نصيحة : اخذ ربع الميزانية المخصصة للرحلة نقدا وممكن ادخال اى مبلغ بالمطار بشرط اذا تجاوز المبلغ
العشرة الاف دولار يجب ذكر المبلغ فى ورقة الجمارك اللى يتم تعبئتها بالطيارة .
بالامكان استخدام بطاقات السحب الالى ويوجد حد اقصى لليوم حوالى 500 دولار( بعض المكاين اقل) وتحسب رسوم (حوالى 3 $) على كل عملية سحب
طبعا البطاقات الائئتمانية visa - master ضرورية جدا للحجوزات وللدفع للطيران والفنادق والسيارة وبالامكان استخدامهم فى المطاعم والمحلات وكل شى تقريبا

عليكم السلآم
خذ معك فيزا أو ماستر مسبقة الدفع وأشحنها بالمبلغ اللي تحتاجه
وإذا أنتهى رصيدها أشحنها من جديد من حسابك البنكي بالأنترنت أو بالهاتف المصرفي وهكذا ..
أو أسحب من بطاقة البنك العادية ، وياخذون عمولة لكل سحبة كاش من الصراف الآلي سواءً للفيزا أو بطاقة البنك العادية
وترى الفيزا والماستر مهمة للحجوزات ..
وأيضاً يمكن تحتاج للكاش ،،

بالامكان استخدام بطاقة الصراف العاديه ( ليست الفيزا ) في عمليات نقاط بيع ( في المحلات للتسوق والمطاعم وخلافه )
وبكل تأكيد بطاقة الفيزا ضروريه أيضا !
بالتوفيق ,,,

Azziz و بورمث ,, شكرا على مروركم ,,
و بالتاكيد انا راح اخذ الفيزا معايه عشان ادفع منها للفنادق و السياره ,,
و راح اخذ مبلغ كاش يتوزع بيني و بين زوجي ,,
بس سؤالي اللي كنت قاصدته فهمه الاخ كاكاشي و جاوبني عليه بكل وضوح ,,
لان السوق يحتاج مبلغ جامد شوية بالذات الاوت لت فالافضل ببطاقة الصراف احاسب يخفف عليه حمل الكاش
و لكم جزيل الشكر ,,
سؤال ثاني ..
احنا وصولنا الى واشنطن الساعة 2 الظهر ,, ورحلتنا في الصيف ,,
وابغى احجز رحلة داخلية على اورلاندو و لقيت موعد الاقلاع 5 مساء ,,
هل تتوقعون يكفينا الوقت 3 ساعات مابين نزولنا و تسجيل الدخول و بعدين قص البوردنق و التوجه للتفتيش الداخلي ثم لبوابة الاقلاع الى اورلاندو ,,, هل 3 ساعات كفاية ؟؟
انا خايفة لانه صيف يكون زحمة و مايمشي التفتيش بسرعه .. بس احنا مو اول مره نزور امريكا يعني جينا من قبل قصدي ان شاء الله ما نطول في تسجيل الدخول بس خايفه يكون زحمة .. بالنسبة للناس اللي سافروا في الصيف هل يكون الوضع متأزم في المطارات يكون زحمه و مايمشي السرى بسرعه ؟؟؟؟؟
لانه هذا افضل وقت اقلاع لقيته ,, لقيت كمان الساعة 10 مساء بس مره متأخر الوقت

صعب الجواب... ممكن تتاخرون بالوصول الى واشنطن ! وممكن يكون فى ازدحام......
من تجربة بمطار jfk فى نيويورك الصيف الماضى وهو اكبر بكثير من مطار واشنطن ... طلعنا من المطار بخلال نص ساعة !
وممكن كذلك يكون الوقت اكثر من كافى !
حجزوا الساعة 5 واذا ماقدرتوا تلحقون طيروا على الطيارة المتوفرة الى بعدها

خلاص ان شاء الله راح احجز ,, احنا راح نوصل واشنطن الساعة 2 و هيه الرحلة على طيران الانتركونتنتتال ’’ الساعة 5 الاقلاع من iad الى mco ,, ان شاء الله يكفي الوقت نخلص اجراءاتنا و نلحق ع الطياره الثانية ,, اذا راحت علينا الرحلة نقدر نطلع في اي رحلة بعدها بنفس التذكره بدون اي رسوم اضافية او شي ؟؟؟

اذا فى كراسى فاضية للرحلة اللى بعدها اكيد تقدرون.......تدفعون اى مبلغ او لا يعتمد على شروط تذكرتكم الاصلية

يا اخوان ساعدوني بارائكم
ماحجزت من مطار IAD الرحلات منه كلها غاليه ,, فرق كبير بين اسعار التذاكر من مطار دالاس و مطار رونالد
ريغان ,, لقيت رحلة من مطار ريغان ع طيران us airways الساعه 5:50 دقيقه , و احنا وصولنا لمطار دالاس الساعه 2 الظهر ,,
سويت بحث و لقيت انه مطار ريغان يبعد عن مطار دالاس تقريبا 40 دقيقه ,,
ايش رايكم ؟؟ هل يكفي الوقت .. احسبوها معايه
دخولنا المطار الساعه 2 الظهر .. تسجيل الدخول يستغرق ساعه ان شاء الله ما يطول ,, يصير الساعه 3 ناخذ تاكسي الى مطار ريغان 40 دقيقه ,, يعني قبل الساعه 4 نكون هناك
و التفتيش الداخلي نص ساعه ,, يعني 4 ونص احنا في الصالة عند بوابتنا ,,,
هاه .. حسابي صح والا ؟؟؟ انا اعتقد انه مطار ريغان بما انه محلي يعني صغير .. يعني التفتيش مابيكون طابور طويل ..
بس مسافة السياره .. اخاف يكون فيه زحمة او شي ..
والله مني عارفه محتاره ,,
لو فرضا ما وصلنا في الوقت المناسب و قفلت الرحلة ,, هل يطلعونا في الرحلة اللي بعدها والا تروح علينا خلاص ؟؟؟ هل لازم وقت مابحجز التذكره اختار Refundable والا هذي اذا بالغي الرحلة اصلا مو اتأخر ؟؟
افيدوني