علي خليل
الرخصة الدولية تطلعها من المكاتب السياحية الكبيرة ومتطلباتها صورتين وصورة رخصتك المحلية ومبلغ يعادل 100 ريال
وشركات التأجير كثيرة جدا لكن القارمن نصيحة اشتر لك واحد وخله معك دايما

اهم شي القارمن نوفا 760 ويكون محدث

الله يوفقك
طبعآ الرخصة الدولية طلعتهآ من مكتب سيآحي
الطلبآت :
1- صورتين شخصية مكشوفة الراس .
2- جواز السفر < على شآن يآخذ الآسم مطآبق للجوآز .
3- رخصتك المحلية .
4- مبلغ من 100 ريآل إلى 150 ريآل على حسب المكتب .
بالنسبة لآجآر السيآره أنا أستآجرت من سكست عن طريق الآنتر نت وأستلمتهآ من فريسلآنق الآلمآنيه
وطلبو جوآز السفر + الرخصة الدولية + الرخصة المحلية + ورقة الحجز + فيزة البنك
وبالنسبة للقآرمن أنصحك بقآرمن نوفي 205 أشتريته من السعودية ب 580 ريآل + خرآئط دول العآلم .
وأستخدآمه سهل .. أحسن من أنك تآخذ سيآره مع القآرمن حقهآ وغير كذآ الي بتآخذه أنت معك بيكون عربي
رحلة سعيده

زوجى ضايع اللسن حقه
يصير اطلع الرخصه الدوليه با سمى
و زوجى هو اللى يسووق

وعليكم السلام
بالنسبه للرخصه كما ذكر دحومي احضر الجواز وصورتين وب 15 دينار كويتي مايقارب 150 ريال
اما السياره نصيحه مني روح Avis للمكتب الرئيسي الى متواجد في دولتك واحجز السياره
واستفسر عن طريق ألتأمين لاتنسى لينهم يسحبون من الفيزا فلوس ويجمدونهم لما ترد السياره
طبعاً مطلبات السياره على حسب نوع السياره
في انواع من السيارات يطلب منك 2 فيزا
والعمر فوق 25 سنه
وفي سيارات يطلب منك 1 فيزا والعمر 21 سنه
في اوروبا السواق من 18 سنه وفوق
احجز من دولتك عن طريق المكتب افضل وسيله و أمن وسيله
بالتوفيق تروح وترجع بالسلامه

(( كويتية ))
انا قبل اسافر ضاعت الرخصه مالتي ورحت مرور الاحمدي طلعت بدل فاقد يطلبون صوره شخصيه و اتوقع 15 دينار .. 20 دقيقه استملت الرخصه مالتي .. اما في اوروبا الرخصه ضروريه لين في بعض الاحيان توقفون في اماكن وانتم عرب ماتدرون الا الشرطه جايين عندكم يطلبون جواز السفر و الرخصه الدوليه .. لذا لتجنب هذي المشاكل السائق لازم معاه رخصه .. لو كانت السياره في اسمه بالمكتب وانتي معاج رخصه تسوقين عادي

ابوضحاوي
شكرا لتوضيح

كان الله في عونك ورحله موفقه