-هاني-
08-07-2022 - 12:36 am
اخواني
حجزت على رحلة مع العائله الى نيويورك مطار جون كنيدي وصول الساعه 5 عصرا مبنى 4
ورحله بعدها بساعتين و 45 دقيقه اي الساعه 7.45 مساء على خطوط الكونتينينتال الى اورلاندو مباشره مبنى c
1- هل المسافه بين المبنيين متقاربه ام بعيده وكم المده وكيف الوصول باسرع وقت مشيا او بوسيلة مواصلات ؟
2- بالنسبه للعفش هل ياخذون عليه رسوم الطيران الامريكي او لاني جاي من رحلة دوليه يكون مجانا ؟
3- واذا كان عليه رسوم هل فيه فرق في السعر للشنطه بين الدفع بالنت او في المطار ؟
4- واذا كان مجانا بعدها بعشره ايام ارغب بحجز رحلة الى ديترويت على خطوط امريكيه اخرى
هل يحاسبوني على الشنط او تظل مجانا ؟
5- عندي سله متوسطه لحمل ادوات مطبخ ومواد غذائيه هل يحسبونها من ضمن الشنط ؟
بانتظاركم احبتي
-هاني-
وانا اخوك بالنسبه للرحله اللي بعد الرحله الداخليه هذي ماياخذون عليك شيء اذا قلت لهم انك جاي من رحله دوليه ومعك التذكره والبوردنق حق الرحله الدوليه
اما الرحله الداخليه الثانيه فيحسبون عليك الشنطه الاولى ب25 دولار والثانيه 30 دولار للشخص الواحد
طبعاً كل خطوط لها نظام بس اغلبها كذا ومنها الكونتنانتال اللي انت حاجز عليه
وفيه الساوث ويست هذي ماياخذون شيء على الشحن الا على الشنطه الثالثه للشخص وهذي موستحيل الواحد يشحن اكثر من ثلاث شناط
اما عن شنطة المواد الغذائيه او العزبه فهم مايناظرون وش نوع الشيء اللي انت تشحنه سواء شنطه او كرتون او اي شيء ثاني
هم عليهم من الحجم فقط
اذا حجمها يسمح لك تدخلها في الطياره فانت بتدخلها معك ولا يحسبون عليك شيء واذا كان العكس لازم تشحنها وبتدفع عليها فلوس حسب نظام الخطوطواذا تبي تعرف حجم الشنط المسموحولك بشحنها ادخل على موقع اي خطوط امريكيه وشف الحجم المسموح لك انت تركب الشنطه معك والحجم اللي مسموح لك انت تشحن الشنطه لأنهم مايرضون تشحن الشناط الكبيره وطبعاً كل الخطوط الامريكيه مثل بعض من ناحية حجم الشنط المسموح فيها
او اذا كنت في الرياض في محل للشناط على طريق الملك عبدالله اسمه الصنات وواحد جنبه اسمه الشماسي رح لهم وقله ورني حجم الشنطه اللي مسموح اركبها معي وحجم الشنطه اللي مسموح لي اشحنها واتوقع اغلب محلات الشنط المعروفه يعرفون الحجم بعد لو صرت برى الرياض يعني
وبالتوفيق حبيبي