وعليكم السلام
انا سافرت السنه الي طافت بنفس هالموعد الي تبيه بالضبط لمده 10 ليالي وكان عددنا 3 اشخاص كبار
وميزانيتنا كانت ضعيفه جدا والحمدلله ما واجهنا اي نقص مادي بس لازم تتنازلون عن الفنادق الفاخره والتسوق يكون خفيف
مع العلم ان ميزانيتنا كانت تقريبا ثلثين ميزانيتكم بس
وسريلانكا والواحد يروحلها وهو مرتاح تصلح لكل شيء وامنه والشعب ودود
والخطوط السريلانكيه كلهم يمدحونها وسعرها رخيص وانا بسافر عليها بعد 4 ايام واي ملاحظات بحطها لكم ان شاء الله
وبرايي لنقص الميزانيه سريلانكا هي الخيار الافضل لرخص البلد

شاكرة ومقدرة اخوي
ظيب لو بروحها ماهي المناطق الجيدة
والتنقل بين المناطق بر ولا جو
ارجو افادتي
ببرنامج مريح شامل اسماء الفنادق والاسعار
ولك دعوة في الثلث الاخير من الليل

باكيج 10 ليالي :
ليلتين كاندي فندق هوناس فولز
ليلتين كاندي فندق تيلانكا او سويس هوتيل
3 ليالي شاليهات الجوفيرنورز
ليلتين بنتوته فندق ايدن
ليله كولومبو فندق سافاير هوتيل
واذا تبون الرحله اسبوعين :
تخلون اول يوم بنوقومبو للراحه فندق ذا دولفين وتضيفون يوم على كل مدينه
ولا تنسينا من الدعاء
واحنا بالخدمه لأي استفسار

شكرا وربي يسعدك دنيا واخرة
بس سؤالي هذي المناطق بعيدة عن بعض
احس الرحلة كذا فيها تنقلات كثيرة
وانا معي طفلين 7سنوات و5سنوات

سعر الخطوط السيريلانكية تقريبا نفس السعودية
انا ابغاها دايركت فمالي الا هذي الخطوط
ايهما افضل

من المطار الى نوقومبو 45 دقيقه تقريبا
من نوقومبو الى كاندي 3 ساعات ونص تقريبا
من كاندي الى نوراليا ساعتين ونص الى 3 ساعات تقريبا
من نوراليا الى بنتوته 7 ساعات تقريبا
من بنتوته الى كولومبو ساعه ونص الى ساعتين تقريبا
وهذا هو احسن خط رحله ولا تشيلون هم الاوقات لان الطريق بيكون فيه توقفات والمناظر الجميله محيطه بكم بكل مكان يعني ما تحسون بالوقت
والطيران اذا كان نفس السعر اخذوا السعوديه لانها دايركت اريح
مع العلم ان الخدمه بالطيران السعودي مذمومه حالها حال الكويتيه بس السريلانكيه الكثير يمدحونها والراي لكم

واحب اضيف ان المدن هاذي صغيره لا تتخيلون انها كبيره
وكل مدينه 3 ايام تكون كافيه لها وتكونون غطيتوا كل الاماكن السياحيه الي فيها
الا نوراليا بالرغم من انها اصغر مدينه لكن ما تكفيها 3 ايام لانها نظامها اوروبي قديم وبارده طول العام

اتفق مع اخوي بن فطفوطة تماما
ولكن احب اضيف ان الخطوط السعوديه افضل واحتمال يرقونكم الى درجه اعلى اذا كانت الطائره فاضيه, انا استخدمت نقاط الفرسان في الترقيه لدرجة الاعمال ورقوا مقعد المدام مباشره ومجانا وبدون ما اكلم احد.

ربي يجزاك خير اخوي ابن فطفوطة
المبقع توي قبل اقل من شهر كنت برحلة لباريس ولندن وكانت الرحلة على الخطوط السعودية
جدة باريس والله طلعونا بطيارة ماتصلح بين جدة والمدينة
صغيرة جدا جدا ولا فيها شاشات خاصة رحلة مخيفه وممله صراحة