط ماجربت مكاتب ثانيه
3- شراء التذاكر سمعت مثل ماسمعتي لكن مادري انا سبق وشريتها بدري مافرقت نفسها
4-والله انا ماجربت شقق لكن اشوف صور لشقق هنا رائعه خصوصا ان الاوتيلات في اوروبا غرفها صغيره والي غرفها واسعه تنعد عالاصابع