يا هلا الغالي , نتمنى لك سفر سعيد
اذا رحلتك كانت الساعة 1 يعني لابد من أنك تكون بالمطار الساعة 11 , وتحسباً لأي ازدحام بالجسر انا انصحك تطلع من الدمام الساعة 8 مساء , يكون على الأقل الساعة 10 انت في البحرين , وتضمن وجودك في المطار الساعة 11 ,
وبالنسبة للوصف , خذ الوصف في ال الأول هو الأسهل والأيسر
والأوضاع في البحرين تمام التمام الحمدلله كما عهدتها أيام قبل وكل شي سالك وماشي على حسب الأصول ,
بالنسبة لمواقف السياراة تكلفك تقريباً في اليوم الواحد 6 دينار أي ما يعادل 60 ريال وهالكلام للمواقف العامة يعني بيطلع عليك كثير لمدة 15 يوم ,
ولكن طيران الخليج وهو الناقل الرسمي لمملكة البحرين يوفر مواقف سيارات لزباينه من السعودية وهالكلام سمعناه من أكثر من شخص بالمنتدى أتمنى إنك تستفسر منهم فالمعروف أن طيران الخليج يوفر مواقف للسيارات في مطار البحرين
وأتمنى انك تقضي أوقات سعيدة

احذر من مواقف المطار...
خليت سيارتي هناك 9 ايام وكلفتنى اكثر من 1000 ريال... الموضوع موجود فى ارشيف ممكلة البحرين...اطلع عليه للفائده

بالضبط يا أخوي الموادع انت خليتها في المواقف العامة وهذي كانت غير مقصودة منك لأن المواقف العامة تحسب لك على الساعة . أمسحها في وجيهنا وان شاء الله المرات القادمة تنسق مع طيران الخليج لكي تقف في المواقف الخاصة بها

الله يسعد أيامك أخوي ديسكوفري
وشكرا ً على ردك يابطل ..
بإنتظار رد من لهم خبرة
بطيران الخليج ومواقفه
وهل هي آمنة
لان مدة بقاء سيارتي بالمطار
طويلة ..
discover bahrain
.
.
.
.
الموادع أخوي
الظاهر أنت وقفت بمواقف المطار
اللي برسم مالي ..
ليت أحد يعطينا العلم الاكيد ..

discover bahrain
ولايهمك يا استاذى.... كل دقه بتعليمه
لكنى لا اسافر على طيران الخليج ولن يعطينى كوبون موقف وانا لست من زبائنه.

طيران الخليج و اغلب مكاتب السياحة و السفر توفر مواقف مجانية في الجهة المقابلة لbas او حتى المواقف الي بجانب باس و انا وقفت فيها ما لا يقل عن 10 مرات و كل مرة كانت رحلة طويلة
ارجع لمكتب الطيران و اطلب منه مواقف مجانية و يعطيك كبون تعطيه بوابة الامن للموقف و مكان الموقف يكون مرسوم خلف الكبون
المواقف جدا جدا امنه و سيارات يصل اسعارها لمليون حتى توقف هناك عادي الوضع جدا امن
التواجد بالمطار يكون قبل الرحلة بساعتين لانها دولية و نفترض مثلا تطلع قبل الرحلة بخمس ساعات توصل البحرين و عندك 3 ساعات تتعشى فيها او تجلس اي مكان و بعدها تتوجه بدري للمطار
طريق المطار ابدا ما يضيع ابدا
ادخل البحرين سيدا لا يمين لا يسار توصل للمطار ... هذا الوصف يضيع كثير بسببه الطريق بس انا متعود اوصف لاي احد يسألني و فعلا كلهم يوصلون
بالنسبة للاستفسار ترى اغلب الطيرانات توفر مواقف مجانية و انا قد جربت اكثر من شركة طيران و برضه كنت اخذ مواقف كله يعتمد على مكتب السياحة الي حاجز منه هل عندهم كوبونات ام لا
لما توقف خذ اغراضك و توجه قريب من بوابة الامن يجي باص صغير يوصلك لصالة المطار او انك تمشي من المواقف و تخترق المواقف العامة لتصل الى المطار و انا من حماسي كنت دائما امشي بشنطي اما في العودة رجولي ما تشيلني ارجع السيارة لاني اصلا اكون كاره العودة
المطار و ان كان صغير جدا لكنه اكثر من رائع و يضيع الوقت في بسرعة و جميل جدا و رايق و فعلا تشكر البحرين عن هالمطار الي يرد الروح عكس مطار الدمام " الملك فهد " يجيب الضغط اقسم بالله لما كنت اسافر رحلة دولية منه كنت احس بخنقة من كثر الهدوء و الفضاوة القاتلة فيه لا مطاعم لا اسواق و لا شي انت و الشنطة راس براس

حياة التميز ألف شكر على المشاركة القيمة والمتميزة ,
أخوي الموادع كوبون المواقف الخاصة ما يعطونك إياه إلا إذا طلبته حسب ما سمعت لأني ما جربته بحكم وجودي في البحرين بس أعتقد أنك مع الحجز لابد تطلب من المكتب يزودك بإيصال التوقف في المواقف الخاصة بمسافري طيران الخليج ,

من بعد إذن صاحب الموضوع بغيت فقط أستفسر عن النقطة هذي
discover bahrain
طيب مافي حل غير هذا ؟ هل يوجد مواقف أخرى ؟ وبانسبة لمسافرين عن طريق الخطوط الإماراتية مالهم مواقف خاصة ؟ الف شكر لك

والله أخوي أنصحك تتأكد من مكتب الشركة بصراحة كل شركة تختلف عن غيرها ولكن الأكيد أن طيران الخليج هو الناقل البحريني الرسمي فلذلك المواقف لمسافريه تتوفر بمطار البحرين , طيران الإمارات الناقل الرسمي لمطار دبي ,