carrickoo
و عليكم السلام
بالنسبة للجواز أكيد فيه ختم دخول، بس تقدر تدخل بالبطاقة
و الأمان الحمدالله موجود في كل مكان في البحرين و الحافظ الله
على فكرة مافي شي في البحرين اسمه دوار الؤلؤة، عندنا دوار مجلس التعاون و الحمدلله تمت إزالته و استبداله بتقاطع الفاروق بس ليحين ما جهز
و طريق المطار الى الجفير ما يمر ذاك الصوب ، اما اصحاب التكاسي كلهم بحرينيين بس نصيحتي انك تاجر سيارة احسن
حياك الله في ديرتك و اذا بغيت شي إحنا في الخدمة

أخوي hash ما قصر , وحياك الله في البحرين ,
لا يوجد في البحرين يوم من الأيام دوار يطلق عليه ( دوار اللؤلؤة ) , الدوار كان اسمه منذ تأسيسه ( دوار مجلس التعاون ) وفيه 6 أعمدة على عدد دول مجلس التعاون , المتظاهرين في تلك الأيام الغابرة كانوا يمونه ( دوار اللؤلؤة وبعد ذلك نشره الإعلام والصورة كما وصلتك أخوي واضح إنها من الإعلام )
تم إزالة الدوار بشكل تام ولم يعد للدوار أي أثر أو وجود , وتم إنشاء تقاطع من إشارات ضوئية مكان الدوار المخلوع وتم تسمية التقاطع ب ( تقاطع الفاروق ) ولكنه حتى الآن مغلقاً لأعمال الصيانة ,
وبشكل عام البحرين اليوم كلها آمنة , بل أن البحرين اليوم أقوى من الأمس , وغداً السبت ان شاء الله راح يبدأ الحوار الوطني الشامل الذي أطلقه ملك البلاد ,
بالنسبة لسؤالك الكريم حول منطقة الجفير فهي بعيدة عن موقع تقاطع الفاروق , وأصحاب التكاسي بحرينيين كلهم وليسوا عمالة وافدة , وحياك الله ,

الله يطوّل اعماركم ويخليكم ولا يخلينا منكم ..
انا باذن الله رحلتي بتكون الاربعاء والعودة السبت .. ايجار السيارة عندكم هل يحتاج بطاقة فيزا وكم مبلغ التأجير تقريبا
لأقل نوع من السيارات وهل احتاج رخصة دوليه ام ان رخصتي السعودية كافيه
شكرا اخوي هاش والشكر ايضا للخبير مشرفنا ديسكوفر

اكيد في دول مجلس التعاون رخصتك تكفي ولا تحتاج رخصة دولية بس ليش تسوق؟ خذ لك تكسي دام انها 3 ايام

شكرا لكم يا احبائي .. بالفعل هذا اللي حصل ياخوي ترانس اخذت لي تاكسي والحمدلله السفره كانت جدا
جميله والحمدلله الاوضاع جدا رائعه و الامن جدا ممتاز .
اعجبتني لوحة في مطار البحرين رائعة بمعنى الكلمة فوق كاونتر الخطوط السعودية وبعض كاونترات طيران الخليج
مكتوب عليها شكرا ابو متعب وفيها صورة ملكنا وملك البحرين الله يحفظهم ..
الله يحفظ البحرين من كل سوء وان شاء الله لي عودة قريبة جداً .

حياك الله ياخوي في ديرتك وان شاء الله استمتعت فيها
اما سالفه الجواز ضحكتني وذكرتني بحلقه طاش ماطاش الي قالو بروحون عمره وعقب سافرو مادري وين واختطفو طيارتهم ههه

كل هذا خوف من المدام؟