عزيزي مراد سوف تخسر الكثير بحملك للشيكات السياحية اذا كنت تحملها بالباوند فكيف اذا كانت باليورو يعني بتحول من يورو لجنيه ( والصرافة هناك قطع ظهر ) فكرة الشيكات السياحة اندثرت بعد تطور شبكة الاتصالات . يكفيك بطاقة صراف الي مطبوع عليها شعار فيزا او ماستر كارد او ماستريو او امريكان اكسبرس او داينر كلوب ... الخ ويكون حسابك البنكي بين يديك في كل مكان ( ولا مانع من كاش بسيط تطلع فيه من بلدك لمصاريف المطار و التنقل للفندق عند الوصول ) ... تحياتي ... scott

مشكور يا أخوي سكوت على النصيحة بس حبيت أستفسر عن الماستر كارد والفيزا البطاقتين يعملون بنظام إذا أخذت لابد تسدد أول بأول يعني إذا ماسددت تتراكم عليك المبلغ. وبعدين يمكن أتورط

مراد1
اجابتي على قدر فهمي للسؤال ... بطاقات الائتمان ( الكريدت كارد ) مثل الفيزا والماستر وغيرها كثير هذي بطاقات تصدر من البنوك والشركات المالية بناء على مركزك المالي لديهم وعلى ضوء هالكلام البنك يعطيك رصيد قوة شرائية ( بطاقتي اقدر اشتري فيها ب 2000 ريال وبطاقتك تقدر تشتري فيها بمليون ريال ... انا بطاقتي بضمان راتبي وانت بضمان شركاتك ) طيب كيف طريقة السداد ؟؟ البنك يعطيك مدة تتراوح بين 30 يوم الى 45 يوم للسداد .. طيب اذا ما سددت ؟؟؟ بعض البطاقات التقليدية تفرض فوائد ربوية على الدين ويزيد المبلغ كل شهر ( وهذا حرام ) وبعض البنوك يوقف البطاقة ويحطك في القائمة السوداء ... طبعا ثقافة التعامل مع بطاقات الائتمان مفقود لدى الاغلبية منا لانه يحس انه ما دفع شيئ وقتها ولكن اذا جاء كشف حساب البطاقة قعد يصيح وش خلاني اشري وش خلاني اسافر ( لابد للواحد انه يعرف انه البطاقة تسلفك ولازم ترد السلف ) ... فاللي يشوف نفسه ما يقدر يتحكم بعملية الصرف فالاولى انه ما يملك مثل هالبطاقة ابدا ( واذا قال احد تامين الفندق وتاجير سيارة ؟؟ اقول له طلع بطاقة دبت كارد - يعني انت تشحنها بالفلوس - واسمها فيزا والا ماستر ) ... تحياتي ... scott

دايم ماتقصر يا أخ scott44 بارك الله فيك