هلا اختي
ماعندهم مدرسة عندهم مركز التعلم الوطنى للقيادة
تقدرين تطلبين رقمهم
وتاخذين معلوماتهم وطريقة التواصل معهم وبيكون هناك مدربين او مدربات تتفقون معهم على تعلم القيادة

وعليكم السلام
أختي مافي مراكز لتدريب السياقة في البحرين بس في مدربين ومدربات يعملون لحسابهم الخاص... بس يكون التدريب في مركز تدريب السياقة التابع لادارة المرور الترخيص الموجود في المنطقة الواقعه ما بين الرفاع وعالي وبعد ما يتدرب المتدرب جم ساعة يخليه المدرب يسوق السيارة خارج المركز ويكون التدريب ما بين داخل المركز وخارجه... لأن امتحان السياقة يكون جزء منه داخل المركز والجزء الثاني خارج المركز ...
انا ما اعرف الشروط لشخص من خارج البحرين بس اعتقد هي نفسها لأن الخليجي يعامل معاملة البحريني (الله يحفظ دول الخليج كلها ويحفظ السعودية العزيزة ع قلوب البحرينيين)، الشروط:

• يكون العمر 18 سنة فما فوق
• يجتاز فحص النظر لتحديد نوع السياقة بنظارة أو بدون
• يحضر المحاضرة الارشادية (اجبارية)
• يجتاز ما لايقل عن 20 ساعة تدريب ع ما اعتقد
• بعدها يتقدم لحجز موعد لامتحان السياقة

وياريت تزورين موقعهم ع الانترنت أو تتصلين ع الرقم الموجود فيه عشان يفيدونك اكثر بالمطلوب

بعد ماتطلعين الرخصه البحرينيه تروحين لمكاتب السفر السياحيه ويطلعون لك الرخصه الدوليه .. طبعا الوكيل في السعوديه هو سافكو اتوقع نفسه حق النقل الجماعي بس انا مطلعها من النت ارخص ومدة اطول

كيف من النت ؟ ممكن تفيدني بالموقع