هلا بك اختي زهور الريف
1- اصدار الفيزا تكون من السفارة المانيا اذا كان اول محطة نزول لكم في المانيا او احد مدن المانيا مثل ميونخ
2- نعم من السفارة الموجودة في الرياض
3- اذا رحتو اي استديو خبروه بان الصور للسفارة وهو راح يصوركم الصور بالشكل المطلوب المقاس ماني متاكد منه لكن خلفية بيض والزوجة مكشوفة الاذن
والله يكتب لكم السفره انشالله وجعل ربي يسعد ايامكم ,,
تحياتي ,,

زهور الريف1423
من واقع تجربه
1- التاشيره من البلد الذي تجلس فيه اطول مده
2- الصور انا قدمتها 4 * 6 والخلفيه بيضاء وصور النساء مثل صور الجواز ولايلزم اظهار الاذن
3- انا استخرجتها من القنصليه السويسريه بجده ونزلت اولا بمطار ميونخ

بوسارا والمزيد
جزاكم الله خير على سرعة الرد....
معليش استحملوني شوي هذي اول مرة انوي السفر لاوروبا ونفسي تتم السفرة باذن الله
انا اللي فاهمته انه اهم شي في الفيزا انها تكون شنغن من اي سفارة عادي ... !!!
يعني اذا طلعتها مثلا من سويسرا خلاص ماحد بيسألني في ميونيخ مثلا ويقولي ليه ماطلعتيها من المانيا صح ولا لا؟؟؟
وسؤال اخر لأخي المزيد القنصلية السويسرية ماتسألني كم اقامتي في سويسرا؟؟؟ يعني لازم نصف المدة او انها تكون هي المحطة الأولى ؟؟
يعني الان احترت الصراحه من فين اطلعها ؟؟؟ لأنه الرياض مستحيل زوجي يروح الرياض..
وشكله مخطط الرحلة كله بيتغير عشان سفارة النمسا...:112::112:.
على فكرة التذاكر حجزناها خلاص يعني ما اقدر اغير شي فيها (جده - ميونيخ-جده )

اختي زهور الريف انا بالنسبة لي سافرت لالمانيا في سنة 2007 حصلت وياي شويت مشكله في السفاره الالمانيا في ابوظبي كمواصفات للصوره وبعدين بيعطوني بس 16 يوم للفيزا تقريبا فتره السفره ورحت للسفاره الفرنسيه وجبت لهم ورقه وهميه من مكتب سفريات ان توجهي لفرنسا وانا فعليا توجهي لميونخ وحصلت على الفيزا في خلال اسبوع وتنتهي الفيزا مع انتهاء الجواز تقريبا 3سنوات ولما وصلت لميونخ محد سالني من وين مستخرج الفيزا قعدت فيها كم يوم مع استأجار سياره ومن ثم رحنا للنمسا (فيينا و زلامسي) وعقب على سويسرا (جنيف وزيورخ) وعقب رجعنا لالمانيا (فرانكفورت) وسلمنا السياره عندهم وكملنا لباريس بالقطار وسؤالك الاخير كم الاقامه ؟ هو طبعا الافضل انكم تركزون على مكان واحد للاقامه علشان استخراج الفيزا بس مثلا احنا قلنا لما استخرجنا الفيزا من السفاره الفرنسيه اسبوعين فترة اقامتنا ولكن فعليا الاسبوعين هاي غطينا فيها الدول والمدن اللي ذكرتها سابقا.
وانتهت القصه واسف على الاطاله

زهور الريف1423
النقطة الاولى صحيحه اذا حصلتي على تاشيرة الشنقن من بلد وذهبتي لبلد اخر ما احد يسأل .
اما قنصلية سويسرا , فمن ضمن المستندات المقدمه لهم حجوزات السكن ويجب ان يكون واضح فيها ان الاقامه في سويسرا هي الاطول 0
اليك مافعلت انا شخصيا
توزيع رحلتي الحقيقي كالتالي
1- الوصول والمغادره ميونخ
2- النمسا 7 ايام - ايطاليا 3 ايام - فرنسا 5 ايام - سويسرا 5 ايام - المانيا 4 ايام
مافعلته بالحجوزات وقدمته للقنصليه هوالاتي :-
اخفيت حجز ايطاليا وفرنسا وعملت بدلا عنهما حجز وهمي في سويسرا لتصبح مدة سويسرا الاجماليه 13 يوم (من موقع booking )
عندما صدرت التأشيره الغيت الحجز الوهمي وعاد الامر كما كان عليه .
ارجوا ان تكون الصوره وضحت .
فيه حل اخر بزيادة تكلفه ان كان عددكم بسيط . مكاتب الخدمات القنصليه المنتشره تقوم بدلا عنكم بعمل الحجوزات الوهميه وتقديم المستندات للسفارات والحصول على تأشيرة الشنقن (ان شاء الله من قبرص) , فكروا فيها

نصيحتي يااختي زهور الريف لاتطلعينها من سفارة النمسا بيعقدونك
طلعيها من سفارة ايطاليا يخلصونك بسرعه

ما ذكره الاخوان بشكل عام صحيح يمكن استخراجها من السفارة الالمانية او القنصلية السويسريه.
ولابد من ارفاق حجوزات طيران وفنادق لكامل المدة او الفترة الاطول للبلد الذى تستخرج من الفيزا.
ولكن فى حالتكم هذى قدموا على القنصلية السويسريه بنفس تذاكركم (جده-ميونخ-جده) وارفقوا حجوزات فنادق (اول يومين فى ميونخ + 8 ايام بعدها فى سويسرا + اخر يومين ميونخ).
وطبعا احتمال كبير جدا عند وصولكم ميونخ بيسألوكم بطريقة مؤدبة وبدون تأخير (كما حصل معى) وطبعا تجاوبوهم انكم قدمتم على السويسريه لان رحلتكم 4 ايام ميونخ و8 ايام سويسرا (وخلوا معاكم صورلحجوزات الفنادق والتذاكر اللى قدمتوها للقنصليه السويسريه للاثبات فى حالة طلبها).
اقترح عليكم ان يكون الذهاب جده-ميونخ والعودة فينا-جده (لان رحلتكم تتوقف في فينا فى الذهاب والعودة ساعة) وان يكون ايام الرحلة (3-4 ميونخ 2 زيلامسى 2سالزبورج 3 فينا)

ابو مكتوم - المزيد - الديراوية - ابوتولين
اشكركم جميعا على تجاوبكم والله يجعل جزاكم الجنة
طيب خلاص انا قررت اطلعها ان شاء الله من القنصلية السويسرية والمسافرون انا وزوجي فقط ...والله يعين
واذا طرا في بالي اسئلة بأكتبها وانتم ماتقصرون ....