السلام عليكم ورحمة الله وبركاته
بصراحة أنا أول مرة أحجز عن طريق بوكينق وحجزت الفنادق ببطاقة الأهلي مسبقة الدفع وبصراحة متخوف لأن البطاقة مافيها ولا شي يعني ماشحنتها وأخاف أتوهق أروح هناك يلغون الحجز علي وخصوصا إن معي أطفالي وش السواة الآن هل أقوم بشحنها بمبلغ الفنادق كامل ولما أروح هناك أدفع بفيزا الراجحي والا كيف أتمنى تفيدوني وهم هل ياخذوا منها بعدين لما أوصل أو فقط يعلقوا المبلغ
ثانيا عندي استفسار عن فندق كروز اللي في انترلاكن انا حاجز فيه وحاجز في الدورنت في بيتنبيرق وش تنصحوني فيه
https://www.booking.com/hotel/ch/weisses-kreuz-interlaken.en-gb.html?aid=1300939
يعتمد اخوي الموضوع على نوع الحجز لكل فندق
لابد ان تقرا سياسة الفندق لكل حجز وتعرف متى يتم الخصم
فمثل تجد فنادق تخصم المبلغ قبل موعد السكن ب24 ساعة وبعضها وقت الوصول
لذا وحتى تكون في الجانب الآمن عليك بشحن البطاقة بمجموع مبالغ الحجز وتضيف لها مبلغ مقطوع
المبلغ المقطوع مهم لان معظم الفنادق تقوم بحجز مبالغ تأمين يتم استردادها في يوم المغادرة
فمثلا لو كان اجمالي المبلغ للحجوزات 12 الف ريال فوقتها ضع 8 الاف مبلغ اضافي
فندق كروز في وسط انترلاكن غرفه قديمة وحارة في الصيف على عكس الثاني اللي موجود في قرية جبلية 15 دقيقة على بحيرة تون سي وهو فندق رائع خاصة لو معك سيارة
فندق كروز مناسب للي ما معاه سيارة لانه قريب من محطة انترلاكن الغربية وتحته مطعمهم الايطالي المشهور
وبالتوفيق